سرزمین نا عاشق – دوستین بلوچ | مشمار بلوچ

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

سرزمین نا عاشق  

نوشت ۔ دوستین بلوچ

بدل ۔ مشمار بلوچ 

 دی بلوچستان پوسٹ 

دڑد آن پُر، تکلیف و سخت انگا سفر ئٹ ہنوکا مسافر ءِ کس گنوک آمخ و ناپوہ و گمراہ پائک۔ کنا تک ئنا رد ئٹ گنوکی، ناپوئی، گمرائی نا گڈیکو سیم اسکان ہم کس سر مرے ولے مرگ ءِ قبول کننگ آ پیڑزو مفک، خلق و کوچہ غا تیٹی چرینگوک و بد رد کروک آ گنوک آک ہم مرگ آن خُلیرہ۔ اخس بندغ گنوک مرے دیر و خاخر ئٹی تمنگ ءِ پیڑزو کپک ولے دا گنوکی آن مرگ ءِ خمب ئٹی ہلنگ ءِ تینکہ گمر چارہ۔ تو دا گنوک آک عاشق مریرہ۔ عشق متلب خاہوت نا عشق آخا، سنگت آتا عشق آخا، سیل و سوات نا عشق آخا، نوکری، روزگار و کھٹیا نا عشق آخا بلکن وطن نا عشق۔

ای تینا قلم نا نوک آن لمہ وطن نا اسہ بے کچ مہر کروک ءُ عاشق ئسے نا زند ئنا بارو ئٹ گڑاس نوشتہ کننگ خواوہ ۔ او عاشق او مڑد و غیرت مند پین دیر مننگ کیک۔  کوڈاسک شہول نا کوچہ غا تیٹی اسہ ہندن ءُ چناس ودی مس ہرا نا فیصلہ و بروکا دے تا بارو ئٹ کوڈاسک ہم بے سماء ئس۔

ہرا وخت دا چنا ودی مس تو سما اف اونا باوہ انت فکر کریسہ پن ءِ تہ عتیق تخاسس۔ ہرا وخت بنٹیری نا عمر آ سر مس تو دا دٙور اسہ چنا سیکن گوازی نا دیک مریرہ ولے او لس چنا تیان زرس جتا ئس۔ اونا ہمسنک کوڈاسک نا کوچہ غا تیٹی فٹبال و کرکٹ گوازی کریرہ و او شہید احسان و شہید شہداد نا جنسار آتے سینہ غا خلککہ۔ ہرا وخت شہید آفتاب جان نا شہیدی نا حوال ہر کنڈا تالان مس تو ایلو بلوچ آتے آنبار تینا جوزہ غاتے توننگ کتو تو اُراغان پیشتمسا مشتا کنڈا مون کرے ہراڑے استٹی دڑد تخوک آ وطن دوست آ عاشق آک ملرہ۔

عتیق بلوچ عرف قاضی ءِ لمہ ڈغار نا رکھ ئٹی شہید مننگ آ موارکی ایتنہ۔ عتیق بلوچ عرف قاضی اسہ مڑد ءُ سرمچار ئس ئسک۔ ہرا وطن نا عشق ئٹی تینا جان و ساہ غٹ ءِ ندر کرے۔ او وطن تون بے کچ مہر کروک ءُ تنظیم نا اسہ مخلص ءُ سنگت ئس ئسک۔ ہرا وخت عتیق جان اُراغان پیشتمسا مش تیا بس۔ اونا استٹی دشمن نا برخلاف بے کچ نفرت و غصہ ئس ۔ او پُر انگا جوزہ غا تون دشمن تو مون تسکہ۔

