مستونگ نا ہندی و راجدوست پیر کماش ملک فیض محمد دہوار نا سیاسی و سماجی آ مسڑ ڈاکٹر عائشہ فیض ءِ دزگیر کننگا۔
یات سلے کہ منا دے مہالو مستونگ نا ہندی ڈاکٹر عائشہ فیض اسہ پریس کانفرنس اسیٹی تران کریسہ مستونگ نا باغ تے گُڈنگ نا حکومتی تڑی تے کانود آن چھپ پاریسہ بلوچ دیہاڑ نا مزاحمتی و سیاسی بابت ئٹ تینا سفا نلہ غا خیال آتا درشانی کریسس۔
او تینا پریس کانفرنس ئٹی وزیر اعلیٰ سرفراز بگٹی و وزیر داخلہ ضیاء لانگو نا زی آ نغد کریسہ پارے کہ ہڑتوماک بلوچ دود آتیان چھپ بلوچ تحریک نا باسک آتے دہشت گردی تون گنڈپس بلکن بلوچ جہد بھلو وخت ئسے آن بلوچ ڈغار نا رکھ اکن برجا ءِ کہ اونا باوہ ہم ہندا جہد ئنا بابت گڈی ساہ اسکان فکر مند ئسک۔
ہمو پریس کانفرنس نا سوب آن ریٹائر مروک آ سرجن ڈاکٹر عائشہ فیض نا برخلاف انسداد دہشتگردی ایکٹ نا کیرغ آن سی ٹی ڈی تھانہ ٹی رپورٹ نوشتہ کننگا۔
پولیس نا وسیلہ تا رد ئٹ سی ٹی ڈی ڈاکٹر عائشہ فیض ءِ دزگیر کریسہ تینتون درے۔