سندھ ئنا علاقہ سکھر ٹی جَنی تا ویگن ٹرالر سیٹی ڈک لگا ، ہرانا سوب ٹی مسئ بندغ مرگ نا گواچی و دوانزدہ آن گیشتر ٹپی مسونو۔

تدینی نا حوال رسینگنگ آ پولیس و ریسکیو نا ٹولی ہمو جا آ رسینگار  جون و ٹپی مروک آتے سول اسپتال سکھر آ دننگا ۔

پولیس کوالخواہ نا ردئٹ اِرا ایلم کلتار لال و اکشے کمار نا جَن ڈھرکی آ ہننگ ئس کہ گھوٹکی بھلا کسر آ ویگن و ٹرالر ڈک لگار ، تدینیٹی اسہ بندغ ئس ہند آ ساہ تس، اندن اسہ نیاڑی و اسہ بندغ ئسے نا کہنگ اسپتال ٹی درمان کننگ نا وخت مس ۔

اسپتال بست و بند نا پاننگ ئس کہ دائسکان 14 ٹپی مروک آتے اسپتال آ ہتنگانے ، ہرافتیٹ مسہ چُنا ہم اوار ءُ ، ٹپی مروک آتیٹ پنچبندغ نا حالیت خُلیس نا ءِ ۔

اسپتال بست و بند نا پاننگ ئس کہ مرگ نا گواچی مروک آتا چاہنداری خاتون پُھلی، مورلال و مووی میکر عدیل آن مسُنے ۔

حوال تا رِد ئٹ اسلامی تحریک مزاحمت ( حماس ) اسرائیل ءِ ڈوہدار ملک اس پاننگ نا خواست کریسہ بندغی حق آتے لتاڑنگ آاسرائیلی ریاست نا عسکری و سیاسی لیڈر شپ ءِ مونا ہتنگ و اوفتا بر خلاف مقدمہ خلنگے۔

اقوام متحدہ نا جنرل اسمبلی نا پارہ غان 1948 ئٹی منوک بندغی حق آتا جہانی پڑو نا جوڑ مروک آ دے آ اسہ بیان ٹی حماس زورشاغا کہ دا دے فلسطینی تیا مروک آ بیدادی و ڈوہکار آتے ایسر کننگ نا اسہ جوانو وخت ئسے۔

بیان ٹی پین پاننگا کہ بندغی حق آتا جہانی دے  ئنا مجلس اسہ جوانو وخت ئسے جہان ءِ اونا ذمہ واری تے یات تننگ کن کہ کوزہ گیرریاست نا برخلاف، چپ ہننگ و اونا دہشت گردی ءِ ڈو اس پاننگ کن سوبر کاروائی کننگ و اودے ہر وڑ ئٹ توننگ کن کاریم کننگ ناخواست کینا۔

او پین پارے کہ بندغی حق آتا جہانی دے ئنا مجلس اسہ اندنو وخت ئسے ٹی کننگ ءُ ہرا وخت کوزہ گیر نا دہشت گردی و فلسطینی لسمخلوق نا برخلاف اونا، سٹی پٹی خوْن، دیات آتا زیاتی و زمین تا دزی نا وڑ ئٹ برجاہ ودیسہ ءِ حماس پارے کہ کوزہ گیر ریاست ناڈوہکار آک بندغی حق آتا جہانی پڑو و جہانی قانود نا اصول آتا پاش ءُ برخلافی ئسے۔

بلوچستان نا دریابی شار گوادر ئٹی پاکستانی لشکر نا قافلہ آ جلہو، جلہو کار آک پاکستانی لشکر نا کارندہ آتا سلاء و مڈی تے تینتودریر۔

شابیتی حوال تا رد ئٹ بلوچستان نا دریابی شار گوادر نا علاقہ کنڈاسول ئٹی پاکستانی لشکر نا قافلہ آ سلاء بند بندغ آک ترند ءُ جلہواس کریر، جلہو ئٹ فوج ئنا اُلاخ آک بھس و کارندہ آک مرگ ئنا گواچی مسر و سلاء بند بندغ آک فوج ئنا سلاء و ایلو مڈی تے دوئیمسر۔

