قلات نا علاقہ منگچر نا علاقہ آن اسہ بندغ ئسے نا جون خننگانے ہرادے چاہنداری کن آر ایچ سی مندے حاجی آ دننگانے۔
ہندی ذرائع نا پاننگ ءِ کہ علاقہ نا رہینگوک آک جون ئنا خننگ نا احوال لیویز فورس ءِ تسر ، احوال رسینگنگ تون جون ءِ دوئی مسر و اوکان گڈ چاہنداری کن ہسپتال آ دننگانے ۔
جون ئنا چاہنداری صفی اللہ ولد عبدالوہاب ، ہند کوہک و ساڑی کھڈکوچہ نا پن آن مسونے ۔ لیویز ذرائع نا ردئٹ جون ءِ قانودی کاروائی آن گڈ خاہوت نا حوالہ کننگا ۔
لیویز کوالخواہ نا پاننگ ءِ کہ زوت ئٹ اسہ ہم وڑ ئنا سوب یا حالیت آک مونا بتنو ، تدینی نا گیشتر سر و سوج برجاء ءِ ۔