خاران و قلات ئٹ جلہو تا ذمہ واری ءِ بی ایل اے ارفے

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

بلوچ لبریشن آرمی نا ترجمان جیئند بلوچ میڈیا آ شینک کروک تینا بیان ئٹ پارے کہ بی ایل اے نا سرمچار آک خاران و قلات ئٹ اِرا جتا ءُجلہو ئٹ کوزہ گیر پاکستانی لشکر و اونا ہندی مخبر آتے ٹک کریسہ اسٹ ءِ مرگ ئنا گواچی و مُسٹ ءِ ٹپی کریر۔

جیئند بلوچ نا پاننگ ئس کہ تدوکا دے بی ایل اے نا سرمچار آک خاران نا علاقہ لجے شوآپ نا جاگہی بیگ محمد ساسولی ءِ سُم کاریکریسہ کسفیر، پن کروک بندغ پاکستانی لشکر و اونا ڈھکوک ادارہ آتا جوڑ کروک ڈیتھ اسکواڈ نا کارندہ و مخبر اس ئس۔

اونا پاننگ ئس کہ مخبر بیگ محمد تدوکا بھلو وخت ئسے آن قلات، خاران و ایب کیب ئنا علاقہ آتیٹ لشکری آپریشن آتیٹ دشمن کارندہآتے کمک، ڈیتھ اسکواڈ کارندہ آتے جاگہ تننگ و ہندی بندغ آتے دشمن نا مخ تفی ٹی بیم تننگ تون اوار جتا بلوچ تحریک مخالف کاریمتیٹ تُد ئس۔

جیئند بلوچ ودیک پارے کہ بلوچ لبریشن آرمی اسہ وار پدا دا پاش پائک کہ اسہ بندغ اس چائے اونا تعلقداری ہمرو قومیت ئسے آن مرےاگہ کوزہ گیر لشکر یا اونا جوڑ کروک ڈیتھ اسکواڈ آتے کمک تس یا ہر وڑ ئنا بلوچ مخالف کاریم تیٹ اوار مس اودے ہچ وڑ آ بشخنگپرو وزوت یا ہُرے آ اونا ڈوہداری تا سزا المی تننگ مرو۔

ترجمان ودیک پارے کہ قلات نا علاقہ جوہان ئٹی تدوکا نن بلوچ لبریشن آرمی نا سرمچار آک کوزہ گیر پاکستانی لشکر نا اُلاخ آتیٹسوار کارندہ آتے ہمو وخت آئی ای ڈی جلہو ئٹ ٹک کریر ہرا وخت او پن کروک علاقہ ٹی گشت کننگ ئسر۔ جلہو ئٹ دشمن لشکر نا مُسہکارندہ ٹپی مسر و اُلاخ ءِ نسخان رسینگا۔

جیئند بلوچ نا پاننگ ئس کہ بلوچ لبریشن آرمی تومکا جلہو تا ذمہ واری ءِ ارفک و ننا جہد کوزہ گیر لشکر نا تیوہ پیشتمگ و اونا کمککار آتا ایسری اسکان برجاء مرور۔

یاتی مرے کہ داکان مُست ہم بلوچ سلاء بند تنظیم بی ایل اے پاکستانی لشکر، مخبر و تیل و گیس کشوک آ پروجیکٹ آتیا جلہو نا ذمہواری تے ارفیسہ بسنے۔

اندن برجاء تو ئٹ ہم بلوچ لبریشن آرمی قلات ئٹ تیل و گیس کمپنی سائیٹ، کوئٹہ ٹی زرغون گیس فیلڈ آ جلہو و تگران، گچک، بولان وقلات ئٹ پاکستانی لشکر آ جتا جلہو تا ذمہ واری تے ہم ارفینے۔

پُوسکنا حوالک

نن سر سہب مرون _ درناز رحیم

نن سر سہب مرون نوشت: درناز رحیم کنے اُرے تمنگ ئس، اینو کنا اکیڈمی نا اولیکو دے ئس و ای خواہتوٹہ...

