بلوچستان حکومت کرونا وائرس نا تالانی ءِ توننگ کن تیوی بلوچستان ئٹ اسہ ہفتہ اسیکن لاک ڈاؤن کننگ نا فیصلہ کرینے۔
محکمہ داخلہ بلوچستان نا نوٹیفکیشن نا ردئٹ بلوچستان ئٹ 8 آن 16 مئی اسکان کاروباری، سیل و سوات آ رکھ مرو۔
دا نیامٹ تیوہ غا مارکیٹ، دکان و شاپنگ مال آک بند مرور، و الّمی خواست نا گڑا تیکن میڈیکل اسٹور، ہسپتال، بلڈ بینک، ڈیری، سوزی و سُو ئنا دکان آک ملنگوک مرور۔
بلوچستان ئٹ نوک ئنا نن بازار، خیسن نا دکان، ہنام، پُچ ئنا دکانک، سیل و سوات نا پارک و ہند تا ہوٹل آک بِسٹ بند مرور۔
لاک ڈاؤن ئٹ سواری تا ہن و بر آ بِسٹ رکھ مرو، و بین الاصوبائی و شار نا تہٹی ہن و بر کروک خلقت نا سواریک بند مرور، پرائیویٹ گاڑی و رکشہ غاک 50 فیصد سیٹ آتا آسراتی تون سفر کننگ کرور۔
عئید نا دے تیٹ بلوچستان سیل و سوات نا ہند آک زیارت، بولان، مولہ چٹوک، ہنہ اوڑک، ہنہ جھیل، زردالو، ہزار گنجی، لیاقت پارک، بینظیر پارک و ایلو ہند آک ہم بند مرور۔