اوغانستان نا شار مزار شریف اٹ سڑک نا رہی آ مروک اسہ بم تراک اسیٹ پٹرولیم کمپنی نا ہفت کاریم کروک کسکنو۔

حوال تروک ادارہ اے ایف پی بلخ پولیس نا ترجمان نا رِدئٹ پارے کہ دا تراک سئے شمبے نا دے مس۔

مزار شیرف پولیس نا اسہ کارندہ آصف وزیری پارے کہ ‘دا بم سڑک نا رہی آ اسہ ریڑھی اسیٹ تخوک ئس۔ ہراتم پٹرولیم کمپنی نا بس اوڑے سر مس تو بم ترخا۔’

یاتی مرے کہ طالبان خدو اگست ئٹ ملک نا کوالخواہی دوئی کننگ آن گڈ دعویٰ کریسس کہ امن و ایمنی نا حالیت زَبر کننگانے واہم بھلو وخت ئسے آن جتا علاقہ آتیٹ کہی بم تراک و جلہوک مسونو۔

دافتیٹ زیات جلہو تا ذمہ داری ءِ ‘داعش’ نا ہندی کُڑدہ ارفینے۔

برجاء تُو نا بناء ٹی مزار شریف نا قطبی کہی ہلنگوک علاقہ ئٹ اسہ مدرسہ اسیٹ ہم بم تراک اس مسوسس ہراٹی 19 بندغ مرگ ئنا گواچی و 24 ٹپی مسر۔

آصف وزیر اے ایف پی ءِ اینو نا تراک نا بابت پارے کہ دا تراک سید عباد چوک نا رہی سہب تون ہفت بجہ غا مس۔

تراک ئٹ شش بندغ ٹپی ءُ۔ دائسکان تدینی نا بابت شابیتی حوال مونی بتنے و کس اس جلہو نا ذمہ واری ءِ ارفتنے۔

پنی آ تعلیمی جہد کار و استاد شہید سر زاہد آسکانی نا ہشتمی برسی نا وخت آ دی اوئیسس اسکول گوادر نا کماشی ٹی مجلس ئسہڈ تننگا۔

مجلس ئٹ تران کریسہ بندغ آک پنی آ تعلیمی جہد کار شہید سر زاہد آسکانی نا زند ئنا حالیت و تعلیمی باروٹ اونا کڑد آ ہیت کریسہپاریر کہ شہید سر زاہد آسکانی 2 جنوری 1979 آ مکران نا ضلع پنجگور نا تحصیل پروم ئٹ خواجہ حیدر بلوچ نا اُرا ٹی ودیمسوسس، تینا بنائی خواننگ ءِ میٹرک اسکان پنجگور نا ہائی اسکول ئٹ ایسر کننگ آن گڈ ڈگری کالج پنجگور آن ایف ایس سی کرے وپدا بلوچستان نا بنجائی شار کوئٹہ ٹی بلوچستان یونیورسٹی آن ایم اے کرے۔

او خواننگ آن فارغ مننگ آن گڈ مکران نا ضلع گوادر ءِ ارفے و داڑے دی اوئیسس اسکول گوادر نا بنماس ءِ تخیسہ علاقہ نا ورنا تیکنخواننگ نا کسر ءِ ملا، ہراتم گوادر شار ئٹ ایکڑ آتا پوریا تینا بڑزی آ ئس بندغ آک مُر ئنا علاقہ آتیان گوادر آ دا خاطر آن مون کریرہ کہاو داڑے ڈغار نا پوریا کیر ولے شہید سر زاہد آسکانی خواننگ نا نیستی ءِ مُر کننگ کن علمی درسگاہ نا بنیات ءِ تخیسہ دا کلہو تس کہدیمروئی کن خواننگ ءِ سلاء جوڑ کریسہ مونی بروئی تمو نہ تو ایلو دیمروئی تیٹ نن تینا کڑد ءِ ایسری تننگ نا لائخ مننگ کپرون۔

اوفک پاریر کہ گوادر ئٹ اینو شہید سر زاہد آسکانی نا خواری و گواچن مہر نا سوب آن دی اوئیسس اسکول گوادر آن فارغ مروک مار ومسڑ خوانندہ غاک چاگڑد ئٹ جتا پڑ تیا تینا ذمہ واری تے ایسری تننگ ءُ ہرافتیٹ پروفیسر، ڈاکٹر و ایلو تپہ تیٹ خذمت سر تننگ ءُ، اندناینو گوادر ٹی دی اوئیسس اسکول گوادر اسہ بھلو رخت ئس جوڑ مریسہ مونا بسنے و داڑے نا تعلیمی دیمروئی ٹی شہید سر زاہدآسکانی نا پِن جوان انگا لوز آتیٹ یات تخنگو، اینو دی اوئیسس اسکول گوادر نا پنچ کیمپس ساڑی ءُ ہراڑے گوادر نا ہزار آ مسڑ و مارخوانندہ غاک خواننگ ءِ دوئی کننگ ئٹ اختہ ءُ۔

ساڑی مروک بندغ آتون تران کروک آک پاریر کہ ننے اومیت ءِ کہ دی اوئیسس اسکول نا مسڑ و مار خوانندہ غاک و گوادر نا ورناکخواننگ ئٹ اختہ مریسہ جوانو جاگہ اس دوئی کرور، شہید سر زاہد آسکانی تینا ساہ ءِ تعلیمی جہد ئکن قربان کرے، خواننگ ئٹ پرامنءُ چاگڑد ئس جوڑ مننگ کیک و پرامن چاگڑد آک دیمروئی نا مزل تے سر مننگ کیرہ، شہید سر زاہد آسکانی ءِ اونا تعلیمی درسگاہ نا درآ شہید کریسہ علم دژمن آک گوادر ءِ تارمئی ٹی دِھکہ تننگ خواہار ولے اوفتے پشیمانی تون مون تروئی تما و اینو ہزار آتا کچ ئٹ شہیدسر زاہد آسکانی تینا پد ئٹ شاگرد الانے و اونا مشن برجاء ءِ ہرا دا ہیت ئنا دلیل ءِ کہ او زندہ ءِ، چاگڑد ئٹ دا جاگہ اودے خواننگ ناسوب آن رسینگانے اندا سوب آن ورناک خواننگ ءِ تینا پجار جوڑ کریسہ مونی کار اندا چار دسمبر نا کلہو ءِ و اندا پوسکن سوغند نا دےءِ کہ نن خواننگ تون تفوک مرین۔

مجلس ئٹ ڈی ڈی او گوادر وہاب مجید، گوادر ڈگری کالج نا لیکچرار عبدالقدیر بلوچ، امداداللہ بلوچ، گوادر پرائمری اسکول نا سروکناصر رحیم سہرابی، پنی آ آزمانکار و نوشتکار اسلم تگرانی، پرائیویٹ اسکول ایسوسی ایشن گوادر نا کماش عبدالطیف شاہ، پنی آچاگڑدی راہشون نصیر احمد نگوری، بلوچی بولی نا ایم فل اسکالر فدا موسی، دی اوئیسس اسکول گوادر نا استاد آک چاکر بابو، میڈمماہ گنج، میڈم نزرانہ، ڈاکٹر حیمینہ بلوچ، و دی اوئیسس اسکول گوادر نا مسڑ، مار خوانندہ غاک ہم شہید سر زاہد آسکانی ءِ دروت ندرکننگ کن تینا جوزہ تا جتاء وڑ ئٹ درشانی کریر اندن دا وخت آ ورنا شئیر پاروک سمیر رحیم و خلیل حسرت تینا جوان انگا توار تیٹشہید سر زاہد آسکانی نا شرف ئٹ شئیر پاریر۔