بلوچستان لبریشن فرنٹ نا ترجمان میجر گہرام بلوچ تینا شنگ مروک بیان ئٹ دا جلہو نا ذمہ واری ءِ ارفیسہ پارے کہ ہفت کارندہ ءِ مرگئنا گواچی و سلاء تے دوئی کننگانے۔

بی ایل ایف نا ترجمان پارے کہ سرمچار آک گوادر نا علاقہ کنڈا سول آ پاکستانی لشکر نا راشن دروکا ٹرک آتا قافلہ آ بھلا سلاء تیٹجلہو کریر ہراڑان اسہ ٹرک ئٹی سوار مُسہ فوجی کارندہ کسکر۔ اوفتا سلاء تے دوئی مننگ آن گڈ سرمچار آک دشمن لشکر نا ٹرک ءِخاخر تسر۔ دا قافلہ ٹی اوار اسہ پین اُلاخ ئسے ہم ٹک کننگا ہرا ٹی سوار مُسہ کارندہ مرگ ئنا گواچی مسر و ڈرائیور ٹپی حالیت ئٹینرنگ ئٹ سرسہب مس۔

ترجمان پارے کہ دا جلہو نا ویڈیو زوت شنگ کننگو۔

او ودیک پارے کہ اکتوبر نا 25  تاریخ آ سائیجی  کنڈا سول،کومب ئٹی سرمچار آک ہمو وخت اسہ بارودی سرنگ اس تالان کریر ہراوخت دشمن لشکر دا علاقہ ٹی بےدادی کننگ ئس۔ تدوکا دے سرمچار آک دا علاقہ ءِ ہُننگ کن ہنار تو اوڑے پاکستانی لشکر نا کارندہ آتابوٹ و دتر نا نشان آن خننگار، ہراڑان پاش مریک کہ دا نا پلویڑ ئٹی بریسہ فوجی کارندہ آک مرگ ئنا گواچی مسنو۔

ترجمان پارے کہ کوزہ گیر فوج آ جلہو آک کوزہ مروک بلوچستان نا آجوئی اسکان برجاء مرور۔

خوانندہ تا کنڈ آن بندغی حق آتا جہانی دے نا رد ئٹ بلوچستان تون اوار پاکستان نا ایلو شار تیٹ زوراکی نا بیگواہی، بلوچ خوانندہ تےتڑی تننگ و بلوچستان ئٹ بندغی حق آتے لتاڑنگ نا برخلاف دپدرشانی کننگا۔

اسلام آباد ئٹ بلوچ اسٹوڈنٹس کونسل نا کنڈ آن دپدرشانی کننگا ہرا ٹی بلوچ خوانندہ آتون اوار سول سوسائٹی نا باسک آتا بھلو کچاس اوار مس۔

اسلام آباد برانز نا بارو ئٹ بیان شنگ کریسہ بلوچ خوانندہ تا پاننگ ئس کہ اینو بندغی حق آتا جہانی دے نا رد ئٹ و دا برانز نا کمکئٹ دا ہیت ئنا جیرت کرون کہ بلوچستان ئٹ دہائی تیان بندغی حق آتا لتاڑنگ چرجوئی ئٹ برجاء ءِ ہراڑے بلوچ خوانندہ، چاگڑدی باسک،صحافی و ایلو بندغ داڑیسکان کہ زالبول و چناک ہم دا ظلم آتیان رکھوک افس۔ بندغی حق آتا لتاڑنگ آ زوت پامداری تننگ نا خواستکینہ۔

اوفک پاریر کہ بلوچ خوانندہ تا بیگواہ کننگ اوفتے جتاء وڑ ئٹ ہر وخت تڑی تننگ داسا اسہ پاش ءُ ریاستی پالیسی اس جوڑ مسنے نندا درشان کننگ خواہنہ کہ تعلیمی ادارہ تیان بلوچ خوانندہ تا زوراکی ئٹ بیگواہ مننگ بندغی حق آتا لتاڑ ئسے و دن انگا تدینیک داسابلوچستان نا تعلیمی ادارہ تیٹ ہڑدے نا کاریم جوڑ مسنو ہراڑے 1 نومبر 2021 آ سہیل بلوچ و فصیح بلوچ یونیورسٹی آف بلوچستان ناہاسٹل آن زوراکی ئٹ بیگواہ کننگاسر و داسکان او پاش کننگتنو۔

