بلوچستان نا ضلع چاغی نا علاقہ دالبندین ٹی چھار شمبے نا سہب پاکستانی لشکر اسہ اُرا ئسے آ چھاپہ خلک ہراڑے سم کاری و بمب جلہو ئٹ بلوچ اسٹوڈنٹس آرگائزیشن ( پجار ) نا مسکوہی چیئرمین زبیر بلوچ تون اوار اِرا بندغ بیران مسونو ۔
کوالخواک تدینی نا پک کریسہ پاریر دا کاروائی ” انٹیلی جنس نا احوال آتا “ بنیات آ کننگاسس ۔ کوالخواہ تا ردئٹ زبیر بلوچ و اونا سنگت ناصر ہمو وخت بیران مس ہراتم او گمانی ردئٹ پاکستانی لشکر آ سم کاری کریر ۔
کوالخواہ نا دعویٰ ءِ کہ جھڑپ نا وخت زبیر بلوچ تینے آ ہم سم خلک اندن اونا اسہ پین سنگت جہانزیب ءِ دزگیر کننگانے ۔
زبیر بلوچ ہنوکا وخت ئٹی بی ایس او ( پجار ) نا چیئر مین مسوسس و اوکان گڈ وکالت نا شعبہ تون تفوک ئس ۔ او بلوچ سیاسی حلقہ آتیٹ اسہ اوار مروک ءُ باسک ئس سرپند مسکہ ۔