بلوچستان نا ضلع کچھی ئٹ پاکستانی لشکر نا بمب ڈسپوزل اسکواڈ ءِ نادرست بندغ آک بمب تراک ئٹ ٹک کرینو۔
کارندہ غاتے سنی نا علاقہ ئٹ رودی ڈور ئنا ہند آ ٹک کننگا۔ جلہو نا ذمہ واری ءِ بلوچ آجوئی پسند تنظیم یونائیٹڈ بلوچ آرمی (یو بی اے) ارفینے۔
یونائیٹڈ بلوچ آرمی نا ترجمان مزار بلوچ بیان ءِ تینا شینک کریسہ پارینے کہ سرمچار آک کوزہ گیر پاکستانی لشکر نا ٹولی ئٹ اوار بمب ڈسپوزل اسکواڈ ءِ ہمو وخت ریموٹ کنٹرول بمب تراک ئٹ ٹک کرے ہراتم او کسر کلیئرنس ئٹ گھٹ ئسر۔
ترجمان پارے کہ فوجی لشکر نا ٹولی سنی بنجائی کیمپ آن ڈھاڈر شار نا پارہ غا ہنیسہ ئس۔ تراک نا سوب بمب ڈسپوزل اسکواڈ نا اسہ کارندہ اس ہمو وخت آ مرگ ئنا گواچی مس مُسہ کارندہ بھاز ٹپی مسر۔