مہر آتا لتڑی ٹی جانان ءِ یاد ئٹی اٹ
خیسن دتر خنی آ مرجان ءِ یاد ئٹی اٹ
جٹس خنوسٹک نے مچٹ مخوسوسک نی
نے تو سلوکا گڈی ارمان ءَ یاد ئٹی اٹ
دیر ئس دوا کرو ءِ ٹپ آ تے راج ئنا دا
دا مِش کے ٹپ جلا درمان ءِ یاد ئٹی اٹ
داسا خلاسِسا ءِ روح ءِ غم ئس نا سیخا
سگ آ تا چٹ کشکا یزدان ءِ یاد ئٹی اٹ
اینو چرک تفنگے خشبو ءِ نازبو تا
ساہ ءِ تروکا پھلو گُل دان ءِ یاد ئٹی اٹ
لاغر بدن ملنگی چپّی نا ای نشانس
سوچ ئٹ زراب و لمبہ طوفان ءِ یاد ئٹی اٹ
ہرفپہ نی ادا تا لاڈی آ پھل و ساہ نا
روب و گمر تا خڑکا نازان ءِ یاد ئٹی اٹ
ہڑ دے جغر نا کپ ئس با ٹی کنا بریک ئک
نا وڑ نا دلبر آ تا تاوان ءِ یاد ئٹی اٹ
بیت کرے وطن تو چٹ تس دتر تے ذگرا
دا ڈیہہ ئتون اونا پیمان ءِ یاد ئٹی اٹ
منگل مزارے تسک نوشکل نا خمب ئٹی ہر
مابت و مہر ئنا تہ درشان ءِ یاد ئٹی اٹ
تہو ئٹ دتر نا گندے مچ ڈیہہ پراد ئٹی ءِ
نوشکل نا اُست خن تئے ماران ءِ یاد ئٹی اٹ
شاعری : آذاد بلوچ