پجّار دود آک و آزاتی

( ایسری بشخ )

نوشت : مہر جان مٹ : سعدیہ بلوچ

دی بلوچستان پوسٹ

بنچخی تضاد نا بنیات آ محکومیت نا ” پجّار “ ہراتم مُچی نا ڈول مرے گڑا ولدانا فردی جہد اسل ہم محکومیت ءِ ￵ ایسر کننگ کن سوب مند مننگ کپک ، ہرا وڑ اسہ ” خلقت “ ئسے ￵ محکوم تخنگانے داسا ” اشتماعی “ جہد آن ہی دا محکومیت نا ایسری مننگ کیک ، اندا خاطر تیوئی جہد کن ہر تپہ و ہر تپئی فکر ئنا بندغاک ہرا اواری اسٹی ئٹ ” مابت عزت و کاٹم بڑزی “ نا یا ایلو لوظ آتیٹ ” پجّار دوداک و آزاتی “ نا منوگر اوٗ، ￵ دا تیوئی جہد ئٹ تینا تینا خیال و فکر و لائخی تا بنیادا برجاؤ کڑدار ئس ادا کننگ کیرہ تانکہ حاکم و محکوم نا ” مابت عزت و وقار “ نا سیالی ہڑتمکا پارہ غان بریبری نا بنیات آ اندن مننگ کروک عمل ئس مرے کہ حاکم ءِ ￵ تینا حاکمیت آن دُو ارفوئی مرے و محکوم ءِ ￵ اونا محکومیت آن آزاتی رسینگے ، داڑے ہر تپہ نا ہیت دا پد ندارہ ٹی ام مننگ ءِ ￵ کہ قوضہ گیر تپہ نا بندغ ہم تینا تپہ غان مونءِ ہڑسسہ غلام (کالونائزڈ) تپہ نا ” پجّار دود و آزاتی “ کن عملی وڑ ئٹ اشتماعی جہد ئٹ اوڑدہ مریر ، دیہاڑ ئٹ سارتر دانا اسہ مثال ئسے ، ہرا فرانسیسی ئس مریسہ ہم فرانس نا برخلاف الجزائر تون اوار عملی وڑ ئٹ اوار مس ، یات مرے ہراتم محکوم دا اشتماعی جہد کن مخ تف مریک داسا اونا محکومیت بیرہ ہمو محکوم کن مفک ہرادےمزاحمت مفرنگ نا پن آ شیف خلنگءِ بلکن داسا او اسہ اندنو اشتماعی او طاغتس جوڑ مریک ہرا اسٹ کروک مزاحمت نا بنیات ” مابت“مریک نہ کہ کوزہ گیریت نا ہڑی باہ خلّنگ ، محکوم نہ بیرہ تینا محکومیت نا پجّار ءِ ￵ ڈھرفیسہ ” مابت عزت و وقار “ کن مزاحمت نا بیرکءِ ￵ بڑز کننگ مریک بلکن آقا نا آقائیت ءِ ￵ ہم دڑفسہ کیک انتئے کہ اونا ایمان ءِ ￵ کہ مابت بریبری نا بنیات آ مریک ۔ دا ہر پلوئی مزاحمت آن اندنو شعور ئس ودی مریک ، ہرا بقول ھیگل مرگءِ زند آ ترجیح ایتک اندا اشتماعیت نا بنیات آ جہد ئنا کاروان برجاء مریکک ۔ دا بھاز مرغن و سخت آزموندہ ئٹ شاغوکا سفر ہرپارہءِ پلویڑ کروکا مزاحمت نا دروشم ئٹ کیہی مرحلہ آتیٹ برجاء مریک۔

