روس ئٹ اوار مننگ کن یوکرین نا کیئی علاقہ آتیٹ ریفرینڈم

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

یوکرین آن جتائی خواہوک آک ہرافتے روس ئنا مخ تفی تُد ءِ ماسکو تون اوار مننگ کن ریفرنڈم نا فیصلہ کرینو۔ کییف و اونا دے کہیسیوتیک ریفرنڈم نا مذمت ءِ کرینو و امریکہ روس ءِسخت بھرمنا تڑی ہم تسنے۔

قطبی و جاندمی یوکرین ئٹ روس ئنا کنٹرول ئٹ چار علاقہ ڈوینٹسک،لوہانسک، خرسون اور زاپوریژیا نا کوالخواہ تا پاننگ ءِ کہ او روسئنا بشخ مننگ کن ریفرنڈم کرفور۔

ووٹ آک 23 ستمبر آ بناء مرور و 27 ستمبر اسکان برجاء مرور۔ ہر چار علاقہ آتیان اسٹ آ ہم روس ئنا تیوہ کنٹرول اف، ڈونیٹسک ناتقریباً 60 درسد بشخ روس ئنا کوزہ ٹی ءِ۔

یوکرین و اونا سیوتیک ریفرنڈم نا مذمت ءِ کرینو۔ اوفتا پاننگ ءِ کہ دا پوسکن آ گامگیج آن روس ئنا لشکر نا جلہو تون بناء مروک ہفت توئنا نسخان پین ودنگ کیک۔

یوکرین ریفرنڈم نا منصوبہ ءِ روس ئنا کمک کار پاریسہ اوفتا پاننگ ئس کہ دا گام گواچنی ٹی جنگ ئنا پڑ آ مروکا نسخان آتیا پڑدہشاغنگ نا کوشست ئسے۔

یوکرین نا وزیر خارجہ دیمترو کولیبا اسہ ٹوئٹ ئسے ٹی پارے کہدا ڈھکوسلہ بازی آن ہچ اس بدل مفرو۔اونا ودیک پاننگ ئس کہ روسیوکرین نا ڈغار نا منَہ بشخ آتیا بے قانودی کوزہ کروک آ جلہو کار ئس و مرو۔ یوکرین ءِ تینا علاقہ آتے آجو کننگ نا تیوئی حق ارے و اوتینا علاقہ آتے آجو کریسہ کرو چائے روس انت کہ پائے یا کے۔

اندن اقوام متحدہ نا جنرل اسمبلی نا مجلس نا وخت آ نیویارک ئٹ ساڑی جہانی سروک آک ریفرنڈم نا منصوبہ نا مذمت ءِ کریر۔

ریفرنڈم نا بابت ئٹ سوج کننگ آ روسی ئنا وزیر خارجہ سرگئی لاوروف نا پاننگ ئس کہ فوجی آپریشن نا بنائی دے تیٹ نن پاریسُن کہدا علاقہ آتا بندغ آک بائدے تینا بخت ئنا فیصلہ ءِ کیر۔ و ساڑی آ حالیت دا ہیت ءِ پک کیک کہ او تینا بخت ئنا خواجہ تینٹ ءُ۔

تجزیہ کار آتا پاننگ ءِ کہ یوکرین نا علاقہ آتا روس ئٹ اوار مننگ ساڑی آ چک و تاڑ ئٹی پاش ودکی نا سوب جوڑ مرو انتئے کہ ماسکودا دعویٰ کننگ کیک کہ او یوکرین نا لشکر آن تینا ڈغار ءِ رکھنگ ءِ۔

سیاسی تھنک ٹینک آر پولٹک نا سروک تاتیانا استانووا حوالکاری ایجنسی روئٹرز تون تران کریسہ پارے کہ ریفرنڈم نا بارَو ئٹ دا غٹہیت آک روس ئنا کنڈ آن یوکرین و دے کہی ڈیہہ آتے اسہ پاش ءُ الٹی میٹم ئسے ءُ۔

پُوسکنا حوالک

نن سر سہب مرون _ درناز رحیم

نن سر سہب مرون نوشت: درناز رحیم کنے اُرے تمنگ ئس، اینو کنا اکیڈمی نا اولیکو دے ئس و ای خواہتوٹہ...

