بلوچ لبریشن آرمی استو بلوچستان نا ضلع کیچ ئٹ پاکستانی لشکر نا کیمپ آ مروک جلہو نا ذمہ واری ءِ ارفے۔
بی ایل اے نا ترجمان جیئند بلوچ میڈیا ٹی شینک کروک بیان اسیٹ پارے کہ بی ایل اے نا سرمچار آک کیچ ئنا علاقہ ہوشاپ ئٹ اسہجلہو اسیٹ کوزہ گیر پاکستانی لشکر نا چار کارندہ مرگ ئنا گواچی و کیہی تے ٹپی کریر اندن اسہ ڈرون ئسے ہم خلکر بِٹیر۔
ترجمان پارے کہ بی ایل اے نا سرمچار آک استو ہوشاپ ئٹ کوزہ گیر پاکستانی لشکر نا بنجاہی کیمپ آ راکٹ و ایلو پوسکن بھلا سلہہتیٹ جلہو کریر، کم و ود پانزدہ منٹ اسکان برجاء مروک دا جلہو ئٹ کم آن کم چار دژمن کارندہ مرگ ئنا گواچی و کیہیک ٹپی مسر۔
جیئند بلوچ پارے کہ جلہو نا وخت دژمن سرمچار تا برخلاف ‘سرویلنس ڈرون‘ ئسے کاریم ئٹ ہتنگ ئس، ہرادے سرمچار آک خلکر بِٹیراندن جلہو ئٹ دژمن لشکر نا اسہ چوکی اس راکٹ لگنگ آن تیوہ بھس مس۔ شکست کنوک دژمن کارندہ غاک جلہو آن گڈ جتا پارہغاتیٹ لس آباتی آ کیہی مارٹر گولہ خلکر۔
او گیشتر پارے کہ بلوچ لبریشن آرمی دا جلہو نا ذمہ واری ءِ ارفک و دا ہیت ءِ دوارہ پائک کہ کوزہ گیر نا تیوہ پیشتمنگ اسکان نناکاروائیک ترندی ئٹ برجاء مرور۔