گڈ سر ئٹ دی اوئیسس اسکول گوادر نا ڈائریکٹر و شہید سر زاہد آسکانی نا ایلم حنیف آسکانی غٹ مہمان تا منتواری کریسہ پارے کہدی اوئیسس اسکول گوادر نا بنیات ءِ شہید سر زاہد آسکانی تخا اینو نن دا ارادہ نا درشانی و پوسکن سوغند کینہ کہ دادے گیشترجوان جوڑ کننگ کن نن گڈیکو دم اسکان جہد کرون و اسہ خوانندہ و شعوری ءُ چاگڑد اس جوڑ کرون۔ مجلس ئٹ دی اوئیسس اسکولگوادر نا خوانندہ تیان بیدس جتاء تپہ تا بندغ آتا بھلو کچ ئس ساڑی ئس۔

فرانس نا خبر تروک ادارہ اے ایف پی ہندی ذرائع ابلاغ نا بابت ئٹ پارے کہ اٹارنی جنرل نا پاننگ ءِ کہ اخلاقی پولیس نا کاروائیک ایسرکننگانو۔

ایران نا قدامت پسند حکومت ڈیہہ ئٹ اِرا تو آن برجاء برانز آتیان گڈ اخلاقی پولیس ءِ ایسر کرینے۔

الجزیرہ ڈاٹ کام نا رد ئٹ ایرانی اٹارنی جنرل محمد جعفر المنتظری پارینے کہ ڈیہہ ئٹی اخلاقی پولیس نا کاروائیک ایسر کننگانو۔

او ہفتہ نا دے اسہ مجلس اسیٹ تران کرے ہرا ٹی اندا دے تیٹ مروکا برانز آتا وخت آ ہائبرڈ جنگ ئنا بارو ئٹ ہیت مس۔

فرانس نا خبر تروک ادارہ اے ایف پی ہندی ذرائع ابلاغ نا بابت ئٹ پارے کہ اٹارنی جنرل نا پاننگ ئس کہ اخلاقی پولیس نا کارروائیکایسر کننگانو۔

ایران ئٹ برانز آتا لڑ ڈیہہ ئٹی زالبول آتیکن پُچ آتا سخت ضوابط نا مننگ کروک لتاڑ آ اخلاقی پولیس نا کنڈ آن دزگیر مروک مہسا امینیپنی ءُ مسڑ ئسے نا 6 ستمبر آ دزگیری ٹی مرک آن پد بناء مس۔

ایران نا کوالخواک زالبول تا سروکی ٹی مروک برانز آتے ’فسادا‘ پاریسہ اوفتا پد ئٹ پیشن ملک آتا دو مننگ نا دوبہ خلکسر۔

ایران نا خبر تروک ادارہ اسنا نا رد ئٹ اٹارنی جنرل محمد جعفر المنتظری نا پاننگ ءِ کہ اخلاقی پولیس نا عدالت آتون ہچو تعلقداری اساف۔

اٹارنی نا رد ئٹ اخلاقی پولیس نا عدالت آتون ہچو تعلقداری اس اف و دادے ہمو جاگہ غا توننگا ہراکان تدوکا وخت ئٹی دا نا بناء مسس۔او مننگ کروک وڑ ئٹ دا سوج ئنا ورندی تننگ ئس کہ اخلاقی پولیس ءِ انتئے ایسر کننگانے۔

پین پک مننگ کتنے کہ گشت کروکا پولیس نا یونٹ ہرافتے سرکاری وڑ ئٹ چاگڑد ئٹی “اخلاقی سلامتی” نا ذمہ واری تننگانے، اوفتےایسر کننگانے، نئے کہ او دا پارے کہ اخلاقی پولیس ءِ چاننگ مفروک وخت اسکان ایسر کننگانے۔

دا ہیت ئنا ہم ہچو اشارہ اس رسینگتنے کہ ہمو قانود ہرا نا رد ئٹ زالبول تیکن گچین مروک پُچ بیننگ المی ءِ، اودے ایسر کننگو۔

ایران نا اخلاقی پولیس، ہرا رسمی وڑ ئٹ گشت ارشاد یا ’رہنما پیٹرول‘ نا پن ئٹ چاننگک، سخت گیر صدر محمود احمدی نژاد نا دورئٹی جوڑ کننگاسس، و دا نا مسخت ’حیا و پردہ‘ نا کلچر ءِ مُستی دننگ ئس ہرا نا رد ئٹ زالبول تیکن کاٹُم ءِ ڈھکنگ المی ءِ۔

اخلاقی پولیس 2006 ئٹی گشت کننگ بناء کرے۔

فورس ئنا ایسر کننگ نا پڑو منتظری نا بیان نا اسہ دے پد مونا بس ہرا ٹی او پاریسس کہ پارلیمان و عدالت آک حجاب نا بارو ئٹ قانود آکاریم کننگ ءِ کہ دا (زالبول تا کاٹُم ءِ ڈھکنگ نا بابت ئٹ) قانود ءِ بدل کننگ نا خواست ارے یا نہ۔

بلوچستان نا ضلع ڈیرہ بگٹی ٹی کینسر آن پنچ سالی چُنا تون اوار مُسہ بندغ بیران مسُر ۔

حوال تروک آتا ردئٹ تدوکا منہ سال آن کینسر ضلع ڈیرہ بگٹی ٹی دین نا دروشم ارفینے، تیوہ ضلع ٹی سد آتا کچ بندغ آک دا ناجوڑینا گواچی ءُ اندن ناجوڑی نا ودکی نا کچ انداڑان خلنگ مریک کہ تدوکا اِرا دے ٹی 5 سالی چُنا تون اوار 3 بندغ ساہ تسونو۔

اِرا دے نا نیام ئٹ کینسر نا سوب آن مرگ ئنا گواچی مروک بندغ آتیٹ وڈیرہ دین محمد عرف بادشاہ بگٹی نا چُنکا ایلم فقیر محمد عرفبادشاہ بگٹی محلہ کالی آن تعلقداری تخوک ڈرائیور وڈو بگٹی نا پنچ سالی چُنا اندن تحصیل سوئی نا میر حسن نتھانی مسوری بگٹیاوار ءُ۔

ناجوڑی نا ودکی نا سوب آن بندغ آتیٹ بھاز خُلیس تالان مننگ ءِ، شار ئنا مخلوق صوبائی و بنجائی حکومت آن ناجوڑی ءِ توننگ کن زُوتگام ارفنگ نا خواست کرینو۔

اسہ شابیت حوال ئسے نا ردئٹ بلوچستان ٹی کینسر نا ناجوڑ آتیٹ ودکی مننگ ءِ ۔

اسہ اندازہ سے نا ردئٹ بی ایم سی ہسپتال ٹی ہڑدے ئی بنیات آ 20 آن زیات ناجوڑ آتا کیموتھراپی کننگک۔

تیوہ بلوچستان ٹی کینسر نا درمان کِن کُمکی آسراتی نا گُم کننگ ءِ اندن بی ایم سی ہسپتال ٹی دے پہ دے نا بنیات آ بیست آن زیاتناجوڑ آتا کیموتھراپی کننگک۔

بلوچستان نا ضلع چاغی نا علاقہ نوکنڈی نا ہندی صابر بلوچ برجاء سال اپریل ئٹی برانز نا وخت آ پاکستانی فورسز آتا سُم کاری آنٹپی مننگ آن پد کذیت کرے۔

خاہوت نا رد ئٹ اونا ٹپ آک باز بھلن ئسر۔ اول آپریشن ئٹی کیہی ہفتہ اسکان او باز خیال داری نا وارڈ ئٹی ئس ولے اینو او ٹپ آتا زہم ءِبرداشت کتو و کذیت کرے۔

