بلوچستان نا ضلع کیچ ٹی پاکستانی فورسز نا کارندہ غاتا دوتیان بیگواہ کننگ آن گڈ مسہ بندغ نا بیگواہ مننگ نا احوال آک رسینگانو ۔ بیگواہ بندغ تیٹ جند ندر جلہو کروک زرینہ بلوچ نا باوہ ماسٹر رفیق ، اونا کاکا خدا داد و دشتار زبیر اوار ءُ ۔
خاہوت و ہندی ذرائع نا ردئٹ ، ماسٹر رفیق ءِ ضلع کیچ نا علاقہ تجابان آن اندن خدا داد و زبیر ءِ تربت شار آن بیگواہ کننگا ۔ خاہوت نا پاننگ ئس کہ بیگواہ کننگ آن گڈ دائسکان او بندغ تا باروٹ ہچو احوال فراوان کننگتنے ۔
یاتی مرے کہ زرینہ بلوچ ہنوکا دے بلوچستان لبریشن فرنٹ ( بی ایل ایف ) نا جند ندر بٹالین ” سوب “ نا کاروائی ٹی اوار ئس ۔ رسینگوک احوال آتا ردئٹ ، زرینہ بارود آن پُر گاڑی ءِ کمپاٶنڈ ٹی ڈک تننگ آن جلہو ءِ بناء کریر ، ہراڑان گڈ جلہو کروک آک کیمپ نا تہہ ئٹ ہننگ ٹی سرسوب مسر ۔