اشتماعیت نا ہیت افلاطون ، ارسطو ھیگل و مارکس اینگلز جتاء دروشم آتیٹ کریسہ بننگو ، ہرا یونیورسلٹی و ” معروضی و جدلیاتی “ گواچن نا جتاء نظر ئٹ منوگر بھلا بھلا چاہنداراک گدرینگانو ، ہرا سیاسی میدان ئٹ اشتماعیت ئٹ ہی بندغ نا آزات مننگ نا گَت تخرہ ۔ و اندا اشتماعیت نا بنیات آ اوفتے ڈکٹیٹر فلاسفر ، راج دژمن فلاسفر ہم پاننگا ، تنقید نا اصل نشانہ ھیگل مس انداڑسکان پاننگ آ کہ ھیگل نا فلسفہ نا دُون ہمو زار آن پُر ءِ ہرا زار آن پوسکنا نسل بچفنگ کپک تینے ، کارل پوپر ہرانا ڈغار سائنسی فلسفہ ئس ہراتم او افلاطون ، ارسطو ، ھیگل مارکس آ دا حوالہ ئٹ تنقید کیک اگہ او تینا تنقیدی کتاب نا بنائی ئٹ دا فلاسفر آتا بھلنی آن نمن مفک ، بلکن دا پاریسہ تینا درشانءِ کیک کہ بھلا بندغ تیان وخت وخت بھلو ردی مریک ، و اندافتیان کلیت نا رِد ئٹ بھلو ردی ئس مس ہراڑان انفرادی آزاتی ءِ ￵ نسخان رسینگانے ولے او تینا کتاب نا ارٹمی ایڈیشن ئٹ تینا تنقید ءِ ￵ بھس کروک (تباہ کن) ہم سمجھیک ، اونا تیوہ تنقید سوڈو ( مصنوعی ) سائنس آن مریسہ تاریخی بےدادی و مطلق العنایت آ ایسر مریک ، اونا نظر ئٹ معروض ءِ ￵ گواچن منوگر آک خاص وڑ ئٹ ھیگل نا کلیت ءِ ￵ ( ٹوٹلی ٹیرن ) تنقید نا نشانہ جوڑ کریسہ او داپآننگ خواہک کہ دا فلاسفر اصل ئٹ بندغ نا آزاتی ءِ ￵ اشتماع ئٹ ہوریسہ مطلق العنانیت نا وکیل مریرہ ، ولے ننے دا ہیت آ نظر تخوئی ءِ کہ مطلق العنانیت نا ہم کیہی دروشمک ءُ ￶ ، جتاء فلاسفر آک مطلق العنانیت نا جتاء تشریح کریسہ مُست ئنا و داسا نا مطلق العنانیت ئٹ مُری ءِ ￵ روا تخانو ، اندا خاطر جمہوریت نا لویس ئٹ مطلق العنانیت ءِ ￵ تیوہ وڑ ئٹ خنتیان چپ کننگ مفک ، اینو نا جہان ئٹ ویٹو پاور دانا اسہ خاص ءُ ￶ مثال ئسے ، ماؤ ” جمہوری مرکزیت “ ءِ ￵ دا وڑ ئنا اشتماعی جہد کن کارگر سرپد مریک ، ارادے جدلیاتی وڑٹ سمجھنگ مننگ کیک واہم کارل پوپر اندا اشتماعیت نا رِد ئٹ نیشنل ازم ءِ ￵ ہم میجک و متھ نا بابت آ ہریک ، ولے فلسفہ نا خوانندہ متھ ءِ ￵ تیوہ وڑ ئٹ خنتیان چپ کننگ کپک ، اندن کہ پوسکنا جمہوریت ئٹ ہم متھ ءِ ￵ خنتیان چپ کننگ مفک ، انتئے کہ پوسکنا جمہوریت ہم تیوہ عقلی بنیات آتیا سلوک اف ، اندا خاطر نیشنل ازم ءِ ￵ بیرہ متھکیل پاریسہ خنتیان چپ کننگ ، نیشنل ازم ءِ ￵ بیرہ جُزئٹ ہُننگ نا بریبر ءِ ￵ ، اندن غٹ جُز آک اوار مریسہ ہم “کُل” نا حیثیت اختیار کننگ کپسہ ، کُل نا تینا اسہ جتاؤ حیثیت ئسے ، قلمءِ ( غیر زی روح ) ٹُکُّر ٹُکُّر کریسہ غُٹءِ ٹُکُّر آتے اوار کر ام او قلم نا بریبر مفسہ اراٹی ای نوشتہ کننگ اُٹ ،ایلن ووڈ و ٹیڈگرانٹ اندا رِد ئٹ مُرو (ذی روح)نا مثالءِ ایترہ، کلیت ھیگل نا بنیاتی سر حال آتیٹ اسہ سرحال ئسے ، ہرا اسہ جتاؤ نوشت ئسے نا خواستگار ءِ ￵ ، فلحال دا پاننگ مسختءِ ￵ کہ اشتماعی جہد ( کُلیت ) ہی اشتعماعی غلامی آن کشّنگ نا دارو ءِ ، تیوئی جہد و اشتماعیت ئٹ بندغی آزاتی ءِ ￵ ہچو دروشم ئسے ٹی جدلیاتی فلسفہ نا نظر ئٹ نسخان رسینگپک بلکن بندغ نا آزاتی گیشتر مریک ۔

