استاد ہمو، ہرا آزادی نا سبخ ایتے

نوشتہ کار: دلوش بلوچ

دی بلوچستان پوسٹ

جہان ئٹ نمے ہر اسہ سوال نا وَلدِی تینٹ رسنگک ولے پٹ و پول ئٹ۔ جہان ئٹ اسہ دے ئس استاد آتا دے مریک گڑا ہمو دے خاص کر ہمو استاد آتا دے ءِ ہرافتا سبخ تیبہ قوم ءِ بش کرینے۔ ای ہمو استاد آتا ہیت ءِ کننگٹ ہرا قوم ءِ قومی و شعوری سبخ تسونو، اندن کہ بگھت سنگھ، چی گویرا، کاسترو و اندن استاد اسلم۔ دنو استاد آتا مثیل بھاز ءِ۔

داسا فلسفہ نا ہیت ءِ کینہ اندن کہ داٹی منہ مثال ءُ؛ دنکہ سُقراط، ارسطو، افلاطون و اندن کہ ننا ہنینا لیڈر شہید جرنل اسلم بلوچ نا فلسفہ۔ جرنل اسلم بلوچ اسہ عظیم ءُ فلاسفر ئسے، شہید اسلم نا شار مستونگ کلی شیخان مسُنے۔ استاد نا خواننگ ہم مستونگ شار ئٹی مسنے۔ استاد بلوچ تحریک ئٹ 1995 آن تینا کاریم تے بناء کرے۔ استاد شہید بالاچ نا ہنینا سنگت مسُنے۔ استاد بابا مری نا گچینا شاگڑد مسُنے۔ استاد نا فلسفہ نا گِڑاس ایت ءُ انتئے کہ استاد نا فلسفہ ءِ بیان کننِگ باز سخت ءِ۔ دا کتاب افسانہ ناول تحریر ئٹ ہچ فلسفہ بیان مفک کنا جند ئنا کسّہ ئس ای ہراتم خُواناٹہ گڑا کنا ماسٹر ہموڑے پارے اگہ اللہ غان پد بندغ ءِ سُجدہ کروئی مسکہ ای استاد اسلم ءِ سجدہ کریٹہ گڑا داڑان نن نم سرپند مرینک کہ ننا پھل استاد نا انت فلسفہ ئسے۔

شہید بالاچ بی ایل اے نا کمان اسک، ہفت سال آن پد شہید بالاچ سرلٹ آ شہید مس ولدا استاد بی ایل اے نا کمان مس گُڑا استاد نا کمان  آن منہ سال پد باز آ سنگت آک لغور مسر و اوکان پد استاد و چھار سنگت پین بچار۔ استاد گپ کیک ای حیران مسُٹ سنگت آتے بچفو یا جنگ کیو۔ 2000 اِسکان اندن مسُنے ولدا جنگ کرسہ سنگت آک باز مرسہ کرینو۔ استاد پائک حیران مسُٹ دا امر بننگو؟ اراکان بننگو؟ ولدا جنگ ءِ جنگ ئس امر جوڑا؟ گڑا استاد جنگ ءِ امر ایس امر ترتیب تس؟ امر قربانی تس امر قوم ءِ سرپند کرے؟ دا جنگ ننا نما کل ئنا امر قوم ءِ دن سرپند کرے۔ استاد پائک قوم زو سرپند مفک ولے داڑ کن انتس کروئی ءِ بس ننے نُمے کروئی ءِ۔ اندن استاد پاریکہ ننا داسکان قوم خن کتنے گڑا دادے نن پُہہ کینہ۔

داسا نن مجید برگیڈ آ برینہ اندن نمے کل ءِ سما ءِ ننا ہنینا پھل ثانی مجید 2010 ئٹی شہید مس۔ ثانی نا کاریمک شار ئٹ اسل باز مسُنو، ای بس مچٹ تا بیان کیوہ۔ شار ئنا سنگت آتیکن مجید جان شال ئٹ تو ریاست ءِ تباہ کریسس ولے حب چوکی آ ہم کاریم کن ہناکہ حب ئٹ اسہ وختس ٹپی مس گڑا تینا سنگت آتے کشا وختی ولدا جند تے پشتما دژمن ءِ باز نسخان تس۔

