ذگر انگا لال آتا دے – کامریڈ وفا بلوچ

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

ذگر انگا لال آتا دے

نوشت: کامریڈ وفا بلوچ

دی بلوچستان پوسٹ

تینا راج نا ندر مروکا لال انگا گواڑخ آتا باروٹ ہیت و گپ کننگ یا گڑاس لوز نوشتہ کننگ آن زرس است سُبک مریک کہ اینو تینا ہموعظیم انگا شہید آتے نازیفنگ کن گڑاس لوز نوشتہ  کننگ اُٹ۔ ہرا وخت کہ راج نا دا لال آتا دلیری نا کسہ غاک است آ بریرہ تو اسہاندنو جوزہ ئس است اٹ ودی مریک کہ بندغ تینا جند نا وجود ءِ است آن دیک، موت نا خلیس دماغ آن پیشن مریک، زند نا آسودئیکاست آن کارہ، ورنائی نا است خوائیک بھاز پدی سلیرہ، بروکا وخت ٹی تینا ذاتی سرسہبی و چاگڑد نا شوشائی معتبری نا سوچ آتاگڑتی تیان پیشن مرسہ اسہ سوچ و فکر ئس تینائی کرسہ ہموڑا ندر مریک۔

 

راجی شہیداک تینا زند ءِ ندر کرسہ تینا لمہ وطن نا رکھ ءِ کرسہ راجی دیہاڑ اٹ ہمیش زندہ سلیسر۔ اینو نا سرحال اندا زندہ انگا شہیدآتا بابت منہ لوز نوشتہ کننگ اُٹ۔ دا اسہ گواچن ئسے کہ دا چنکا نوشت اٹ راجی ندری تا زند نا اسہ ساعت ئس ہم درشان مننگ کپک۔انتئے کہ دا شہید آتا زند اٹ ہرا مارشت، جوزہ، ہمت و قربانی نا شونک ودی مس و اوفک انداڑا ہرا ڈول سختی و سوری تے بشخندئیاٹ مُون ترسہ ندر مسر ہمو ساعت آک لوز آتیٹی درشان مننگ کپسہ۔ دافتا فکر و سوچ، جوزہ و ہمت آن ہرا سبخ بروکا چین ءِ رسینگا اوآجوئی نا کسر ءِ۔ داسا بلوچ نا ہر چنا تینا ڈغار نا آجوئی نا جوزہ ءِ تینا است اٹ جاگہی کرینے۔ اندا حالیت مچا دنیا نا مُون آ پاش ءِکہ بلوچ قوم نا راجی آجوئی نا جہد گڈیکو مزل اسکان برجا سلیک۔

 

دنیا ٹی ہمو راج آک شرف نا زند تدیفنگ ءُ ہرا کہ تینا ڈغار ءِ کوزہ گیر آتا دوتیان آجو کرسہ تینا ڈغار آ زند تدیفنگ ءُ۔ دنیا نا زوراک آسامراجی دُز و کوزہ گیر آتون مُون ترسہ تینا نزور آ ازباب و سلاء تیتون جنگ ترسہ آجو مسر۔ اندا قوم آتون جنگی ازباب و سلاء ناکمبوتی مسونے ولے ہرا طاغت اندا قوم تیتون مسونے او طاغت ءِ دنیا نا ہچو مشین ئس جوڑ کننگ کتنے او طاغت تینا راج کن ندر مننگ ناجوزہ نا طاغت ءِ۔ اندا قوم تیٹی راج کن مہر و مابت مسونے، تینا ڈغار نا رکھ اکن ندر مننگ نا جوزہ است آتیٹی تا مسونے تو تینا گڈیکوساہ اسکان جنگ ترسہ سرسہب مسونو۔

 

اگہ دنیا نا دیہاڑ اٹ اُورن، خوانن تو بے کچ ننے اندونو کسہ و گپ رسینگک کہ اسہ ٹولی ئس تینا ڈغار نا رکھ اکن تینا نزور آ جوْن وازباب و سلاء تا کمبوتی تیان بیدس ہم جنگ نا میدان اٹ جِک سلوک ئس تو ارٹمیکو ٹولی ہمو ڈغار آ کوزہ کننگ کن جدید انگا سلاءازباب آتون برسہ جنگ کننگ ئس۔ اندا جنگ ءِ آخرکار ہمو نزور آ  ٹولی کٹا ہراڑتون راجی آجوئی نا جوزہ ئس۔ انتئے کہ ہرا بندغ نااست اٹ تینا راج، قوم، ڈغار تون مہر مس تو اودے دنیا نا ہچو زوراک ئس پد بٹنگ کپک، اونا ہر کڑد زندہ سلیک، اونا فکر اودے گڈیکومزل اسکان سر کیک۔

 

اندا فکر و سوچ اودے موت آن پد ہم زندہ تخک۔ اندا فکر تون سنگتی اودے المی ایتک۔ اینو بلوچستان نا ڈغار آ بلوچ قوم نا ہزار آ ورناک،نیاڑیک، چناک پیرنگا پیہن ریشیک تینا ذگر انگا دتر تے شولیسہ دشمن ءِ دا باور کرفیر کے ننا زند نا مسخت تینا لمہ وطن نا آجوئی ءِ۔داڑان بیدس زند نا ہچو مسخت ئس اف۔ شرف نا زند تینا ڈغار آ آجو نا زند تدیفنگ نا ءِ۔

