ننے ان مُرے بھاز ایپار نا یاد اتا سنگر
خمارے ، مست ءِ نے انبار نا یاد اتا سنگر
اسٹ آ خیال ئنا وختی اتنگ کتونہ تاب ءِ
ننے کِشکا بِٹے دا جار نا یاد اتا سنگر
ننا گلشن ٹی دا پھل ئس رُدیپ پرواس افک
مرے ہر حال ہٹی گلزار نا یاد اتا سنگر
نمے اسکان ہچبر آھڑی آ تہوش سر مف
دعائے مف اسُل تار تار نا یاد اتا سنگر
رماغنگے کسر تے حق ئنا ٹُل آ سکوک ءِ
قُطب نا مرسہ ءِ استار نا یاد اتا سنگر
ہمودے بِرویسہ اُوتان نے آ برسہ ئسّک
ہرادے تیٹی ئس خیصار نا یاد اتا سنگر
صباء نا چیرگیج اسکا تینے نم سر کریرے
موارک پھل نمے لکھ وار نا یاد اتا سنگر
شاعر: زائم بلوچ