یاتی مرے کہ اوغانستان تون گنڈوک بلوچستان نا سیمی آ ضلع چاغی نا تحصیل نوکنڈی ٹی برجاء سال 15 اپریل آ پاکستانی فورسزآتا سُم کاری آن ہندی ڈرائیور حمید اللہ نا بیرانی آن پد علاقہ ٹی بھلو کچ اسیٹ برانز آتا لڑ بناء مس۔

ہرا وخت برانز کروک آ پاکستانی سکیورٹی فورسز آتا کیمپ ئنا کنڈ آ ہننگ ئسر ہراڑے او نعرہ ہم خلکر و تینا برانز ءِ ریکارڈ کرفیر ہمووخت آ پاکستانی فورسز آتا سُم کاری آن شش برانز کروک ٹپی مسر، ہرافتے سول ہسپتال دالبندین و باز ٹپی مروک آتے کوئٹہ آ رادہکننگا۔ باز ٹپی مروک آتیان اسٹ صابر بلوچ ئس۔

بلوچ سیاست نا سد سالہ پند 

نوشت : کمبر بلوچ

دی بلوچستان پوسٹ 

بیستمیکو کرن نا ارٹمیکو دہائی ٹی ہرا وخت میر عبدالعزیز کرد بلوچ سیاست نا بناء ءِ کرے تو ہمو وخت آ انگریز آتا برخلاف مری کیھتران نا جنگ ایسر مسوسس۔

بلوچ قوم ہر دور ئٹی پیشن نا کوزہ گیر و جلہو کروکا تون مزاہمت ءِ وخت نا المی ءُ گُرج ئس سرپند مریسہ مزاہمت نا بیرک ءِ بڑزا کرینے۔ مہرگڑھ آن الیس فرنگی اسکان و انگریز آن الیس اینو اسکان بلوچ قوم تینا مزاہمت ءِ برجاء تخانے۔ اینو ہم دشمن تون سینہ تریسہ تینا ڈغار نا حق ءِ ادا کننگ ءُ۔

بیستمیکو کرن نا اولیکو دہائی ٹی سیاسی شعور نا کمبوتی و مزاہمت نا وے مننگ نا سوب آن پیشن نا کوزہ گیری زیات وخت برجاء سلیس۔ دن ہم مننگ کیک کہ ننا پیرہ غاتا اندا کڑد ئنا سوب آن بلوچستان اینو ہم کوزہ گیر آتا پلویڑ ئٹی ءِ۔

بیستمیکو کرن نا ارٹمیکو دہائی نا اولی سال اٹ (1920) عبدالعزیز کرد تینا خوانندہ سنگت آتون اوار ”ینگ بلوچ“ نا پن اٹ خوانندہ گَل اس جوڑ کرے۔ اندا گَل بلوچ سیاسی دیہاڑ (تاریخ) نا ردوم نا بنداؤ نا سوب جوڑ مس۔ نُو سال نا ڈکنگ آن گُڈ 1920  ئٹی میر یوسف عزیز مگسی نا کماشی ٹی ”انجمن اتحاد بلوچاں“ نا دروشم اٹ اسہ سرجم ءُ پارٹی اس جوڑ کننگ ئٹی سرسہب مسر۔

انجمن اتحاد بلوچاں نا پارہ غان اولیکو وار آل انڈیا بلوچ کانفرنس اس ہڈ ہلک، ہرانا کماشی ءِ خیرپور نا میر علی نواز خان تالپور کرے۔ دا بھلا کانفرنس 27 دسمبر آن الیس تے  29 دسمبر 1932 اسکان برجاء سلیس۔ انجمن نا مسخت بلوچ قوم اٹ سیوتی ودی کننگ و سیالی نا روتہ غاتے زندہ تخنگ کن گڑاس خواست مونا ہتنگ ئس۔

1۔ ایف سی آر نا ایسری

2۔ بلوچستان اٹ اسہ عبوری او راہبندی حکومت ئسے نا جوڑشت

3۔ بلوچستان اٹ کارخانہ غاتا بنداؤ تخنگ

4۔ بلوچستان اٹ اعلٰی تعلیم دوئی کننگ کن ادارہ جوڑ کننگ

5۔ بلوچ آتے سیوت کن ایلو علاقہ غاتے اوار کننگ۔

ارٹمیکو آل انڈیا بلوچ کانفرنس دسمبر 1933 اٹ ہڈ ہلک۔ اندا کانفرنس اٹ تدیکو کانفرنس نا مطالبہ غاتتون امنائی کریسہ اندا پاننگا کہ بلوچستان اٹ قانودی و راہبندی بنیات آ اسہ دمدستی ءُ حکومت اس جوڑ کننگ ءِ۔

جنوری 1934 اٹ انجمن اتحاد بلوچاں نا جنرل سیکریٹری عبدالعزیز کرد ءِ دزگیر کننگا۔ حالیت آتا سخت مننگ نا سوب آن میر یوسف عزیز مگسی سال اس برطانیہ ٹی پردیس نا زند گدریفے۔

تینا وطن آ واپس بننگ آن گُڈ آجوئی کن سلاء بند جہد نا امنائی ءِ کرسہ جہد برجاء تخا۔

1935 نا شال نا زمی جم اٹ میر یوسف عزیز مگسی کزیت کرے۔ کزیت آن مُست انجمن ءِ انقلابی پِڑ آ شون تننگ اٹ اختہ ئس۔

یوسف  عزیز مگسی نا زمی جم  اٹ کزیت و عبدالعزیز کرد نا جیل اٹ قیذ و بند نا سوب آن انجمن نزور مرسہ ونڈ مننگ نا گواچی مس۔ عبدالعزیز کرد نا جیل آن آجو مننگ آن گُڈ دوارہ انجمن ءِ شون تننگ کن کوشست برجاء کرے۔ 5 فروری 1937 اٹ تنظیم نا بنجائی دیوان ءِ ہد تس۔ اندا دیوان اٹ انجمن اتحاد بلوچاں ءِ ایسر کریسہ قلات اسٹیٹ نیشنل پارٹی نا بنداؤ ءِ تخا۔

قلات اسٹیٹ نیشنل پارٹی بلوچستان اٹ برطانیہ راج ئنا کوزہ گیری، سرداری نظام نا برخلاف جہد ءِ برجاء کرے۔ اصلاحات آتیکن عملی ءُ کاریم کرے۔ پارٹی ءِ سوگو کننگ و پارٹی نا کلہو ءِ مچا بلوچستان اٹ تالان کننگ کن جہد برجاء کرے۔ بلوچ قوم نظریہ ءِ شون تننگ نا سوب آن پارٹی  بلوچ الس اٹ تالان مس۔

سردار و خان قلات برطانیہ نا کمک ءِ دوئی کننگ و تینا قبائلی دروشم ءِ زندہ تخنگ کن سیوت اٹ قلات اسٹیٹ نیشنل پارٹی نا بَد اٹ مسور۔ 6 جولائی 1939 اٹ مستونگ اٹ پارٹی نا سالانہ دیوان آ جلہو کرسہ دیوان ءِ تتربتر کریر۔ خان آف قلات میر احمد یار خان برطانیہ و سردار آتا کمک ءِ دوئی کننگ کن 20 جولائی 1939 آ قلات اسٹیٹ نیشنل پارٹی آ رکھ خلک۔ پارٹی نا کماش ملک عبدالرحیم خواجہ خیل، غوث بخش بزنجو، گل خان نصیر، عبدالکریم شورش و ایلو باسک آتے علاقہ غان کشنگا۔ پارٹی نا کاریم تے بند کرفے۔ اندا سوب آن پارٹی نا ہیڈ کوارٹر ءِ شال اٹ ٹہفیر و اندا کان پارٹی نا کاریم تے برجاء کریر۔

