کاؤنٹر ٹیررازم ڈیپارٹمنٹ (سی ٹی ڈی) دعویٰ کرینے کہ کوئٹہ ئٹ اسہ کاروائی سے ٹی ہشت سلہہ بند بندغ ءِ مرگ ئنا گواچی کننگانے۔
سی ٹی ڈی نا ترجمان نا رد ئٹ کاروائی کوئٹہ نا علاقہ درخشان ئٹ کننگا، و سم کاری نا وخت دا مرگ آک مسر۔ ترجمان پارے کہ سم کاری نا وخت مُسہ سی ٹی ڈی نا کارندہ ہم ٹپی مسر۔
دعویٰ نا رد ئٹ مرگ ئنا گواچی مروک بندغ آتیان سِلاہ و گولہ بارود خننگا، و اوفتا تعلقداری کالعدم تنظیم آن پاننگسہ مسونے، واہم پٹ و پول برجا ءِ۔
تدوک وخت ئٹ ہم سی ٹی ڈی نا کیہی کاروائی تے شکبر پاننگانے، ہراڑے شکبر مون تس آتا پن آ مالو آن بیگواہ بندغ تے مرگ ئنا گواچی کننگا۔ بلوچستان ئٹ بھلو وخت ئسے آن زوراکی ئٹ بیگواہی و عدالت آن چپ خون ریاستی ادارہ غاتون تفوک مسونے۔ دا پد ندارہ ئٹ مستونگ نا ساڑی آ تدینی اسہ وار پین بھلو سوال بڑز کیک۔