ایران : مہسا امینی خون، پولیس و برانز کروک آتا جھڑپ آک، 50 بندغ مرگ نا گواچی

ایران ٹی حجاب وے کننگ آ دزگیر کروک مسڑ مہسا امینی نا خون آن گُڈ برجاء چک و تاڑ آتیٹ مرگ نا گواچی مروک آتا کچ 50 مس ۔  پولیس نا کریک ڈاؤن و بے دادی ٹی مرگ نا گواچی مروک آتا کچ 50 مس، مرگ نا گواچی مروک آتیٹ 5، سیکورٹی کارندہ ہم اوار ءِ۔  ہفت دے آن برجاء برانز آتا نیام ئٹ جتاء شار آتیٹ انٹرنیٹ کاریم بند ءِ و بے دادی آن زیات زیمی مروک علاقہ آتیٹ سیکورٹی کارندہ آتاکچ زیات کننگانے۔ ایران نا صدر ابراہیم رئیسی مہسا امینی نا خون نا سوب آتے چاننگ کِن پٹ و پول نا حکم تننگا ۔  ایرانی پولیس 22 سالہ مہسا امینی ءِ حجاب وے کننگ آ دزگیر کریسس و مُسہ دے آن گُڈ طبیعت نا خراب مننگ آ اسپتال آ دننگا ہراڑےاو 16 ستمبر آ مرگ نا گواچی مس، ایرانی پولیس مہسا امینی آ بے دادی کننگ نا دوبہ خلیسہ دعویٰ کریر کہ مہسا امینی ءِ اُست نادورہ مننگ نا سوب اسپتال آ دننگاسس ہراڑے او پدا جوان متو ۔  ایران پولیس نا دزگیری ٹی جتاء علاقہ آتیٹ برانز برجاء ءِ ہرانا وخت سیکیورٹی فورسز کارندہ آتا کریک ڈاؤن ٹی زیات بندغ مرگ ناگواچی مسونو ۔  ایلو پارہ غان بندغی حق آتا ادارہ ایرانی حکومت آ برانز نا برخلاف بے دادی تے توننگ کِن زور تِس۔ سی ایچ آر آئی اسہ بیان ئٹ پارےکہ حکومت نا پارہ غان برانز آ سُم کاری و آنسو گیس نا زریعت ئٹ پاش کننگ ءُ ۔ 

حب: روڈ شکست ٹی پنچ بندغ بیران و ٹپی

بلوچستان نا صنعتی شار حب چوکی ٹی مروک اسہ کسر  شکست ٹی اِرا بندغ بیران اندن مسٹ ٹپی مسونو ۔  کسر شکست حب چوکی نا علاقہ بھوانی نا ہند آ مس ۔ ہراڑے کار اُلاخ و ٹرک ئٹ دک لگا ۔  ذرائع تا ردئٹ کار اُلاخ ٹی مروک اسہ بندغ ئس ہمو وخت بیران مس ، اوکان گُڈ ٹپی مروک و جون آتے حب چوکی سول اسپتال آ دننگا ۔  یاتی مرے کہ بلوچستان ٹی مروک روڈ شکست آتیٹ دے پہ دے نا بنیات ئٹ بھاز آ بندغ آک ٹپی مریرہ ۔ تدوکا دے تیٹ کسر  شکست ٹیبلوچستان اسمبلی نا اسہ باسک ئس ہم اندا کسر  شکست آتیٹ بھاز ٹپی مسس ۔

کابل ٹی تراک، ہفت بندغ کسکر

افغانستان نا دارالحکومت کابل مسجد ٹی تراک آن ہفت بندغ مرگ نا گواچی و بھاز  بندغ ٹپی مسونو ۔ پیشن ملکی حوال تِروک ایجنسی نا...

مہسا امینی نا خون ، تیوہ ایران ٹی برانز برجاء

ایران ٹی پولیس نا دزگیری ٹی ورنا نیاڑی نا مرگ نا گواچی مننگ آ تیوہ ایران ٹی چارمیکو دے ہم برانز برجاء ءِ دا...