شہید مجید اول شہید امیر بخش سگار شہید مجید ثانی مسٹ آ پھلاک ایلم ءُ، ہرا ڈیہہ کن ندر مسُر 2010 ئٹی شہید مروکا پھل ثانی ئس۔ اونا پنا استاد فدائی تا مجید برگیڈ ئے جوڑ کرے۔ گڑا برگیڈ ئٹ اولیکو پھل باز خان شہید درویش پنے شاغا۔ بھلو کاریم ئس بناء مس۔ ولدا استاد توسک تینا سنگت آتون کہ درویش دنو کاریم ئس بناء کننگ ءِ گڑا استاد ئسک اوڑتون ہیت کریر، باز خان ءِ استاد اسہ نن ئس مچٹ سیڈ درے سوج کرے جُوانی ئٹ گڑا استاد دا فیصلہ ءِ ہلک۔ شال ئٹ ہمو کُچک آتا دفتر آ بازخان نا ہدف ءِ جوڑا۔ باز خان ہنا گاڈی ئس بارود آن پُر خلک ہموڑے۔ گِڑاس تا کسکُر گِڑاس تا بچار ولدا داکان پد ہچ دنو فدائی جلہو متو۔

دا وخت ئٹ 2013، 2015 ئٹ ننا تنظیم ئٹ شیفی بُڑزی بھاز بس، ولے استاد دافتے ہم برابر کرے۔ 2015 نا وخت ئٹ استاد اُست ئنا ناجوڑی نا گواچی مس و اونا اُست ئنا وال آک آپریشن مسر۔ اوکان گُڈ استاد ءِ سنگت آک پاریر نی ہن چُٹی آ نی باز مریض اُس۔ 2015ء 2016 نا وختا استاد نا جاگہ غا فوجی آپریشن مس گُڑا استاد توفنک ءِ ہرفِسہ پارے کہ ای جنگ ایتوہ۔ ولے سنگت آک بھاز استاد ءِ منہ کریر و اودے پاریر کہ نی پین باز کاریم کروئی ءِ نی ننا کمان اُس۔ ننا استاد اُس، استاد ٹپی مریک ہمو آپریشن ئٹ ناجوڑ آ جان تون تینے کشک۔ داڑے سنگت آتان گِڑاس شہید مریرہ گِڑاس بچرہ۔

منہ وخت آن پد ولدا استاد پین فیصلہ ئس ہلیک۔ او 2018 ئٹ تینا مار ءِ فدا کننگ نا فیصلہ کیک۔ سنگت آک استاد ءِ پارہ پین بندغ ئس راہی کینہ ریحان نا جاگہ غا پیسہ ایتنہ تِہ، استاد باز تُرندی ئٹ پائک اینو اندا وخت ءِ قوم ئنا لمہ غاک تینا مار تے اندن ہیڑک تینا ایلم تے اندا امیت آ راہی کریرہ گڑا ای امر تینا مار ءِ اوتان زیات ہلیو۔ دن ہچ مفک ریحان نا لمہ تینٹ دا قربانی کن تیار ءِ۔ استاد  دا فیصلہ ءِ کرے، ہمو 11 اگست 2018 نا نا دے اس ہراتم ریحان دالبندین ئٹ فدائی کرے چوچا خنی تا گاڈی آ۔ استاد ہموڑے ریحان ءِ تینٹ ویڈو کیک اندنو جغر باوہ غاتے مرے یا لمّہ غاتے مرے استاد نا قربانی ابراہیم و اسماعیلی ءُ فلسفہ ئسے نا وڑ ءِ، ولے بی بی ہاجرہ ءِ دا سما الو کہ کنا مار ءِ ابراہیم قربان کیک ولے داڑے بی بی یاسمین ءِ سما اسک کہ او تینا مار ءِ تینٹ بیرفک بیرک ءِ اونا کوپہ غا تیا شاغک استاد نا اندا اسٹ آ فیصلہ  جنگ ءِ جنگس کرے دُنیا ءِ پارے بلوچ تینا ریاستٹ کسے سٹی ہلپک گُڑا استاد نا اندا فلسفہ شارل و سُمّی ماہل پیدا کرے۔ ایلو فدائی تان بیدس اینو دا عظیم آ فلسفہ انت انت پیدا کرسہ ءِ، ننا  نما موناٹے۔۔۔ دا فلسفہ آن نن نم باز گِڑا ہیل کینہ، ننے نمے اندن جہد ئٹ اوار مروئی ءِ سنگت آک اسلم نا مخلصی نا وڑ۔