ایران : مہسا امینی خون، پولیس و برانز کروک آتا جھڑپ آک، 50 بندغ مرگ نا گواچی

ایران ٹی حجاب وے کننگ آ دزگیر کروک مسڑ مہسا امینی نا خون آن گُڈ برجاء چک و تاڑ آتیٹ مرگ نا گواچی مروک آتا کچ 50 مس ۔  پولیس نا کریک ڈاؤن و بے دادی ٹی مرگ نا گواچی مروک آتا کچ 50 مس، مرگ نا گواچی مروک آتیٹ 5، سیکورٹی کارندہ ہم اوار ءِ۔  ہفت دے آن برجاء برانز آتا نیام ئٹ جتاء شار آتیٹ انٹرنیٹ کاریم بند ءِ و بے دادی آن زیات زیمی مروک علاقہ آتیٹ سیکورٹی کارندہ آتاکچ زیات کننگانے۔ ایران نا صدر ابراہیم رئیسی مہسا امینی نا خون نا سوب آتے چاننگ کِن پٹ و پول نا حکم تننگا ۔  ایرانی پولیس 22 سالہ مہسا امینی ءِ حجاب وے کننگ آ دزگیر کریسس و مُسہ دے آن گُڈ طبیعت نا خراب مننگ آ اسپتال آ دننگا ہراڑےاو 16 ستمبر آ مرگ نا گواچی مس، ایرانی پولیس مہسا امینی آ بے دادی کننگ نا دوبہ خلیسہ دعویٰ کریر کہ مہسا امینی ءِ اُست نادورہ مننگ نا سوب اسپتال آ دننگاسس ہراڑے او پدا جوان متو ۔  ایران پولیس نا دزگیری ٹی جتاء علاقہ آتیٹ برانز برجاء ءِ ہرانا وخت سیکیورٹی فورسز کارندہ آتا کریک ڈاؤن ٹی زیات بندغ مرگ ناگواچی مسونو ۔  ایلو پارہ غان بندغی حق آتا ادارہ ایرانی حکومت آ برانز نا برخلاف بے دادی تے توننگ کِن زور تِس۔ سی ایچ آر آئی اسہ بیان ئٹ پارےکہ حکومت نا پارہ غان برانز آ سُم کاری و آنسو گیس نا زریعت ئٹ پاش کننگ ءُ ۔ 

حب: روڈ شکست ٹی پنچ بندغ بیران و ٹپی

بلوچستان نا صنعتی شار حب چوکی ٹی مروک اسہ کسر  شکست ٹی اِرا بندغ بیران اندن مسٹ ٹپی مسونو ۔  کسر شکست حب چوکی نا علاقہ بھوانی نا ہند آ مس ۔ ہراڑے کار اُلاخ و ٹرک ئٹ دک لگا ۔  ذرائع تا ردئٹ کار اُلاخ ٹی مروک اسہ بندغ ئس ہمو وخت بیران مس ، اوکان گُڈ ٹپی مروک و جون آتے حب چوکی سول اسپتال آ دننگا ۔  یاتی مرے کہ بلوچستان ٹی مروک روڈ شکست آتیٹ دے پہ دے نا بنیات ئٹ بھاز آ بندغ آک ٹپی مریرہ ۔ تدوکا دے تیٹ کسر  شکست ٹیبلوچستان اسمبلی نا اسہ باسک ئس ہم اندا کسر  شکست آتیٹ بھاز ٹپی مسس ۔

کابل ٹی تراک، ہفت بندغ کسکر

افغانستان نا دارالحکومت کابل مسجد ٹی تراک آن ہفت بندغ مرگ نا گواچی و بھاز  بندغ ٹپی مسونو ۔ پیشن ملکی حوال تِروک ایجنسی نا...

مہسا امینی نا خون ، تیوہ ایران ٹی برانز برجاء

ایران ٹی پولیس نا دزگیری ٹی ورنا نیاڑی نا مرگ نا گواچی مننگ آ تیوہ ایران ٹی چارمیکو دے ہم برانز برجاء ءِ دا...