بلوچستان نا دارالحکومت کوئٹہ ئٹ بلوچ یکجہتی کمیٹی نا راہشون ڈاکٹر ماہ رنگ بلوچ و ایلو سنگت آتے انسداد دہشتگری نا عدالت ئٹ مون آ ہتنگا۔
ماہ رنگ بلوچ تون اوار بی وائی سی نا 6 سروک ءِ انسداد دہشتگری نا جج محمد علی مبین نا عدالت ئٹ مون آ ہتنگا۔
انسداد دہشتگری نا جج پولیس نا خواست آ ڈاکٹر ماہ رنگ بلوچ و ایلو سنگت آتے پین 15 دے کن ریمانڈ آ پولیس نا دوٹی تننگا۔
دا وخت آ چُنک ءُ وڈیو کلپ اسیٹی ڈاکٹر ماہ رنگ بلوچ ءِ تینا ہیت ءِ مون آ تخنگ آ بننگ مننگ کیک۔ ہراٹی او پاریسہ ءِ کہ “ننے سما ءِ کہ ہرا فیصلہ بسنے نی ہمو فیصلہ ءِ بنفوس”۔
او پارے کہ ننے دہ دے ئنا ریمانڈ آ تننگا ولے عدالتی فرمان آن گڈ ہم ننے تیوہ غا حق آتیا محروم تخنگا۔ ننا اُرا والا تے ننتو ملنگ نا اجازت تننگتئو و وکالت نامہ آتیا دستخط کننگ کن النگ افس۔
ڈاکٹر ماہ رنگ بلوچ پارے کہ تیوہ بلوچستان ئٹ ننے آ ایف آئی آر کننگانے ہرافتیکن وکالت نامہ آتیا دستخط کننگ المی ءِ ولے سپرٹنڈنٹ جیل ننا مون آ جج صاحب آ دوبہ خلک کہ او اجازت تتنے کہ اسہ ہم عدالت نامہ ئسے آ دستخط کننگ الپیرے۔
ڈاکٹر ماہ رنگ پارے کہ جیل ئٹ ننتون دا رویہ غاتا سوب نن بین برانز آ توسن۔