ارٹمیکو جنگ عظیم (1945-1939) نا وخت آ انڈین ڈیفینس ایکٹ نا وسیلہ اٹ سیاسی کڑد آتیا رکھ خلکسُر۔ اندا وخت آ قلات اسٹیٹ نیشنل پارٹی تینا کاریم تے ڈکھوئی اٹ برجاء تخا۔ پارٹی نا باسک آک جواہر لال نہرو آن خواست کریر کہ قلات حکومت نا پارٹی آ خَلوکا رکھ نا برخلاف ہیت کر۔ نہرو دا شڑط آ ہیت کننگ کن امنا مس کہ پارٹی ءِ کانگریس تون اوار کننگ ءِ۔ 1944 نا گڈیکو وخت اٹ پارٹی ءِ ”آل انڈیا اسٹیٹ پیپل کانگریس“ ٹی اوار کریر۔ ولے الس نا بَد دننگ آن گُڈ ولدا پارٹی نا مُست نا دروشم ءِ جوڑ کریر ہراکہ بلوچستان نا آجوئی اسکان مدام سلیس۔

برطانیوی راج نا کوزہ نا ایسری آن گڈ بلوچستان جہان نا نشخ ٹی اسہ آجو ءُ ڈیہہ ئسے نا حیثیت اٹ پاش مس۔ اِرا راہبندی اسمبلی جوڑ کننگا، اسہ ایوان بالا، ایلو ایوان زیریں۔ بلوچستان اٹ ایوان زیریں کن گچین کاریک مسور ہراڑے قلات اسٹیٹ نیشنل پارٹی 52 آن 39 سیٹ کٹا۔ اندا سوب آن غوث بخش بزنجو ایوان نا کماش جوڑ مس۔ دا آجوئی زیات وخت اسکان برجا سلتو۔

مارچ 1948 آ پاکستان زوراکی اٹ بلوچستان آ کوزہ کرے۔

آغا عبدالکریم نا کماشی ٹی قلات اسٹیٹ نیشنل پارٹی نا سیکریٹری ملک سعید دہوار، کمیونسٹ پارٹی سندھ بلوچستان نا سیکریٹری قادر بخش نظامانی، بلوچ لیگ نا سیکرٹری محمد حسین عنقا و ایلو سنگت آک پاکستان نا برخلاف اولیکو گوریلا جنگ ائِ بناء کننگ کن اوغانستان آ ہنار۔ اوغانستان، سویت یونین و بلوچ قبائل آتا پارہ غان کمک مفننگ نا سوب آن بلوچ راہشون آک جنگ ءِ مُستی برجاء تخنگ کتوس۔ قول و قسم کریسہ اوغانستان آن ولدا بسُور۔

آغا عبدالکریم و اونا سنگت آتیتو مروکا قول ءِ پِرغسہ قلات نا خڑکا اوفتے دُزگیر کننگا۔ کیہی سال اوفتے زندان تیٹی بند کننگا۔ آجو مننگ آن گڈ 14 جولائی1955 ٹی آغا عبدالکریم، غوث بخش بزنجو، محمد حسین عنقا، قادر بخش نظامانی ءُ  قلات اسٹیٹ نیشنل پارٹی نا سنگتاک ”استمان گَل“ نا پِن اٹ اسہ سیاسی پارٹی ئسے نا بنداؤ ءِ تخار۔ آغا عبدالکریم کماش و محمد حسین عنقا سیکریٹری جنرل جوڑ مسُر۔ پارٹی ون یونٹ نا برخلاف و متحدہ خودمختار بلوچستان نا خواست ءِ کریر۔

استمان گل کوزہ آن گُڈ اولیکو سیاسی تاغت اس جوڑ مس۔ بلوچ قوم ٹی سیاسی و راجی شعور تالان کننگ کن جہد ءِ برجاء تخار۔

2 دسمبر 1956 ٹی استمان گل پاکستان نیشنل پارٹی ٹی اوار مس۔ ہراٹی جی ایم سید نا سندھ متحدہ محاذ، حیدر بخش جتوئی نا سندھ ہاری کمیٹی، خان عبدالغفار خان نا خدائی خذمتگار تحریک و عبدالصمد خان اچکزئی نا ور ور پشتون اوار مسُر۔ 1957 ٹی قطبی (داسان نا بنگلہ دیش) آن مولانا باشانی نا عوامی لیگ نا ساڑی مننگ آن پاکستان نیشنل پارٹی نا پن ءِ بدل کریسہ نیشنل عوامی پارٹی تخنگا۔

نیشنل عوامی پارٹی پاکستان ئٹی اقلیتی قوم آتا حق آتیکن اواری اٹ جہد کننگ و ون یونٹ نا ایسری کن ترندی اٹ جہد کننگ بناء کرے۔ قوم آتا حق آتے دوئی کننگ کن اسہ ترند ءُ توار اس جوڑ مس۔

شست نا دہائی ٹی بلوچ خوانندہ غاک بلوچ وانندہ گَل نا بنیات ءِ تخار ہرا کہ بلوچ سیاست ءِ اسہ پُوسکن ءُ کسر اس نشان تریسہ بلوچ راج اٹ قومی سیاست نا سُوبر ءُ کڑد اس جوڑ مس و ہرا وخت بلوچ سیاست اٹ بنائی جہد نا کڑد ءِ دوئی کرے۔

شست نا دہائی ٹی بلوچ راہشونک پاکستان نا پارلیمنٹ نا باسک جوڑ مسرُ۔ مکران آن باقی بلوچ، قلات آن عطاء اللہ مینگل ءُ شال آن نواب خیر بخش مری بلوچ نا حق ءِ دوئی کننگ نا جہد ءِ برجاء کریر۔ نیب ون یونٹ نا برخلاف و قومی حق آتے دوئی کننگ کن جہد برجاء تخار ہرا کہ ون یونٹ نا ایسری نا سوب جوڑ مس۔ بلوچستان ءِ صوبہ نا درجہ ملا۔

بلوچ راہشون تیٹی نواب خیر بخش مری، عطاء اللہ مینگل و غوث بخش بزنجو نیب نا بیرک نا کیرغ آن تینا جہد ءِ برجا تخار۔ نیب بلوچستان نا تنیا غا قوم پرست پارٹی جوڑ مس۔ 1972 ٹی صوبہ ٹی اولیکو وار قومپرست حکومت جوڑ کننگ اٹ سرسہب مس۔ نواب خیر بخش مری پارٹی نا صوبائی صدر نا حیثیت اٹ تینا زمہ واری تے پورو کرے۔ عطاء اللہ مینگل صوبائی وزیر اعلی و غوث بخش بزنجو گورنر بلوچستان جوڑ مسر۔ نیب ئنا دا حکومت نوہ تو برجاء سلنگ آن گڈ بھٹو 1973 ٹی نیب نا حکومت ءِ ایسر کرے و نیب نا راہشون آتے زندان تیٹی بند کرے۔

1973  ٹی نیب نا راہشون تا دزگیری آن گُڈ بلوچ مزاہمت میر ہزار خان بجارانی نا کماشی ٹی برجاء مس ہراٹی فورتھ انٹرنیشنل آن لندن گروپ، سندھ آن میر علی احمد تالپر نا فرزند میر محمد علی تالپر و بی ایس او نا باسک آک ساڑی مسر۔ دا جنگ 1978 اسکان برجاء سلیس۔ سخت انگا حالیت آتا سوب آن ہزار آتا کچ اٹ بلوچ قوم اوغانستان اٹ جاگہی مسر۔

