قندیل ئے تہار آتا تینا دوٹی کرینُٹ
اومیت ئے بہار آتا تینا دوٹی کرینُٹ
راستی نا پیامبر کے توار بُڑز کَننگ اوٹ
ای امن ئنا بیرک ئتو خاخر ٹی دڑِنگ اوٹ
تہوش آتا مَش ئے جوزہ نا پرغیوہ سگار ئٹ
فکری او گہوش اسینا ای سیخا ٹی رُدنگ اوٹ
دستار ئے وقار آتا تینا دوٹی کرینُٹ
ہمت نا گودل آتو سَلوک سیال ئنا خاک آ
جیرت نا جیجل آتو مَخوک دے اٹی ٹاک آ
شنزہ ٹی گِروک آتا وا ھورہ تا مقابل
غیرت نا خواجہ غاتو بَروک سوچ ئتو پاک آ
ای فکر ئے سگار آتا تینا دوٹی کرینُٹ
راوی تہ سلِنگ پا کرو بولان تو مقابل؟
ریک ئس پا چیوہ مسّونے طوفان تو مقابل
او زلم ئنا اوزار ئتو پَستاکہ جہلئو کیک
ای کاری او وار کیوہ دا ایمان تو مقابل
جوزہ ئے نثار آتا تینا دوٹی کرینُٹ
مایوس نہ دا جہد اٹی بےسوب مرینہ
ہر زلم ئنا شام آتِکے آشوب مرینہ
جت بت نا دودیفیس اگہ ھُلّی ئے گُشاد ئٹ
آجوئی نا رُمب ئٹ گڑا سرسوب مرینہ
ای کِشک ئے قہار آتا تینا دوٹی کرینُٹ.۔
توار بلوچ