خوانندہ تا پاننگ ئس کہ فیروز بلوچ ہرا بارانی زرعی یونیورسٹی راولپنڈی نا خوانندہ سے اودے راولپنڈی ٹی بارانی زرعی یونیورسٹی ناتہہ آن زوراکی ئٹ بیگواہ کننگا 7 تُوہ پورو مننگ آن بیدس او داسکان یلہ متنے۔ سعود ناز ہرا اسہ چنک سن ءُ خوانندہ سے اودے 25 اکتوبر 2022 آ زوراکی ئٹ بیگواہ کریسہ نادرست ءُ جاگہ سے آ دننگا و اِرا دے مالو کمپیوٹر سائنس نا خوانندہ نورخان بلوچ ءِ کوئٹہ ناعلاقہ عیسیٰ نگری آن زوراکی ئٹ بیگواہ کننگا ہرا نا بارو ئٹ داسکان ہچو معلومداری دوئی متنے۔

اوفک پاریر کہ بلوچستان ئٹ بندغی حق آتا لتاڑ نا اسہ وے سلوک ءُ لڑ اس برجاء ءِ ہراڑے چناک، پیر انگاک، خوانندہ و داڑیسکان کہزالبول آک ہم رکھوک افس اگہ نن ہنوک وخت ءِ ہُرین گڑا 2019 ئٹ بلوچستان نا ضلع آواران آن بلوچ لُمہ و ہیڑ تے زوراکی ئٹ بیگواہکننگاسس و پدان اوفتے پاش کریسہ یلہ کننگا۔ برجاء سال 27 اپریل آ ضلع پنجگور آن سہراب نا مسڑ شاہ بی بی ءِ اونا چنا تون اواربیگواہ کننگا و پدان اوفتے یلہ کننگاسس۔ درزن آتیٹ دننگا تدینیک دا ہیت ءِ پک کیرہ کہ زوراکی ئٹ بیگواہ مروک بندغ تا خاہوت آتےبرانز کون آ بنداوی حق و اوفتے جتا چم تیٹ پرامن جہد آن پدی کننگ نا کوشست آک ہم برجاء ءُ و دافتے ڈرامہ نا پِن تریسہ کراچی،کوئٹہ و اسلام آباد تون اوار تیوہ ڈیہہ ئٹ برانز آتیٹ بیگواہ بندغ تا خاہوت آتا بے شرفی و اوفتے بے دادی نا گواچی کننگ بلوچستان ئٹبندغی حق آتا لتاڑ نا پاش ءُ شاہدی ئسے۔

اوفتا گیشتر پاننگ ئس کہ بلوچ خوانندہ تا زوراکی ئٹ بیگواہی و پروفائلنگ نا بر خلاف بلوچ خوانندہ غاک انصاف نا غٹ درگہ تیا ہنارولے بد بختی آن ننا خُلیس تے مُر کننگتو بلوچ خوانندہ غاک عدالت آن خواست کریر ہراڑے بلوچ خوانندہ تے زوراکی ئٹ بیگواہ کننگ واوفتے تڑی تننگ نا بر خلاف اسہ عدالتی کمیشن اس ٹہیفنگا ولے بد بختی آن دا کمیشن ہم ہر وخت آنبار جوڑ کروک کمیشن تا دود آتیاسلیس و بے اومیتی آن بیدس پین ہچ تتو بلکن ہراتم آن کمیشن ٹہیفنگانے پین بلوچ خوانندہ و ایلو بندغ تے زوراکی ئٹ بیگواہی نا گواچیکننگک۔ انصاف نا غٹ درگہ تیا ہننگ آن بیدس سماعت نہ مننگ آن بلوچ خوانندہ تا ریاستی نظام انصاف آ یخین سلتنے داسا گیشترعدلیہ و کمیشن تا دروہ و چم تا کنڈ آ ہننگ کپنہ۔