جولائی1977 ٹی جنرل ضیا الحق حکومت آ کوزہ کرے و نیب نا راہشون تیتون اوار کُل بلوچ اسیر آتے زندان تیان آجو کرے۔

نیب نا راہشون آتا زندان تیان آجو مننگ آن گڈ سردار عطاء اللہ مینگل و نواب خیر بخش مری پارلیمانی سیاست آن مُر مریسہ پیشن ملک آ ہنار۔ ہمیکان بلوچستان نا آجوئی کن تینا سیاسی جہد ءِ بناء کریر۔ غوث بخش بزنجو پاکستانی فیڈریشن اٹ اوار مریسہ حق آتے دوئی کننگ کن جہد ءِ برجاء تخا۔

1980 نا بناء ٹی غوث بخش بزنجو پاکستان نیشنل پارٹی نا بنداؤ ءِ تخا۔ تحریک استقلال تون اوار مریسہ صوبائی خودمختیاری کن جنرل ضیاالحق ءِ اسہ یاداشت اس تس ولے جنرل ضیاالحق نا سیاسی کاریم تیا رکھ نا سوب آن پاکستان نیشنل پارٹی شش تُو آن زیات تینا جہد ءِ برجاء تخنگ کتو۔

1981 ٹی سردار عطاء اللہ مینگل لندن ٹی ورلڈ بلوچ آرگنائزیشن نا بنداؤ تخا۔ ہرانا مسخت بلوچ ڈائسپورا ءِ اوار کریسہ سیوتی اٹ بلوچ ثقافت ءِ تالان کننگ کن جہد کے۔ بلوچ راہشون اسہ آجو ءُ عظیم آ بلوچستان کن جہد برجاء کرے۔ لندن آن اسہ اخبار اس شنگ کننگ ءِ بناء کرے ہراڑان آجوئی نا توار ءِ بُڑزا کرے۔

نواب خیر بخش مری اِرا سال برطانیہ و فرانس اٹ پردیس نا زند ءِ  تدیفنگ آن گڈ اوغانستان اٹ بلوچ فراری تیا بس۔

1987 ٹی شہید فدا بلوچ و اونا سنگت آک بلوچستان نیشنل یوتھ موومنٹ نا بنداؤ ءِ تخار۔ ہرا کہ بناء اٹ پارلیمانی سیاست نا برخلاف ئس۔ ولے 1988 نا گچین کاری تیان گڈ اسہ سیاسی پارٹی اس جوڑ مس ہرا کہ گچین کاری اٹ بشخ الیسہ نواب اکبر خان بگٹی تون اوار بلوچستان نیشنل الائنس جوڑ کریر۔

1988 نا گچین کاری تیٹی غوث بخش بزنجو نا پارٹی پاکستان نیشنل پارٹی کٹیفے۔ بلوچستان نیشنل الائنس نا صوبائی حکومت جوڑ مس۔ نواب اکبر بگٹی صوبہ نا وزیراعلٰی جوڑ مس۔ اِرا سال آن گُڈ پاکستان نا صدر غلام اسحاق خان بنجائی حکومت ءِ پِرغسہ ایسر کرے۔ اندن صوبائی حکومت ہم پِنا۔

1990 ٹی بلوچستان نیشنل موومنٹ اسہ تاغتور ءُ سیاسی پارٹی ئسے نا دروشم اٹ مونا بس۔ ولے زو اِرا بشخ مینگل و حئی اٹ ونڈ مس۔ 1990 ٹی نواب اکبر خان بگٹی جمہوری وطن پارٹی ءِ جوڑ کرے۔ بی این ایم مینگل بلوچستان نیشنل پارٹی ءِ جوڑ کریسہ بلوچستان اٹ تینا سیاسی پِڑ آ جہد ءِ بناء کرے۔ بی این ایم ڈاکٹر حئی نا کماشی اٹ سیاست ءِ برجاء تخا۔

اوغانستان اٹ مجاہدین تا کوزہ آن گُڈ بلوچ قوم نواب خیربخش نا کماشی ٹی 1993 ٹی واپس بلوچستان آ بسُر۔ شال اٹ چلتن نا دامن اٹ نیوکاہان اٹ آباد مسُر۔ نواب خیر بخش مری حق توار سرکل ءِ بنا کرے ہراکہ داسان نا راجی جہد نا بناء ءِ۔

سردار عطاء اللہ مینگل 1996 ٹی تینا جلاوطنی ءِ ایسر کریسہ بلوچستان اٹ واپس پارلیمانی سیاست اٹ بشخ الک۔ 1997 نا گچین کاری تیٹی بی این پی ساڑی مریسہ صوبائی اسمبلی ٹی بھلو کچ ئسے ٹی کٹا۔ جمہوری وطن پارٹی تون سیوتی کریسہ حکومت اس جوڑ کریر۔ بی این پی صوبائی حکومت اٹ بنجائی حکومت نا دوشاغنگ آ گلہ شونی کرے و انداڑے جمہوری وطن پارٹی تون ہم تعلق آک خراب مسُر۔

28 مئی 1998 ٹی بلوچستان اٹ ضلع چاغی نا خلق راسکوہ نا مش اٹ ایٹمی تراک کننگا۔ بلوچ قوم دانا برخلاف سخت برانز کرے۔ دا وخت آ اسٹبلشمنٹ بلوچستان نیشنل پارٹی نا تہٹی جیڑھ ودی کرے ہرانا سوب آن سردار اختر مینگل صوبائی وزیر اعلٰی نا عہدہ غان استعفٰی تس و بلوچستان نیشنل پارٹی مُسہ ونڈ بی این پی مینگل، بی این ڈی پی، بی این پی عوامی ٹی ونڈ مس۔

2002 اٹ بلوچستان نیشنل موومنٹ نا کونسل سیشن اٹ راہشون آتا نظریاتی پَرخ مون آ بس۔ ہراڑے ڈاکٹر حئی و ڈاکٹر مالک گروپ پاکستان فیڈریشن نا تہٹی بلوچ حق آتیکن جہد ءِ برجاء کریر و چیئرمین غلام محمد بلوچ راجی آجوئی کن جہد کننگ نا سوغند ارفے۔ اندا وخت آ بی این ایم نا ڈاکٹر حئی ءُ ڈاکٹر مالک گروپ بی این ڈی پی تون اوار مریسہ نیشنل پارٹی ءِ جوڑ کریر ہرا کہ غوث بخش بزنجو نا سیاسی رَند ءِ الیسہ فیڈریشن اٹ سیاست ءِ برجاء کرے۔

چیئرمین غلام محمد بلوچ آجئی نا سیاست ءِ ترند کننگ کن 29اپریل آن یکم مئی 2003 اٹ شال اٹ پارٹی نا کونسل سیشن ءِ ہڈ تس۔ غلام محمد پارٹی نا کماشی و رحیم ایڈوکیٹ سیکریٹری جنرل جوڑ مسُر۔

کونسل سیشن اٹ پارٹی نا پِن ءِ بدل کریسہ بلوچستان نیشنل موومنٹ آن بلوچ نیشنل موومنٹ تخنگا۔ پارٹی نا اساس بلوچ راجی آجوئی، وے پارلیمانی سیاست و سلاء بند جہد کار آتا مُخ تفی ءِ کننگ جوڑ مس۔

اگست 2006 اٹ بلوچ سیاست نا قدآور برج نواب اکبر خان نا شہادت نا تدینی مس۔ اندا برج نا دڑنگ آن پارلیمانی سیاست آ بھاز اثر تما۔ انداڑان آجوئی نا جہد ترند مس۔ 2008 نا گچین کاری تیان بلوچ پارٹیک بائیکاٹ نا پڑو ءِ کریر۔ بلوچستان اٹ پیپلز پارٹی نا حکومت جوڑ مس۔ پیپلز پارٹی نا بناء حقوق بلوچستان تون اوار سیاسی باسک آتے بے گواہ کننگ بناء مس ہراڑان گُڈ اوفتا ٹپی آ جونک پٹ و پڑ، مش و تلار تیان رسینگ بناء مس۔