 

اگہ اینو ننا دا شہیداک تینا منہ دے نا آسودئی و آسراتی تیکن جہد ءِ ایسر کریرہ گڑا شاید اینو بلوچ قوم دنیا نا ذلیل و رسوا ءُ قوم ئسمسکہ۔ انتئے کہ اینو ہم دنیا ٹی گڑاس قوم اریر ہرافتے کس قوم ئس ہم تکیپک۔ اوفتا زند لعنت ئسے۔ اوفتے ہر کس تینا چوکری جوڑکیک۔ اوفک زند تدیفنگ ءُ ولے تینا منشا نا زند آخہ بلکن ہمو زوراک آتا منشا ٹی زند تدیفنگ ءُ ہرافک دافتے غلام جوڑ کرینو۔ دافتا بھلانزوری خلیس ئس، لالچ ئس۔  اِرا دے نا آسراتی نا لالچ دافتا نسل آتے غلام جوڑ کرے۔ اینو دن انگا قوم آتے اسہ ذلت سینا دروشم اٹمثال تننگک۔

 

شاید بلوچ قوم اگہ مزاہمت کتوکہ، اگہ نن انگریز و پاکستان نا غلامی ءِ منانہ و آسراتی نا لالچ اٹ چُپ توسنہ تو اینو ننا ہم حالیت رسواو ذلت نا زند ئس جوڑ مسکہ۔ ولے بلوچ قوم نا ہر چنا اینو فخر اٹ تینے بلوچ پائک، لکھک، گپ کیک۔ دنیا نا ہرا کنڈ ٹی کائک اسہ شرفئسے نا جاگہ ئس دوئی کیک۔ مچا دنیا بلوچ قوم ءِ شرف ایتک۔ دا نا سوب ننا شہید آتا کُربانیک ءُ، غلامی نا برخلاف جنگ ءِ، مزاہمت ءِ،راجی مہر ءِ، ڈغار نا رکھ ءِ، قوم، بولی، دیہاڑ و دود و ربیدگ ءِ زندہ تخنگ نا جوزہ ءِ۔

 

شرف نا زند بلوچ قوم ءِ راج کن ندر مننگ آن رسینگانے۔ تینا شہید آتا فکر و فلسفہ ءِ مونی دننگ کن اینو ہم ہزار آ ورناک تینا ساہ ءِدلدستہ تخیسہ تینا ڈغار نا رکھ اکن جہد ٹی ہمگام ءُ۔ جہد ٹی سختیک سوریک، لنگڑی ملاسی، ٹاک نیمروچ نا تہوش و برف نا سُوتڑوکا گوریچ، دشمن نا جدید انگا سلاء و جنگی جہازاک راجی فکری آ ورناتا کسر تے توننگ کپسہ۔ شہید آتا زگر انگا دتر ننا لمہ وطن ناآجوئی نا مزل ءِ پَک کرے۔ آجوئی اسکان بلوچ قومی جنگ برجا سلیک۔ دا کسر اٹ ندر مروکاک ہمیش قومی دیہاڑ اٹ زندہ سلیرہ۔ مچاقوم اندا سدخئی تیکن مہر کیک، فخر کیک، اوفتیا ناز کیک۔ راجی شہیداک مدام ننا است اٹ زندہ ءُ۔

پُوسکنا حوالک

ایران ءِ اقوام متحدہ ٹی زالبول آتا کمیشن آن کشنگ نا گمان ارے

برجاء سال ستمبر ئٹی ورنا کرد مسڑ مہسا امینی نا ایرانی پولیس نا دزگیری ٹی بےدادی ئٹ خون و...

ایلم شاہ فہد ءِ فورسز آک اُرا غان بیگواہ کریر، پاش کننگ مرے – رضیہ بلوچ

بلوچستان نا بنجائی شار شال ئٹی زوراکی نا بیگواہی تا برخلاف وائس فار بلوچ مسنگ پرسنز نا برانزی کیمپ اینو 4875 می دے ہمپریس...

سبی: اولیکو سندھ بلوچستان کرکٹ ٹورنامنٹ بناء مس

آل سندھ بلوچستان کرکٹ ٹورنامنٹ بناء مس، گوازیک سبی و حب چوکی ٹی مرور۔ بلوچستان نا ضلع سبی ٹی اولیکو آل سندھ بلوچستان کرکٹ ٹورنامنٹ...

کاہان آپریشن: خلنگوک بندغ آتا جون تیا فورسز آتا گھاٹ

تدوکا دے تیٹ بلوچستان نا ضلع کوہلو ٹی فوجی آپریشن ئٹی خلنگ مروکا بندغ آتا جونک کوہلو ڈی ایچ کیو آ رادہ کننگانو و...

پاکستان ءِ تروکا جی ایس پی پلس سٹیٹس آ یورپ دوارہ نظر شاغے – برلن مجلس

جرمنی نا بنجائی شار برلن ٹی ہندی جرمن گل ئنا کنڈ آن ڈیموکریسی اندا دے تیٹ بلوچستان انفو یونٹ نا پن آ اسہ دے...