خوانندہ تا ودیک پاننگ ئس کہ 10 دسمبر بندغی حق آتا جہانی دے ئنا رد ئٹ مروک دا برانز نا کمک ئٹ نن غٹ جہانی بندغی حق آتاتنظیم آتیان خواست کینہ کہ او بلوچستان نا غٹ بنداوی بندغی حق آتا لتاڑ نا نوٹس ہلیر و بلوچ خوانندہ تا زوراکی نا بیگواہی تابرخلاف تینا کڑد ءِ ایسری ایتر۔

بلوچ لبریشن آرمی نا ترجمان جیئند بلوچ نوشکی و بلیدہ جلہو تا ذمہ واری ءِ ارفے۔ جیئند بلوچ شینک کروک بیان اٹ پارے کہ بی ایل اےنا سرمچار آک بلوچستان نا شار نوشکی و بلیدہ ٹی اِرا جتاء جلہو تیٹ کوزہ گیر پاکستانی لشکر نا ڈھکوک ادارہ آتا کارندہ آتے  ٹِککریسہ اسہ کارندک ئسے مرگ ئنا گواچی اندن مُسٹ ٹپی کننگانو۔

او پارے اولی جلہو ئٹ بلوچ سرمچار آک نوشکی بازار ٹی دژمن لشکر نا اسہ ہندی سلاء ہتروک آغا ولی ءِ سُم کاری کریسہ مرگ ئناگواچی کریر۔ پِن کروک بندغ تدوک بھلو وخت ئسے آن آئی ایس آئی کِن مخبر و کارندہ نا ڈول ئٹ کاریم کننگ ئس و تینا دکان ءِ اسہٹھکانہ نا وڑ کاریم ئٹ ہتنگ ئس۔

“پِن کروک کسفنگوک کارندہ ورنا مار و مسڑ تے بلیک میل کریسہ ڈھکوک ادارہ آتیکن بھرتی کننگ تون اوار بلوچ ورناتے زوراکی ئٹبیگواہ کننگ ٹی کوزہ گیر لشکر نا کمک ءِ کننگ ئس اندن کوزہ گیر لشکر نا پاننگ آ بلوچ شہید آتا خاہوت آتے ہم جتا وڑ ئٹ فریشانکننگسہ ئس۔”

جیئند بلوچ پارے غداری کننگ آ آغا ولی بی ایل اے نا ہٹ لسٹ ئٹ ئس، ہرانا ڈوہ آ اینو سرمچار آک عمل درآمد کریر۔ پِن کروک نیٹورکتون تفوک گیشتر بندغ آتے زُوت اس اوفتا ایسری اسکان رسیفون۔

او پارے ارٹمی جلہو ٹی ، بلوچ لبریشن آرمی نا سرمچار آک بلیدہ نا علاقہ میناز ٹی اسہ چغلی بمب جلہو ٹی پاکستانی لشکر نا سلاءہتروک آتا اسہ جاگہ ئسے ہمو وخت ٹِک کریر ، ہراتم اوڑے کم و ود چار ریاستی ایجنٹ ساڑی ئسُر، تراک نا سوب آن آصف ولد نورحسین سکنہ فیصل آباد تون اوار مُسہ سلاء ہتروک ٹپی مسر۔

جیئند بلوچ پارے کہ بلوچ لبریشن آرمی دا دے تیٹ مروک جلہو تا ذمہ واری ءِ ارفک و دا ہم پاش پائک کہ کوزہ گیر لشکر تون اوار اوناسلاء ہتروک آتیا ننا جلہوک برجاء مرور ۔

حوال تا رد ئٹ لسبیلہ،حب و پشین ئٹ لوکل گورنمنٹ الیکشن نا اولیکو لڑ ئنا گچین کاری تیکن پگہ آن پولنگ ملنگو۔

گیشتر حوال تا رد ئٹ بلوچستان نا ارا ضلع لسبیلہ و حب تون اوار ضلع پشین نا میونسپل کمیٹی حرمزئی ٹی لوکل گورنمنٹ الیکشن نااولیکو لڑ ئنا گچین کاری تا پولنگ یک شعبہ نا دے11 دسمبر آ ملنگو۔