اپریل 2009 ٹی بی این ایم نا کماش چیئرمین غلام محمد ءِ اونا سنگت لالا منیر و شیر محمد تون اوار بیگواہ کننگ آن گُڈ اوفتے شہید کننگا۔ بلوچستان اٹ سیاسی راہشون آتے خُون کننگ نا لڑ اس بناء مس ہرا کہ داسکان برجاء ءِ۔ ہزار آ سیاسی راہشون و باسک آتے شہید کننگا ولے بلوچ قوم پرست پارٹیک بلوچ راجی آجوئی جہد آن پَد متوس۔

2013 نا گچین کاری تیان بلوچ الس بھلو کچ اسیٹ بائیکاٹ کریسہ پارلیمانی سیاست ءِ رد کرے و بلوچ آجوئی نا سیاست ءِ ترند کرے۔ ولے بلوچ پارٹی تا تینا جیڑہ غاتا سوب آن دا جہد ءِ بھاز آ محاذ آتیا نسخان تس۔ زوراکی، خلنگ، بٹنگ، ٹپی آ جون آتے خسنگ، ڈیتھ اسکواڈ نا راج و پارلیمانی سیاست اینو ہم برجاء ءِ و آجوئی نا چراغ ہم لگنگ ءِ۔

بلوچ سیاسی جہد سد سال نا مُرغن آ پَند ءِ خلیسہ ایسر کرے و دا پند اینو ہم برجاء ءِ۔ ہرا پَند ءِ عبدالعزیز کرد ینگ بلوچ آن بناء کرے او انجمن اتحاد بلوچاں و قلات اسٹیٹ نیشنل پارٹی دا سفر ءِ سوبر کرے۔ اینو بلوچ ورناک دا جہد نا بیرک ءِ ارفینو۔

آجوئی نا تحریک آک امر سرسہب و  بے سہب مریرہ؟

نوشت: قیوم راجا | مٹ: سمعیہ بلوچ

   دی بلوچستان پوسٹ

آجوئی و غلامی نا لڑ باز مرغن ءِ۔ ہرا وخت اسہ راج  و چاگڑد اس آجوئی کن  ہڈ تروک راہبند و سفت آتے یلہ کیک گڑا غلامی نا زلت اونابخت جوڑ مریک و غلامی آن پیشتمنگ کن بیرہ ندر مننگ نا کسہ نوشتہ کننگ بس اف بلکن داڑکن صاف نظریہ و حکمت عملی، سیوتی،امنائی،  باوری و لائخ، راہشونی جمہوری و تربیتی ادارہ آتا خواست مریک۔ سیاسی بولی ٹی لس وڑ ئٹ اسہ راج ئنا غلامی نا ذمہ واربیدادی دوست و شابیتی دوست طاغت آتے سلفیرہ ولے نفسیات و چاگڑد نا چاہندار آک ہرا تا کاریم بندغ و چاگڑد ءِ سرپند مننگ وسرپند کننگ مریک، او پارہ کہ تینا بےلائخی  و بے سہبی نا ذمہ وار ایلوفتے پاروک آک ہچ وخت تینا اصلاح ءِ کننگ کپسہ انتئے کہپیشین نا ناجوڑی ہمو وخت تہٹی بریک ہرا وخت تہہ ئنا حالیت جوان مف ہرانا تہی صاف مرے اونا آولی ہم صاف مریک و ہرانا ارا تادروازہ سوگو مرے  اوفتا تہٹی دز ہم اڑزانی ئٹ پہینگ کپک۔ چُنک ہیت دا کہ خرابی تا سوب آک پیشن نا کم و تہہ ئنا زیات مریرہ۔ قانودفطرت ءِ ہم دا ہیت قبول اف کہ اسہ باغی نافرمان و  بےلائخ ءُ راج اس زیات وخت اسکان زندہ مننگ کے۔ قرآن نا دا بابت صاف کلہو ءِ،دا وخت جموں کشمیر و فلسطین دن انگا ارا بھلو آجوئی نا تحریک آکو ہرا داخس ندری تیان بیدس ہم داسکان تینا منزل ءِ ہلِنگ ٹیسرسہب مننگ کتنو۔ تدوکا گڑاس دئے سال تا بھلا تحریک آتا موازنہ و با جائز آتے الیسہ اربو کہ اوفتیان کشمیری و فلسطینیک انتسرپند مننگ کیرہ۔

الجزائر نا تحریک آجوئی ءِ امو طاغت آک ہم بیستمیکو کرن نا ماڈل تحریک پاننگا سس ہرا ہر وخت ئٹی تینا تینا حق آجوئی کن جہدکروک آتے دہشت گرد پاریر۔ الجزائر آ یورپ نا اسہ بھلو سیاسی و عسکری تاغت فرانس نا کوزہ ئس ہرا یورپ و امریکہ ءِ دا باور تننگنا تیوہ کوشست  کرے کہ فرانس بیرہ  تینا نہ بلکن تیوہ  دے کہی ہرادے امریکہ سوویت یونین نا مقابلہ ٹی آجو جہان پاننگاسس کی بقانا جنگ کننگ ءِ۔ فرانس دا ہم  واویلا کرے سس کہ اگہ مسلم ریاست آک اسٹ اسٹ آ  آجو مسر گڑا اسلام واپس فتح کریسہ دے کہیکن خطرہ جوڑ مرو۔ الجزائر نا تہی آن امنائی الینگ کن فرانس زالبول نا آجوئی و جمہوریت نا کارڈ ہم استعمال کننگ نا کوشست کرےولے2012 ٹی 96 سال نا سن ئٹی کزیت کروک عظیم آجوئی دوست لیڈر بن بیلا نا راہشونی ٹی نیشنل لبریشن فرنٹ نا عسکری وسفارتی جنگ ئنا برخلاف تیوہ آ چم آک بےسہب مسر۔ زوت سال تیٹ عرب آتا سفارتکاری ءِ بےسہب  تصور کننگا ولے الجزائر نا نیشنللبریشن فرنٹ نا سفارتکاری انداخس سرسہب و زہم تخوک ئس کہ اودے  جہانی تلہ آ بیستمیکو کرن نا سفارتی انقلاب پاننگا۔ دا امرمنکن مس؟ دانا اندازہ بن بیلا نا راہشونی ٹی ہڈ تروک این ایل ایف نا لائخ آ ٹیم و اونا ادارہ آتیان خلینگ مریک بن بیلا ءِ مصر نا صدرناصر نا تیوہ غیر مشروط امنائی ئس ہراتیا بن بیلا پارے کہ الجزائر نا ہر بندغ نرینہ و زالبول ذہنی وڑ ئٹ گوریلا ءِ۔ بن بیلا نا راہشونیٹی این ایل ایف بیرہ شش سال ئٹی  1962 ٹی فرانس آن آجوئی الیک ہرانا سرسہبی نا سوب دا ئس کہ بن بیلا بیرہ سیاسی تقریرکتوکہ بلکن او عسکری محاز آ ہم فرنٹ آ ئس عسکری ونگ فرانس نا تیوہ تنصیبات آ جلہو کرے و اودے بھاز جوان فوجی و اقتصادینسخان تس عسکریت سیاسی ونگ نا پابند الو بلکن عسکری و سیاسی محاز آ راہشون اواری نا وڑ ئٹ اوفتا دوٹی ئس ہرا عملی وڑ ئٹپڑ آ ئس و نئے کہ او پین  کس ءِ تینا وکیل جوڑ کریسہ تحریک نا ذمہ واری تے اونا دوٹی تسوسس ہرا اونا  پالیسی تے جوڑ کے یا اوناوکالت کے بلکن او تینا  خوانندہ نرینہ و زالبول تا ٹولی ءِ تیوہ جہان ئٹ تالان کرے ہرافک تیوہ جہان ئٹ پریس نا خذمت ءِ کریسہ پیشن ناجہان ءِ اسہ وڑ کریر۔