دا اشتعماعیت یا کُلیت ( راجی رِد ) ئٹ ” ڈغار و دیہاڑ و دود “ آتون اوڑدئی نا بنیات آ جوڑ مریک ، دا اوڑدئی داخہ در سوگو مریک ، کہ ڈغار لمہ نا ڈول نہ بیرہ ڈغار نا چنا ءِ ￵ تینا خمب ئٹ ہلیک بلکن اوفتان سہب و شام ہیت ہم کیک ، داجُڑت توفک آن زیات بھیم بش کروک مریک ، ہراڑے ڈغار نا چناک گلزمین نا شئر خلیسہ چاپ خلیرہ ، اوفتا شئر آتے قوضہ گیر بارود نا ڈھیر آن بھس کننگ خوائک او تینا طاغت نا نشہ ٹی بد مست مریسہ ہم سُر و سنگیت آتے شیف کننگ خواہک ہرا گلزمین نا است و جان آن ڈغار نا چناتیکن تالان کننگ مریرہ مالو ہم اندا پاننگاسس کہ قوضہ گیر نا کل آن مالو اندا کوشست مریک کہ محکوم نا سیالی اونا ڈغار آن ، اونا تاریخ آن ، اونا دود آتے پرغنگے ، ہراتم محکوم نا سیالی ڈغار ، تاریخ و دود آتیان کٹ کننگیک ، گڑا پدا اشتماعیت وجودیاتی نقطہ نظر آن وجود تخیک ولے پہلو (جہت) تخپک ، جہت ” پجّار دوداک و آزاتی “ نا مدام مرہون منت مریک ، اندن دانا مونا ہمو بندغ آک مریرہ ہرا ” پجُار دوداک و آزاتی “ آ یخین تخپسہ ، دوننگا محکومیت نا بیرک ہرفوک سوداگری نا نیالءِ ردوم ایترہ ، او دا وڑ ئنا ہر پَلّوئی مزاحمت نا امنّائیک مفسہ ، او زند ءِ ￵ کہنگ ءَ ترجیح ایتیرہ ، ” پجّار دوداک و آزاتی “ نا بِنا غان منوگر مفسہ او محکومیت نا عنصر ءِ ￵ وخت وختس سرپد مریسہ ہم سودا گری نا ہنر ءِ ￵ گچین کیرہ او تیوہ راج نا محکومیت ءِ ￵ پد بٹیسہ نوآبادیاتی ریاست نا رنگ ئٹ اوڑدہ مننگ خوارہ ، او دراصل حاکم نا ہُلی آ رمب کننگ مریرہ ۔ اوفتے دا سمجھ تو مریک کہ او اصل ئٹ انت کننگو ولے احساس مفک ۔ اندن آ بندغ آک ننے ( سیلف ) آن ہی مریرہ ، اوفتا بیانیہ تون اوار سلوک مریرہ ، اوفتا بیانیہ آن ہلیس اوفتا نوشت آتسکان راجی شعور ئٹ دڑز شاغنگ کن کاریم ئٹ ہتنگرہ ، بقول فرانز فینن ہمو بندغاک ہرا ننے آن مریرہ ، ” راجی شعور نا بشخ آتیا تہکالی وڑٹ جلہو کیرہ و دا ہیتاتے تالان کیرہ اندن کہ الجزائر والاتیکن پاننگا کہ “ الجزائر اسہ راج ئس اف او نہ اسل اسہ راج ئس مسونے و نا ہی مستی کن اسل مرو “ ” الجزائر وطن دوستی بکواس ءِ ￵ “ دا ڈول ئنا نوشت￵ آتے فینن ذہنی ناجوڑی پائک ہرا استعماریت نا ودی کروک او۔

دانا مقابل ئٹ ہرا تینا ڈغار ، تاریخ و دوداتا ردوم ہلنگ نا سفر ئٹ اختہ مریک اوفتے وختس ریڈیکل مننگ نا دوبہ رسینگیک ، گڑا وختس رجعت پسندی نا ، دا تیوہ دوبہ غاک مدام کالونائزڈ نا تروک مریرہ ، دا حاکمانہ زہنیت تخوک آ نوشتکار آتیا سارتر آن ہلیس فینن اسکان بھاز شرہ و گپ کریسہ اوفتا عقل پسندی نا لویس ءِ کپ کپ کننگانے ، کہ امر دا بندغ آک تینا ہشاری تے آن ڈغار نا چناتے رجعت پسندی ، نسل پرستی نا شغان ایتیرہ ، اوفتا اٹکلی رسم اندادے کہ ہرا بندغ آک تینا ڈغار ، تاریخ و دود آتا ہیت کیر، ہمو دوداتا ہیت ءِ ￵ کرے ہراڑے قول و فعل ئٹ تضاد مف ، ہراڑے ڈغار اسہ بندغ ئسے نا ملکیت مف ، ہراڑے ڈغار ءِ لمہ نا حیثیت تننگءِ اوڑے ڈغارے بہا کننگءِ لمہ نا بہا کننگ تون تشبیہ تننگے ، ہراڑے سرکار ( کالونائیل فورسز ) نا بندغ مننگ ءِ ￵ میار سرپد مننگے ، دافتا ڈول دودآتا ہیت کروک آک ریڈیکل ، رجعت پسند ، نسل پرست پاننگرہ ، ولے ارٹمیکو پارہ غان اندننگا ریڈیکل ، رجعت پسند و نسل پرست ہی تینا دا پجّار اوفتا دود و اوفتا آزاتی نا پٹ و پول نا کوشست ئٹ مریرہ ہراڑے بقول شاعر

نہ سمو کانہل بی جزی
نہ مست ملامی بی ڈیہہ
Where nor “Sammo” Will be vulnerable
Neither “ Mast ” be endanger