اندن پریذائیڈنگ افسر آتے گچین کاری تا گڑاک ہم تننگانو، ضلع حب و لسبیلہ ٹی جمعی وڑ ئٹ 259 پولنگ اسٹیشن و 690 ووٹ بٹوکڈبہ جوڑ کننگانے ہراڑے نرینہ ووٹ کروک آتا کچ 153236 و زالبول ووٹ کروک آتا کچ 119087 ءِ۔

وضلع پشین نا میونسپل کمیٹی حرمزئی نا گچین کاری تیکن13 پولنگ اسٹیشن و 30 ووٹ بٹوک ڈبہ جوڑ کننگانے ہراڑے نرینہ ووٹکروک آتا کچ 6151 و زالبول ووٹ کروک آتا کچ 4739 ءِ اندن میونسپل کمیٹی حرمزئی ٹی  جمعی وڑ ئٹ 79 امیت کروک گچین کاریٹی بشخ الکنو۔

بلوچستان ئٹ خواننگ جاہ تے ہشنگ نا تدینی تا برخلاف بلوچ اسٹوڈنٹس ایکشن کمیٹی تربت نا پارہ غان اینو عطا شاد ڈگری کالج آنشہید فدا چوک اسکان دپدرشانی کننگا۔

دپدرشانی ٹی خوانندہ آتون اوار جتا فکری تپہ آتا بندغ آک بھلو کچ ئسیٹ اوار مسر۔ اوار مروکا دو ٹی بینر و پلے کارڈ ارفیسہ اسکولآتے ہشوک آ تعلیم دشمن آتا برخلاف نعرہ ہم خلکر۔

یاتی مرے داکان مُست ہم بلوچ اسٹوڈنٹس ایکشن کمیٹی نا کنڈ آن اوتھل و شال ئٹ ہم بلوچستان نا جتا علاقہ آتیٹ اسکول آتے ہُشنگنا برخلاف برانزی ریلی اڈ تننگاسس۔

اوفتا پاننگ ئس کہ بلوچستان ئٹی اسہ چم ئسے نا رد ئٹ اسکول آتے چرجوئی ئٹ ہُشنگ ءُ و تعلیم دشمن آتا دا عمل نا بنماسی سوببلوچ ورنا تے تعلیم آن مُر تخنگ ءِ۔

او پاریر کہ دا چم ئنا برخلاف تنظیم ہر تلہ آ جہد کرو۔اوفتا پاننگ ئس کہ تدوکا منَہ تو آن بلوچستان نا جتا علاقہ آتیٹ اسکول آتےہُشیسہ بھس کننگ ءُ۔

یاتی مرے، ضلع کیچ ئنا تحصیل بلیدہ ٹی کلکشان اسکول ءِ خاخر تریسہ بھس کننگا و پسنی نا علاقہ وڈ سر، ریک پشت ئٹی گرلزپرائمری اسکول نا انفراسٹرکچر ءِ ہُشیسہ بھس کننگا۔ اندن کیچ ئنا علاقہ دازن ئٹی خان کلگ ہائی اسکول ءِ ہم خاخر تننگا۔

داڑان بیدس برجاء ہفتہ ٹی وندر نا علاقہ سونمیانی ٹی پرائیویٹ خواننگ جاہ ٹی سی ایف آ شرپسند آک جلہو آن گڈ خواننگ جاہ ءِخاخر تسر۔

دا غٹ تدینی تیان گڈ بلوچ اسٹوڈنٹس ایکشن کمیٹی نا ترجمان تینا بیان ءِ شنگ کریسہ پارے کہ بلوچ خوانندہ تنظیم نا حیثیت ئٹ نن داعمل نا نئے بیرہ  مذمت ءِ کینہ بلکہ دا سازشی عمل نا برخلاف عملی بنداو آ جہد ہم کرون۔ ہراکان گڈ بلوچستان نا جتا علاقہ، اوتھل،شال و اینو تربت ئٹ برانز آتا لڑ بناء کننگا۔

یورپی یونین ایران ئٹ برجاء برانز آتا وخت اولی وار پاہو تننگ و بندغی حق آتے لتاڑنگ نا سوب آن ایران آ پین رکھ خلنگ نا فیصلہکرینے۔