سفارتی محاز آ لائخ آ ٹیم دا ثابت کرے کہ الجزائر ئٹی جنگ و جدل نا سوب ہندی بندغ آک افس بلکن اوفتا وسائل آ کوزہ گیر فرانس ءِہرا ہندی بندغ آتے بنماسی بندغی حق آن بے بشخ کرینے و الجزائر نا لس مخلوق تینا ہمو آجوئی کن جہد کننگ ءِ ہرادے تیوہ فرانس وجہان نا ہر بندغ تینا حق پائک۔ یات مرے کہ بن بیلا نا تعقداری مراکش آن ئس ہرا الجزائر نا آجوئی نا تحریک نا بناء نا وخت اسہ آجو ءُڈیہہ اس ئس ولے عرب و اسلام دوست مننگ آن بیدس اسہ حکمت عملی نا رد ئٹ بن بیلا نا این ایل ایف اسہ ہم ایلو عرب ریاست آنوخت آن مست الحاق نا نعرہ خلتو بلکن فرانس نا ناجائز کوزہ نا ایسری کن جہد کرے ہرا ٹی بیرہ شش سال ئٹی سرسہبی الک۔

بیستمیکو کرن نا آجوئی نا ایلو بھلا  تحریک عمر مختار نا راہشونی ٹی اٹلی نا بر خلاف لیبیا تحریک ئس۔ عمر مختار نس دلیری وسرسہب کاروائی تا سوب آن اودے لائن آف ڈیزرٹ نا تران رسینگا۔ لیبیا نا ریگستان تیٹ عمر مختار اٹلی نا فوج ءِ بے بشخ کریسس ولےشارتیٹ حسابی و فوجی طاغت آتا کمی نا سوب سختی ئس۔ تقریبا ہرعرب ڈیہہ ئٹی عمر مختار نا پن آ کسر و ادارہ ٹہفوک ءِ۔ 2009 ٹی ہرا وخت لیبیا نا سرکماش کرنل قذافی  اٹلی آ ہنا گڑا  او تینا سینہ آ عمر مختار نا عکس ءِ تخاسس و عمر مختار نا مار ہم اوڑتوناور ئس۔ عمر مختار اسہ مسکین ءُ باوہ سے نا مار ئس ہرا بناء ٹی اسہ خوانفوک اس ئس ولے اونا اُست ئٹی سامراجیت نا برخلاف اسہبھاز بھلو آجوئی دوست اس ئس ہرا اودے تیوہ آتیان مست تینا ہمسیا ملک چاڈ نا تحریک آجوئی ٹی بشخ الینگ آ پام تس واپس ہرا وختحالیت سازگار مس گڑا تینا باوہ پیرئی آ وطن لیبیا ٹی تینا ورنا تے اٹلی نا بر خلاف سیوت کرے۔ عمر مختار ہم تیوہ جہان ٹی اخلاقیجوانی الک و اٹلی نا فوج نا سپلائی لائن بند کرے۔ عمر مختار نا کمک ہم مصر کریکا۔ اٹلی نا فوج مصر آن بروک سپلائی لائن ءِ بندکریسہ عمر مختار نا تحریک ءِ نزور کرے ہراٹی مصر و لیبیا نا سیم آ گڑاس غدار تے اٹلی پیسہ ئٹ الک ہرافتیان عمر مختار ءِ انداخسنسخان مس کہ  او شار آن واپس ریگستان آسکان سلیس ہراڑے سپلائی لائن کاٹ کننگ نا سوب آن اٹلی نا فوج نا جرنیل روڈلفوگریزہانی  نا راہشونی ٹی ٹپی مروک عمر مختار دزگیر کننگا۔ دزگیر مننگ آن گڈ جنرل روڈلفو عمر مختار ءِ اسہ جوان ءُ کمانڈر ئسے ناوڑ ئٹ شرفداری ئٹ تخا ولے اٹلی عمر مختار ءِ 73 سال ئنا سن ئٹی دا سوج کریسہ پھانسی تس کہ دا وڑ لیبیا نا آجوئی نا تحریک ہمایسر مرو ولے عمر مختار نا پھانسی نا سوب آن لیبیا ٹی وا ڈننا اونا تحریک ءِ پین اخلاقی جوانی رسینگا۔ ایسر ٹی بیست و چار دسمبر1951آ لیبیا اسہ آجو ملک ئسے نا وڑ ئٹ جہان نا نقشہ آ تالان مس۔ سن ھشتاد و یک ئٹی عمر مختار نا پن آ جوڑ مروک فلم ہرا وختفرانس ٹی اولی وار ریلیز مس گڑا او وخت ای پیرس ٹی اسوٹ ہراڑے ای ہر رنگ ئنا زنگ و مذہب نا بندغ آتے سینما ہال تا پیشین گھنٹہآتا گھنٹہ ٹکٹ کن لیکر ئٹی سلوک خناٹ۔ اخس دے ئنا جہد ئنا سوب  ہرا وخت ای ہم ٹکٹ الیسہ سینما ہال ئٹی توسوٹ گڑا  ای بےحساب بندغ آتے اٹلی نا بے دادی و عمر مختار  عقیدت کن اوغینگ آ خناٹ۔

سرسہب مروک بیستمیکو کرن نا مسیٹموک بھلا  تحریک نیلسن منڈیلا نا راہشونی ٹی افریکن نیشنل کانگرس نا تحریک ئس۔ قطبیافریکہ ٹی ولندیز آک  نسل پرست پیون فام حکومت ٹہفیسا سیا فام ہندی مخلوق ءِ زند نا ہر شعبہ ٹی جتا کریسس ہرانا بر خلافبیستمیکو کرن نا ایلو دئے سال ئٹی تحریک بناء مس ولے او زیات دے نیلسن منڈیلا و اونا سنگت اولیور ٹامبو نا راہشونی ٹی  ھشتاد نادہائی ٹی بنائی ٹی الک۔ عسکری کاروائی تیٹ تومت ئٹ نیلسن منڈیلا ءِ دزگیر کریسہ بے چاننگوک وخت کن رکھ خلنگا۔ نیلسن منڈیلا نابےساڑی گری ٹی اونا سنگت اولیورٹامبو راہشونی ء سمبالا۔ منڈیلا ءِ سیاسی ندارہ تیان مُر کننگ کن چم بازی طاغت آک اولیور ٹامبو ءِکاریم ئٹ ہتنگ نا کوشست کریر۔ بےسہبی آن گڈ پن ئنا امن دوست گڑاس چنکو بھلو لیڈر ء دے کہی خاص وڑ ئٹ برطانیہ پروجیکٹکننگ نا کوشست کرے ولے  غیرت مند مخلوق دا چم بازی ءِ ہم بےسہب کرے۔ افریکن نیشنل کانگرس جہان نا بھاز آ  ملک آتیٹ تیناسفارتی مشن ہم ٹہفے  ہراڑے بھاز جوان انگا بندغ آتے بھاز جوان انگا کاریم کن افینگا ہرا گیوہ جہان ئٹ تینا تحریک نا اخلاقی جوانیءِ منفیر۔

