بلوچستان نا دارالحکومت کوئٹہ ٹی اینو سہُب مروک اسہ خودکش جلہو ئسے ٹی پولیس کارندہ آتون اوار بیست و دو ئنا کچ بندغ مرگ ناگواچی و ٹپی مسُنو ۔

تراک ٹی پولیس ٹرک ءِ ٹِک کننگا، ڈی آئی جی نا پاننگ ئس کہ پولیس کارندہ آک ڈیوٹی کِن ہِننگ ئسُر کہ رکشہ نا کمک ئٹ پولیس ٹرک ءِٹِک کننگا، تراک ٹی 20 آن 25 کلو بارودی مواد کاریم ئٹ ہیسُر ۔

پولیس نا ردئٹ تراک نا سوب خُڑکان گدرینگوک اُلاخ ہم دَک ئٹ بسُنے ہرانا سوب ٹی اُلاخ ئٹ  مروک اسہ  نیاڑی اس ہم ٹپی مسُنے ،پولیس نا پاننگ ئس کہ ٹپی مروک آتے سول اسپتال آ دننگانے ۔

تراک نا حوال رسینگنگ تون فائر بریگیڈ ، ایمبولینس ہند آ سر مسر، بم ڈسپوزل اسکواڈ ءِ ہم خواست کننگا ۔

تحریک طالبان پاکستان جلہو نا ذمہ واری ءِ ارفینے ۔ ٹی ٹی پی آفیشل چینل آ چُنک بیان ئٹ نوشت کننگا کہ “کوئٹہ نا علاقہ بلیلی ٹیمبارک استشہادی جلہو، شابیت حوال آتیکن ننتون اوار مریرے۔”

برجاء سال ستمبر ئٹی ورنا کرد مسڑ مہسا امینی نا ایرانی پولیس نا دزگیری ٹی بےدادی ئٹ خون و اوکان گڈ بناء مروکا برانز آتابرخلاف زوراکی کننگ آن گڈ اقوام متحدہ ایران ءِ زالبول آتا کیمشن آن کشنگ نا پارینے۔

خبر تخوک سفارت کار آک حوال تسنو کہ اقوام متحدہ نا اقتصادی و چاگڑدی کونسل 14 دسمبر آ ایران ءِ اقوام متحدہ نا زالبول آتاکمیشن آن کشنگ نا امریکی مسودہ قرارداد آ وونٹ شاغو۔ دا قرارداد نا تعلقداری صنفی مساوات وزالبول تے اختیار تننگ نا بارو ئٹ ءِ۔دا قرارداد اسہ اندنو وخت ئسے ٹی مونا ہتنگ مسنے ہرا وخت واشنگٹن تہران آ زالبول تے اوفتا حق آن پد بٹنگ و برانز آتے وحشی تا ڈولئٹ توننگ آ تہران آ رکھ خلنگ نا کوشست کننگ ءِ۔

اقوام متحدہ نا اسہ سفارت کار اس وضاحت کرینے کہ امریکہ و ایلو ڈیہہ آک ایران ءِ زالبول نا بھیس آن مُر کننگ کن مُخ تفی ءِ متحرککننگ کن باز حال حوال کننگ ءُ۔

او ودیک پارے کہ اندن گمان مریک کہ او سر سہب مننگ ءُ۔ منَہ ڈیہہ ہرا مُست کِجنگ ئسر کہ 54 باسکی اقتصادی و چاگڑدی کونسلپدان ووٹنگ کرے کہ آیا ایران ءِ کمیشن آن کشنگ مرے یا نہ۔

امریکا دو شمبے نا دے دا گام ئنا بابت ئٹ اسہ مسودہ قرارداد اس بشخاسس ہرا ٹی ایران نا پالیسی تے “زالبول و مسن تا حق و زالبولآتا حیثیت نا بارو ئٹ کمیشن نا مینڈیٹ آن ساف وڑ آ متصادم” پاریسس۔

ایران ہم داسا 45 باسکی باڈی ٹی تینا وخت ءِ بناء کریسس ہرا نا مجلس ہر سال مارچ ئٹی مریک و دا نا مسخت صنفی بریبری تےمونی دننگ و زالبول تے اختیار تننگ ءِ۔ ایران نا رکنیت نا وخت 2026 اسکان ءِ۔

ولے مذہبی پولیس نا دو آن دزگیری آن گڈ 22 سالی مہسا امینی نا خون آن گڈ ڈیہہ ئٹی مروکا برانز آک ڈیہی ئٹی غصہ و جہانی نغدکاری ءِ ودی کرینو۔