پیشن ملکی حوال تروک ادارہ ‘اے ایف پی‘ نا پاننگ ءِ کہ 23 سن ئنا محسن شکاری ءِ اسہ انقلابی عدالت ئسے نا کنڈ آن ‘خدا توندشمنی‘ نا ڈوہدار پاننگا ہراڑان گڈ اودے پنچ شمبے 8 دسمبر نا سہب پاہو تننگا۔

دا تدینی تیان گڈ جہانی برادری تون اوار یورپی یونین پاہو تننگ نا سزا آ مذمت کریسس۔

برانزی تا بر خلاف ترند سزا تا دوبہ ٹی برطانیہ تدوکا دے ایران نا اہم اوغدیدار آتون اوار 30 بندغ و اوغدیدار آتیا پین رکھ خلنگ نا پڑوکرینے۔

یورپی سفارتکار تا پاننگ ءِ کہ یورپی یونین یوکرین نا بر خلاف روس ءِ ڈرون طیارہ تننگ و برانزی تا برخلاف کریک ڈاؤن کننگ آ پین رکھخلو۔

12 دسمبر آ برسلز ٹی وزرائے داخلہ نا مجلس ئٹ رکھ آتیا قانودی رد ئٹ دستخط کننگو۔

بلوچستان نا ضلع نوشکی ٹی اینو سہب نا نادرست سلاء بند بندغ آک سم کاری کریسہ آغا ولی پنی ءُ بندغ ئسے اونا دکان ٹی مرگ ئناگواچی کریر۔ جلہو آن گڈ پن کروک بندغ آک نرار۔

پولیس نا پاننگ ءِ کہ جلہو آن گڈ پولیس و ایلو قانود ٹہیفوک ادارہ تا کارندہ غاک جاگہ آ سر مریسہ علاقہ ءِ گھیرہ کریر اندن پن کروکبندغ نا جون ءِ قانودی کاروائی کن اسپتال آ سر کننگا۔

پولیس کوالخواہ تا ودیک پاننگ ءِ کہ جلہو آن گڈ شار نا تہہ ئنا جتاء کسر تے ہن و بر ئکن بند کننگانے اندن جلہوکار تا پٹنگ برجا ءِ۔

ذرائع تا پاننگ ءِ کہ پن کروک بندغ نا تعلقداری حکومتی مُخ تفوک سلاء بند ٹولی تیان ءِ۔ یاتی مرے کہ بلوچ سیاسی و چاگڑدی بندغ آتاپاننگ ءِ کہ بلوچستان ٹی پاکستانی فوج و ڈھکوک ادارہ غاک سلاء بند ٹولی ٹہیفینو ہرافک ڈیتھ اسکواڈ نا پن ئٹ چاننگرہ اندن اوفتےبلوچ آجوئی دوست آتا بر خلاف آزاتی ئٹ سلاء ارفنگ نا موکل تننگانے۔

بلوچستان نا جتاء علاقہ تیٹ پن کروک ٹولی تیان تعلقداری تخوک بندغ تے بلوچ سلاء بند آجوئی دوست آتا کنڈ آن ٹک کننگانے۔ واہم اینونا مروک جلہو نا ذمہ واری ءِ گڈیکو حوال اسکان ہچو تنظیم ئس ارفتنے۔

کم و ود 200 روہنگیا رکھ ہلوک آتون اوار اسہ کشتی نا پِننگ آن گڈ اسہ ہفتہ سے آن ہم زیات وخت بحیرہ انڈمان ٹی وہِنگ ءِ۔ اقواممتحدہ جاندمی ایشیائی ڈیہہ آتیا زور شاغانے کہ او دا کشتی ءِ ٹُبِنگ آن بچفر۔

رکھ ہلوک آتا بابت ئٹ اقوام متحدہ نا ایجنسی جاندم قطبی ایشیائی ڈیہہ آتیا زور شاغانے کہ او دا کم و ود 200 رہنگیا رکھ ہلوک آتےبچفر، ہرافتا سوب آن کشتی تدوکا اسہ ہفتہ سے آن ہم زیات وخت آن سمندر ٹی پِننگ آن گُڈ بےوارث و کُمک کِن ہُروک تار کننگ ءِ۔