اسہ وخت ای و قاضی ایلو سرمچار سنگت آ تتون اوار مش تیٹی گشت کننگ ئسون۔ قاضی تینا زند ئنا داستان ءِ ہر وخت کنے بنیفیکہ۔ کسر ئٹی انسا قاضی نا دُو ٹی اسہ چلو ئس خناٹ۔ ای قاضی تون مسخرا ٹی پاریٹ دادے نا لیلی نے تسنے ۔ قاضی بشخندہ کرسا پارے امر ءُ ہیت کیسہ ای تو مدام تینا وطن تون عشق کرینٹ کنا لیلی کنا سرزمین ءِ۔ مونی انسا اسہ چشمہ سیا دیر کننگ کن سلیسن۔ قاضی زیباو خل ئسے آن بُک ہلیسہ پارے، ہُر کنا لیلی ءِ ، ای تینا لیلی تون اخس مہر کیوہ۔ سفر ئٹی انسا زیات اونا خڑینک آک ڈغار آ تمارہ۔ ای قاضی ءِ پاریٹ انتئے اوغنگ اُس؟ اُرا نا یات بننگ ءِ نے قاضی پارے آخا سنگت دا خوشی نا خڑینک ءُ کہ کنے خوشی مننگ ءِ کہ کنا لیلی کنے رسینگا۔ ای ہر وخت خوشی آن اوغوہ ای تینا جوزہ غاتے توننک کپرہ۔ اندا خاتران کنے تینا لیلی تون بے کچ عشق ارے ۔ او بھاز خوش اخلاق و خوش مزاج ءُ سنگت ئس ئسک ۔ زیات اونا دروشم آ اسہ خوشی سینا گروشک اس خناٹہ ۔ سفر ئٹی او زیات پند کننگ کتوکہ ۔ مننگ کیک چنکی ٹی تدینی سینا گواچی مسس ولے او ہچبر بے ہمت الو۔ او بلوچستان نا ورنا تیکن اسہ روشن ءُ کسر ئسے۔ او اسہ سوچ و نظریہ سے۔

ورنا تیان خواست کیوہ کہ او قاضی نا توفک ءِ ہچبر بٹنگ کن الیپس۔ ای سلام کیوہ قاضی بلوچ نا لمہ ءِ ہرا قاضی کونو چناس ودی کرے۔ شہید عتیق عرف قاضی 29 جولائی آ پروم دز نا ہندا دشمن تون دُو پہ دُو جنگ کرسا شہید مس و مدامی کن زندہ سلیس۔ 12 اگست آ اودے اونا باوہ پیرئی آ خلق کوڈاسک کہدہ ٹی بے کچ مہر و احترام ئٹی جہہ و جاہ کریر۔


دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔

پُوسکنا حوالک

ڈیرہ بگٹی: بِین ئنا سوب آن 13 سالی مار خودکشی کرے

ڈیرہ بگٹی نا تحصیل سوئی ٹی 13 سالی بینگن آ مار بارُن اِرغ نہ رسینگ نا سوب لخ ئٹی...

بیلہ: بیم بش کروک شکست ئٹ 39 بندغ کسکر

بلوچستان نا ضلع لسبیلہ نا تحصیل بیلہ ئٹ کوئٹہ آن کراچی ہنوک کوچ درنگ ئٹ تمنگ آن 39 بندغ مرگ ئنا گواچی و کہیک...

یروشلم ئٹ یہودی عبادت جاہ آ جلہو، ہفت بندغ مرگ ئنا گواچی

دے ٹکی یروشلم ئٹ یہودی تا عبادت جاہ آ جلہو نا سوب آن کم آن کم ہفت بندغ مرگ ئنا گواچی و 10 ٹپی...

ری امیجننگ پاکستان: بلوچستان ئٹ اسہ پوسکنو آزموندہ ئس؟

ری امیجننگ پاکستان: بلوچستان ئٹ اسہ پوسکنو آزموندہ ئس؟ دی بلوچستان پوسٹ سرگپ کوئٹہ ٹی "ری امیجننگ پاکستان" نا پن ئٹ اسہ مجلس اس ہڈ تننگا...

کولواہ: پاکستانی لشکر نا کیمپ آ جلہو، ذمہ واری ءِ بی ایل اے ارفے

بلوچستان نا ضلع کیچ ئٹ سلاء بند بندغ آتا بھلو کچ اس پاکستانی لشکر نا کیمپ ءِ جلہو ئٹ ٹک کریر و نرار۔ ٹی بی...