جنوبی افریقہ نا جہانی پِن کٹوکا ادیب و دلبراسمتھ ہشتاد سال نا سن اٹی کیپ ٹاون اٹ جند نا تینا اُراٹی کذیت کرے۔ او زیات خوانکو و نوشتوک اس مسونے۔ جہان ٹی اونا 49 ناول تیان 30 آن ہم زیات بولی ٹی مٹ مسونے۔
اونا ناگمان مرک نا پبلشر ہم پک کرے۔ ولبر اسمتھ نا ٹویٹر اکاؤنٹ آن کروکا ٹویٹ نا رد اٹ اونا مرک ہفتہ 13 نومبر نا شام آمسونے۔ ٹویٹ اٹ نوشتوک اس کہ “نن بلو افسوز اٹ اعلان ءِ کینہ کہ جہانی پِڑ آ بلو کچ اس خوانوک و خوش کروکو نوشتوک ولبر اسمتھ کیمپ ٹاون اٹ تینا جند نا اُراٹی کذیت کرے۔ اونا کہنگ نا وخت ذایفہ تہ نیسو اونا خوڑکا اس۔”
اونا کذیت آن گڈ بازی پڑو آک ولبر اسمتھ پنی آ ادارہ تا ویب سائٹ او چندی سوشل میڈیا اکاؤنٹ تیا ہم مس۔ ولبر اسمتھ نا کذیت نا ولبر اینڈ نیسو اسمتھ فاؤنڈیشن نا ویب سائٹ آ ہم پک مس۔
جنوبی افریقہ نا پنی آ نوشتوک اینو پگہ نا افریقی ملک زیمبیا ٹی ودی مسونے۔ زمبیا تینا آجوئی ءِ جنوبی افریقہ آن دوئی سکرے۔ اونا اولیکو ناول When The Lion Feeds اس, ارا 1964ء اٹ نوشتہ مس۔
اوکان گڈ اوتینا سال آتیان تالان زند اٹ مُستی 48 ناول لکھا۔ اونا نوشتک نا کل اتون اوار 140 ملین آن زیات کاپی سودا مسونو اوتا جہان ٹی 30 آن زیات بولی ٹی مٹ مسونے۔
ولبر اسمتھ بکس پینی پبلشنگ ہاوس تینا ویب سائٹ آ پڑو اٹ پاے،”نن ولبر اسمتھ نا مچ جہان ٹی کروڑ آتا شہدائی تا منتوار اُن، ہرا کہ اونا ناول تے بیپایان خوش کریر او نوشوک آن بار ولبر اسمتھ نا تخلیقی کسر اٹ خواننگ نا وڑ اٹ اونا ہمرہ مسور۔ “
ولبر اسمتھ نا اِرٹ بھاز پنی ناول Gold Mine و Shout at the Devil تیا فلم ہم جوڑ مسونے۔ اونا لٹریری ایجنٹ کیون کونرائے اسکاٹ تینا بیان اٹ پارے “ولبر اسمتھ اسے اندن ءُ ادیب اس اسکہ،ہرانا افریقہ نا بارو اٹ علم او تخیقی تخیل اڑتوماک بیپایان ئسر۔