اقوام متحدہ نا ایجنسی ( یو این سی ایچ آر ) پنچ شمبے نا دے اسہ بیان ئسے ٹی پارے کہ شابیت حوال رسینگانے کہ یک دسمبر آروہنگیا تا دا کشتی نا انجن فیل مسس و ہمو وخت آن روہنگیا رکھ ہلوک آک تھائی لینڈ نا دریا آ کشتی ٹی گٹ ءُ۔

ایجنسی تینا بیان ئٹ پارے کہ “کشتی ٹی ساڑی بندغ آک کیہی دے آن اِرغ و دیر آن بیدس و دیر نا کمبوتی نا گواچی ءُ۔ “

اونا گیشتر پاننگ ئس کہ اوڑتون اندنو بے پک ءُ حوال ہم ارے کہ دا لڑ تا سوب آن بھاز آ باہوٹیک مرگ نا گواچی مسنو۔

اونا پاننگ ئس کہ ، ” اگہ دا بندغ آتے بچفتوس کشتی آن دھڑفتوس، گڑا بروک آ دے تیٹ گیشتر بندغ آتا مرگ نا گواچی مننگ نا خُلیسارے ۔ “

حوال تِروک ادارہ روئٹرز بندغی حق آتا تنظیم نا بارو ئٹ پارینے کہ دا کشتی نومبر نا اخیر ئٹ بنگلہ دیش آن پیشن مسس و جاندمیتھائی لینڈ نا رنونگ نا دریا نا ماس آ رسینگنگ ئٹ داٹی دیر پُر مننگ بناء مس۔

اونا ردئٹ “( اوفتتون ) کشتی آ اِرغ و دیر کم و ود ایسر مسُنے ” و کشتی ئٹ مروک نرینہ آتا بھلو کچ اس رزان تیٹ دیر ءِ کشِنگ ناکوشست کننگ ئسُر ۔

یو این سی ایچ آر دا تُو نا بناء ٹی حوال تِسس کہ روہنگیا رکھ ہلوک آتا کچ ٹی ” ڈرامائی “زیاتی مسُنے ، ہرا میانمار و بنگلہ دیش آنجاندم قطبی ایشیائی ڈیہہ آتا پارہ آن کشتی تیٹ بیم تروکو سفر کننگ ءُ۔

ایجنسی نا پاننگ ئس کہ ، ” بین الاقوامی بندغی حق آتا قانود نا ردئٹ، سمندر ئٹ گٹ مروک بندغ آک ، ہرا وخت فریشانی ٹی مریر ،گڑا اوفتا رکھ ءِ کروئی ءِ ، و اوفتے جوانو جاگہ سے آ رسیفوئی ءِ۔ ساہ تا رکھ ئکن زوت گام ارفنگ المّی ءِ ۔ ”

میانمار نا لشکر نا خُلیس آن روہنگیا مسلمان آتا نرِیسہ ایلو ڈیہہ تیٹ باہوٹ مننگ نا لڑ داسا ہم برجاء ءِ ۔ دُن آ رکھ ہلوک آتا بھلو کچاس بنگلہ دیش نا سیم آ سنگر تیٹ زند گدریفنگ ءُ۔ دافتیٹ کہیک کاکس بازار نا سنگر تیٹ ناگفتہ حالیت ئٹ رہینگنگ آ بےوس ءُ ۔

میانمار نا راکھین ریاست ٹی فوجی کاروائی سال 2017 ٹی بناء کننگاسس ، ہرادے اقوام متحدہ نسلی پاک آن تعبیر کیک۔ داسکان کمو ود دہ لکھ روہنگیاک تینا اُرا تے الیسہ پند ئٹ و کشتی تیٹ ہمسایہ ملک بنگلہ دیش نا پارہ آ بنانو۔

میانمار حکومت نا ردئٹ فوجی کاروائی روہنگیا آجوئی دوست آتا برخلاف بناء کننگاسس واہم او وخت لشکر آ بےدادی ، جنسی زیادتی وکسفنگ نا دوبہ آک ہم خلنگار۔ ولے میانمار روہنگیا اقلیت نا اشتماعی بدکاری و مرگ نا گواچی کننگ نا وڑ ئنا غُٹ دوبہ آتیان نمنمریسہ بسنے۔