تنزانیہ نا پنی آ ناول نگار عبدالرزاق گرناہ ءِ 2021 نا نوبل داد برائے ادب تننگو۔ نوبل اکیڈمی اینو اونا پن آ داد نا پڑو ءِ کرے۔
گرناہ تینا ناول آتیٹ استعماریت نا زیم و باہوٹی تا حالیت آ برجاء بیدس نوشتہ کریسہ کرے۔
گرناء افریقہ نا دے ٹکی ملک تنزانیہ نا زنجیبار ئٹ ودی مس و دا وخت آ برطانیہ نا یونیورسٹی آف کینٹ ئٹ پروفیسر ءِ۔ دا داد ءِ دوئی کروک او اولیکو افریقی النسل ادیب ءِ۔
اونا دا وخت اسکان دئے ناول و بھازا افسانہ غاک شینک مسونو۔ نوزدہ سد و شش ئٹ شینک مروک اونا ناول “پیراڈائیز” بھاز پنی مس و اودے کتابی داد کن ہم پِن کننگاسس۔
نوبل کمیٹی نا چیئرمین برائے ادب اینڈرس اولسن اودے مابعد استعمار عہد نا پنی آ ادیب و تخلیق کار پِن کرینے۔ دا داد عبدالرزاق ءِ 10 دسمبر آ داد تننگ نا مجلس ئٹ تننگو۔
تدوکا سال نوبل داد برائے ادب امریکی شاعرہ لوئس گلوک ءِ تننگاسس۔
یاتی مرے دا وخت اسکان نوبل داد برائے ادب 118 بندغ ءِ رسینگانے ہرافتیٹ 16 زالبول اوار ءُ۔