بلوچستان نا بنجائی شار شال ئٹی زوراکی نا بیگواہی تا برخلاف وائس فار بلوچ مسنگ پرسنز نا برانزی کیمپ اینو 4875 می دے ہمپریس کلب نا مونا برجاء ئس۔

دا وخت آ ضلع مستونگ آن محمد عظیم بلوچ، نور محمد بلوچ، دستگیر بلوچ و ایلو خاہوت آتون اواری نا درشانی کن بسر۔

اینو بلوچستان نا ضلع خاران آن رضیہ بلوچ کیمپ آ بریسہ تینا برانز ءِ ریکارڈ کرفے۔

رضیہ بلوچ پارے کہ کنا ایلم شاہ فہد ءِ برجاء سال مارچ ئٹی ننا اُراغان سیکورٹی فورسز آک دزگیر کریسہ زوراکی ئٹ بیگواہ کریر وننے ایلم نا بارو ئٹ ہچو معلومداری تننگ افس ہرا نا سوب آن ننا خاہوت ذہنی اذیت نا گواچی ءِ۔

او پارے کہ سیکورٹی فورسز آک ننا اُرا غان ہفتاد ہزار روپئی، کمپیوٹر و ایلو مڈی تی ہم تینتو دریر۔

اونا پاننگ ئس کہ اکتوبر نا تو ئٹی چیف سیکٹری و ایف سی ذمہ وار آک پاریسُر کہ کنا ایلم ءِ سی ٹی ڈی درینے۔ کنا ایلم ءِ پاش کننگمرے۔

تنظیم نا کمک کماش ماما قدیر بلوچ پارے کہ کیہی سال تیان بلوچستان ئٹی برجاء بلوچ نسل کشی نا ترندی ٹی ریاست ہڑدے ودکیکننگ ءِ۔ بلوچ آتے زوراکی ئٹ بیگواہ کریسہ اوفتیا بے بندغی ءُ بےدادی کریسہ شہید کننگ و اوفتا جشوک جون تے خسنگ نا ڈول آ بےبندغی عمل آک برجاء ئسر کہ ریاست پاکستان بلوچ نسل کش نا پالیسی تیٹ ترندی ہتیسہ لس بلوچ شاری تا اُرا تیا بمباری کننگ، چادرو چار دیواری ءِ لتاڑیسہ اوفتے لٹ و پُل کننگ و پد ءِ ہُشنگ نا پوسکنو لڑ اس بناء کرینے۔

آل سندھ بلوچستان کرکٹ ٹورنامنٹ بناء مس، گوازیک سبی و حب چوکی ٹی مرور۔

بلوچستان نا ضلع سبی ٹی اولیکو آل سندھ بلوچستان کرکٹ ٹورنامنٹ بناء مس ہرا نا بناء ءِ سیکرٹری گوازی محمد اسحاق جمالیکرے–

ٹورنامنٹ نا غٹ گوازیک سی بی گراؤنڈ سبی ٹی مرور ہراڑے سندھ و بلوچستان آن 16 ٹیم سبی آ سر مسر و ٹورنامنٹ نا ایلو بشخ ئناگوازیک بلوچستان نا صنعتی شار حب چوکی ٹی مرور ہراڑے پین 16 ٹیم مون پہ مون مرور۔

اڈ تروک مجلس تون تران کریسہ سیکرٹری گوازی محمد اسحاق جمالی پارے کہ جانجوڑ آ چاگڑد نا ردوم کن گوازی تا اہمیت آن نمنمننگ منکن اف، گوازی ورنا تیٹ گچین چاگڑدی کاریم تے مُستی دننگ تون اوار چاگڑدی خرابی تیان رکھنگ نا ہم ازباب ئسے۔

ٹورنامنٹ نا ایسری گوازی سبی ٹی مرو و ٹورنامنٹ 6 دسمبر آ ایسر کننگو۔

تدوکا دے تیٹ بلوچستان نا ضلع کوہلو ٹی فوجی آپریشن ئٹی خلنگ مروکا بندغ آتا جونک کوہلو ڈی ایچ کیو آ رادہ کننگانو و اسپتال آفورسز آک سخت گھاٹ تننگ ءُ۔

ڈی ایچ کیو ٹی تخوکا جون تا چاہنداری داسکان مننگ کتنے و فورسز آتا کنڈ آن کس ءِ اوفتے اُننگ نا موکل تننگ متنے۔

ہندی حوال تا رد ئٹ ڈی ایچ کیو ٹی مردہ خانہ و پین آسراتی اف، ہرا نا سوب آن جون تا گند علاقہ ٹی تالان مسنے و فورسز آک پنکروک بندغ آتا چاہنداری نا بابت ئٹ ہچو کاروائی نا موکل تننگ افس۔

