مچھ آن نادرست سلاء بند بندغ آک کولا کانڑ نا 6 مزورکار ءِ برمتہ کریر۔
دی بلوچستان پوسٹ ءِ رسینگوک حوال تا رد ئٹ ہرنائی آن سلاء بند بندغ آک کولا کانڑ نا شش مزورکار ءِ برمتہ کرینو۔
ایس ایچ او نا رد ئٹ برمتہ مروک مزورکار تے سلاء بند بندغ آک توفک نا زور آ برمتہ کریسہ مَشی آ علاقہ تیٹ نرار۔ برمتہ مزورکار تیٹ چار نا تعلقداری پختونخواہ نا شانگلہ، اسٹ نا تعلقداری قلعہ عبداللہ آن ءِ اندن اوفتیٹ اسہ ہندی مزورکار ئس اوار ءِ۔
ایس ایچ او مچھ عمران اعوان نا رد ئٹ سلاء بند بندغ آک مزورکار تے ہموتم برمتہ کریر ہراتم او کاریم ءِ ایسر کریسہ کوٹی تیا ہننگ اسر۔ پولیس تدینی نا ایف آئی آر کریسہ مزورکار تا پٹنگ ءِ بناء کرینے۔