ہمسیا افریکی ڈیہہ آک مُست آن ہی دامے درمے سخنے نیلسن منڈیلا نا پد آ ئسر دا حد اسکان کہ ضامبیا نا صدر نا طیارہ نیلسنمنڈیلا نا مخ تفی نا ڈوہداری ٹی بھس کننگا و نیلسن منڈیلا بری مریسہ تینا سنگت ضامبین صدر نا جنوزان تون برام کرے۔ سال ہشتادو یک ئنا ایسر ئٹی ملیشیا ٹی اڈ تروک باون ڈیہہ آتےا ساڑی کام ویلتھ نا مجلس ئٹی برطانیہ نا وزیر اعظم مارگریٹ تھیچر نا اسٹانگا وونٹ ئس ہرا نیلسن مندیلا نا یلہ مننگ نا برخلاف ئس۔ منڈیلا ہم بری مریسہ اول لیبیا و پدا برطانیہ آن گدرینگِسہ ہمسایہ ڈیہہئٹی آئرلینڈ نا دورہ کریسہ سنخت انگا دے تیٹ کاریم ئٹ بروکا تا منتواری مس ہراڑا برطانوی وزیر اعظم باز ہیت کرے۔ کرنل قذافی ءِایہُن ہم برطانیہ دوست کتوکہ و آئر لینڈ ئٹی ہم برطانیہ نا بر خلاف آئر لینڈ نا قطبی بشخ آ برطانیہ نا کوزہ نا برخلاف جہد کروکا آئیآر اے کیہی وار وزیر اعظم تھیچر ءِ خون کننگ نا کوشست کرے اسہ وار او معجزہ ئی وڑ ئٹ ہمو وخت بچا ہرا وخت او ہوٹل نا غسلخانہ ٹی بےشولنگ ئس و غسل خانہ ٹی بمب ترخا ہرا پنچمی منزل آن تھیچر تون اوار شیف کسر آ تما۔ داکان منَہ سال مُست سناناسی ٹی  آئی آر اے ہندوستان نا گڈیکو وائسرائے لارڈ مونٹ بیٹن ءِ خون کریسس۔

گیشتر تنظیم آتا عسکری ونگ سیاسی ونگ نا تابع مسکہ ولے  کہی سال تینا آئی آر اے نا سیاسی ونگ نا گچین کروک شش برطانویباسک پارلیمنٹ نا بیدس ہم سیاسی ونگ آئی آر اے نا عسکری ونگ نا خیالداری ٹی ءِ۔ آئی آراے نا پاننگ ءِ کہ سیاست ٹی انفلٹریشناڑزان ءِ و مفاد دوست و موقع دوست سیاسی بندغ آتے غاصب طاغت آک اڑزانی ئٹ کارمرز کننگ کیرہ اندا سوب آن آئی آر اے نا پاننگءِ کہ ہرا وخت اسکان آئر لینڈ نا تحریک سرسہب مفک اسکان  سیاسی ونگ ءِ عسکری ونگ ئسے نا سروکی ٹی رینگوئی تمو۔ پن کروکبھلا تحریک آتا وڑ جموں کشمیر نا تحریک نا نظریہ اسہ نہ راہشونی ءِ۔ اخس لیڈرز  نظریہ و اموخس آقا۔ جموں کشمیر و فلسطین ٹیزیات  دوٹی تننگانی و دا دے تیٹ تحریک آک دے پہ دے مرغن  و گڈ وڈ مننگ ء انتئے دا تحریک آک فرقہ دوست۔ علاقہ دوست و  شخصیت دوستی نا گواچی ء۔ یاسر عرفات اسیری سال تیٹ نا ہیت کننگ کریکا نہ تینٹ کوننگ کریکہ ولے او تینازند ئٹی راہشونی ء پینکس ء تننگ قبول کتو اندن کشمیر ی لیڈر ہم تینا  قبر ئٹی ہننگ اسکان ہم تینتو تخیننگ خوایک و اسہ ہنر مند لائخ و تجربہ کار ٹیم تیارکننگ نا جاگہ آ یس مینز نا پٹ و پل ئٹی مریرا ایلو پارہ غان ریاست جموں کشمیر آ کوزہ طاغت آتے خود غرض و نشاتس بندغ آتے  پروجیکٹ کریسہ ہرا وخت خواست مس کارمرز کیرہ۔  ہندوستان و پاکستان ہڑتوما نود نا دہائی ٹی جموں کشمیر نا بڑز مروک راجیتحریک ءِ اسہ علاقائی جیڑہ ٹی تبدیل کریر ہرانا سوب آن جہانی تلہ آ ننا تحریک نا اخلاقی امنائی ایسر مس۔ آئی ایس آئی نامسکوئی سر کماش جنرل درانی و اونا بھارتی ہم منصب اے ایس دولت تینا اوار کتاب ٹی پارینے کہ ہندوستان و پاکستان ہڑتوما جموںکشمیر ءِ زیات آن زیات سیم تے نرم کریسہ بندغ آتے  آزاد داپار ہپار ہن و بر نا موکل تو تننگ کیرہ ولے او اسہ وڑ ئٹ ہم  جموں کشمیرءِ اسہ جتا ڈیہہ اس نشان تننگ خواپسہ ہرانا سوب جموں کشمیر نا قدرتی وسائل ءِ اندا سوب آن پاکستان آزاد کشمیر و گلگت بلتستانءِ جموں کشمیر نا راجی تحریک ٹی بنجائی کڑدار ادا کننگ کہ ہلینگ اف تاکہ پاکستان آزاد کشمیر آن تعلقداری تخوک اسہ ہم آجوئیدوست نا بنجائی کڑدار ءِ برداشت کپک اندن ساڑی  تحریک نا بناء ن یورپ آن بناء کریسہ آزاد کشمیر و داکان تحریک ءِ بھارتی کوزہمروک کشمیر ٹی سوگو کرین ہراڑی بھارت ءِ نت تا تمینگ آ بیوس کننگا ولے دا تحریک ءِ فرقہ دوستی ٹی بدل کریسہ بھارت نا دوکسوگو  کننگار۔

پاکستان جہان ءِ دا  تاثر تننگ خواہک کہ آزاد کشمیر و گلگت بلتستان پاکستان تون اوار خوش ءُ بلکن ویلی پاکستان تون ملینگ کن جہدکننگ ءُ داڑان بیدس کم عقل کشمیر لیڈر آک تینٹ اسہ ہیت ئسے آ اوار مننگ نا جاگہ آ او ہڑتوما  کوزہ گیر تون اسٹ ایلو تون ہیت ئناخواست کریسہ ثابت کننگ ءُ کہ او تینا  بندغ آتے بیرہ ہندوستان و پاکستان  نا نیام ئٹی  دن ءُ ہیت و بننگ کن کسفینگ ءُ ہرا ٹیکشمیری راہشون تا ہچ ءُ فیصلہ کڑدار اف و اگہ مس ہم کشمیر اد ٹی اوار مس گڑا او ہم  ہندوستان و پاکستان نا حواری نا وڑ ئٹ  نہ  جموں کشمیر نا لس مخلوق نمائندہ مرو۔ اندا ٹی  کشمیری تا خون تو برجاہ مننگ کیک ولے جموں کشمیر نا وحدت نا بحالی نہ منکن ءِ۔کشمیریک اگہ دیمری خوارہ گڑا اوفتے الجزائر لیبیا و جنوبی افریکہ نا تحریک آتا تجربہ آتیان سرپند مروئی ء ہرافتا اسہ نظریہ اسہمنزل و اسہ لیڈر اس اسوک و لیڈر ہم امو ہرانا عملی میدان ٹی اسہ کڑدار اس مرے۔ تینے شون تننگ نا کیزی تا  آجوئی نا تحریک ٹیہچ ءُ خواست اف!

منتواری: ہماری ویب