ڈی ایچ کیو نا اسہ ڈاکٹر اس تینا پن ءِ پاش کپننگ نا شڑت آ دی بلوچستان پوسٹ ءِ پارینے کہ اسپتال ئٹی نو بندغ نا جون تے اتنگانےہرافتیٹ گیشتری نا مونک جشوک ءُ۔

او جون تا چاہنداری نا بابت ئٹ پارے کہ عسکری کوالخواک داسکان کس ءِ جون تے اُننگ نا موکل تتنو ہرا نا سوب آن داسکان دا جون تاچاہنداری مننگ کتنے۔

اندن علاقائی حوال تا رد ئٹ علاقہ ٹی آپریشن آن گڈ اِرا ہندی کھریا ہم بے ڈس ءُ ہرافتا بابت ئٹ داسکان سما تمتنے کہ او فورسز آتادزگیری ٹی ءُ یا اوفتے خلکُنو۔

کاہان ئٹی شمبے نا سہب پاکستانی فوج سیاہ کوہ و ایب کیب ئٹ فوجی آپریشن بناء کریسس۔ آپریشن ڈرون جلہو تیٹ بناء کننگاہراڑان گڈ اِرا دے اسکان ہیلی کاپٹر آک آتا ہِن و بر برجاء ئس۔

پاکستانی فوج ئنا لس حوالکاری شعبہ آئی ایس پی آر آپریشن نا حوال ءِ پک کریسہ بلوچ لبریشن آرمی نا نوہ باسک خلنگ و مُسٹ ءِٹپی حالیت ئٹی دزگیر کننگ نا دعویٰ کریسس۔

بلوچ لبریشن آرمی داسکان دا بابت ئٹ ہچو ہیت کتنے۔

بلوچستان نا ضلع کوہلو ٹی پاکستان لشکر نا پارہ غان ارٹمیکو دے ہم آپریشن برجاء ءِ ۔ 

فوجی آپریشن نا بناء درو سہُب تون کننگا ہراڑے ڈرون جلہو آن گُڈ کم و ود ہشت ہیلی کاپٹر علاقہ ٹی رسینگار۔ آئی ایس پی آر تدوکا دے آپریشن نا پَک ءِ کریسہ بلوچ لبریشن آرمی نا نو بندغ ءِ خلِنگ و مُسہ بندغ ءِ ٹپی حالت ٹی دزگیر کننگ نا دعویٰ کرے ۔ 

جانی نسخان و دزگیری تا دائسکان ہندی ذرائع تان پَک متنے اندن فوج نا پارہ غان ہم شابیت حوال دوئی کننگتنے ۔ 

ٹی بی پی ءِ ذرائع نا پاننگ ءِ کہ اینو ارٹمیکو دے ہم فوجی کارندہ آک علاقہ ٹی ساڑی ءُ ۔ فوج نا پارہ غان ہندی بندغ آتا اُراتے ہُشنگ نا حوال آک بننگ ءُ واہم علاقہ ٹی ہِن و بر بند مننگ نا سوب آن دائسکان دا پَک متنے ۔ 

یاتی مرے کہ تدوکا تُو نا بناء ٹی بولان ٹی شابیت ءُ فوجی آپریشن اس کننگا ہراٹی گن شپ و جاسوس طیارہ آک بشخ ہلکُر اندن جیٹ طیارہ آتا بال کننگ ہم دا نیام ئٹ خَننگ ٹی بس۔ 

بولان آپریشن ٹی پاکستانی فوج چار بلوچ آزاتی دوست آتے خلنگ نا دعویٰ کرے واہم اوکان گُڈ بلوچ لبریشن آرمی نا ترجمان جیئند بلوچ بیان ئٹ پارے کہ ” بی ایل اے نا سرمچار آک بولان ٹی اسہ تیوہ ءُ ہفتہ ئس مون پہ مون نا جنگ آن گُڈ پاکستانی لشکر نا جلہو ءِ بے سُہب کریر۔ 

اونا پاننگ ئس کہ دا وخت آ دژمن فوج نا پانزدہ کارندہ ءِ مرگ نا گواچی و اسہ درزن آن زیات ءِ ٹپی کننگا ۔ اندن لُمہ وطن نا رکھ ءِ کریسہ ، بی ایل اے نا مُسہ سرمچار سنگت ایسری سُم نا فلسفہ آ تینا کریسہ شہید مننگ نا ہند ءِ خوْندی کریر۔” ۔ 

کاہان آپریشن ٹی آئی ایس پی آر نا بیان آن گُڈ دائسکان جیئند بلوچ ہچ پاتنے۔