دیہاڑی ردیک – ٹی بی پی سرگپ

ہفتدہ جنوری نا بیگہ نا حب چوکی ٹی بلوچ زنک ایسری نا یات گاری دے (25 جنوری) آ دالبندین ئٹ اڈ تروک جلسہ کن بلوچ یکجہتی کمیٹی نا چاہنداری مہم برجاء ئس۔ اندا وخت آ بلوچ یکجہتی کمیٹی نا راہشون، سمی دین بلوچ آ سلہہ بند جلہو نا کوشست کننگا، ہرانا سوب آن اِرا شکبر بندغ دزگیر مسر۔ اوفتیان سلہہ، شناختی کارڈ و پروفائلنگ کن برانزی تا ویڈیو و عکس آک خننگار۔ دا بندغ آتا تعلق پاکستانی ڈھکوک ادارہ تیان پاننگک۔

داڑان مالو گوادر ئٹ بلوچ راجی مچی نا وخت آ بلوچ یکجہتی کمیٹی نا بنجاہی سروک ڈاکٹر ماہ رنگ بلوچ آ جلہو نا کوشست کننگاسس، ہراٹی ملٹری انٹیلی جنس نا اسہ کارندہ اس دزگیر کننگا۔

پاکستان نا مقتدر طاغت آک، بلوچ یکجہتی کمیٹی نا ریاستی تادی و زوراکی نا بیگواہی تا ایسری کون آ جائز خواست آتے پورہ کننگ نا جاگہ غا، بلوچ راہشون تیا چرجوئی ئٹ ایف آئی آر نوشتہ کریسہ، پرامن مُچی تیا لٹ و کٹ و بلوچ زالبول تا دزگیری کون آ چم آتے کاریم ئٹ ہتنگ ءُ۔ دا غٹ گام آک تحریک ءِ ایسر کننگ نا بے سہب کوشست ءُ۔

پاکستان نا پالیسی ساز آک وار وار دیہاڑی ردی تے کریسہ ءُ و اندا تکرہ کہ بلوچ راہشون تا دزگیری یا اوفتے نسخان تننگ آن بلوچ راجی تحریک ایسر کننگ مریک۔ ولے گواچنی دادے کہ نہ ہنوک وخت ئٹ بلوچ راہشون تا کسفنگ آن دا تحریک ایسر مننگ کرے، و نئے کہ داسہ دن انگا اٹکل آک دادے ایسر کننگ کیرہ۔

پاکستان نا فوجی آمر جنرل پرویز مشرف پاریسس کہ بلوچ آتے اندنو جاگہ ئسے آن خلون کہ اوفتے سماء ہم تمپرو۔ ولے بلوچستان ئٹ لشکر کشی، زوراکی نا بیگواہی، لس خون و ریاستی تادی تیان پد ہم، اِرا دہائی آن بلوچ آتا آجوئی نا جہد نئے بیرہ برجاء ءِ بلکن وخت ئتون اوار داٹی ترندی و پوسکنی بسنے۔

پاکستان نا مقتدر ادارہ غاک دیہاڑی ردی تیان سبخ ہلنگ نا جاگہ اوفتے ولدا کننگ ئٹ اختہ ءُ، و دا رویہ ریاست کن بھاز بھیم بش کروک نتیجہ تا سوب پاش مننگ کیک۔