بلوچستان: جتا علاقہ آتیٹ پین شش جلہو

الّمی خوانبو

بلوچستان ئٹ پاکستانی لشکر آ جلہو تا لڑ برجاء، نادرست آ بندغ آک جتا علاقہ آتیٹ پاکستانی لشکر و مڈی دروکا لاری تے جلہو ئٹٹک کریر۔

بلوچستان ئٹ تدوکا بیست و چار گھنٹہ ٹی 17 جلہو مسنو ہراڑے پولیس، ایف سی و ایلو لشکری کارندہ آتیا جلہو کننگا۔

رسینگوکا حوال تا رد ئٹ بلوچستان نا صنعتی شار حب ئٹ اسٹ آن پد ایلو چغلی بمب آتیٹ بنجائی پولیس تھانہ و ایف سی چوکی تےٹک کننگا۔حب چوکی ٹی مروک تراک آتیٹ مُسہ پولیس کارندہ تون اوار ایف سی کارندہ آتا ٹپی مننگ نا حوال رسینگانے۔

فورسز و پولیس آ جلہو آتیان پد شار ئنا غٹ چنکا بھلا کسر تیا ایف سی و پولیس نا سخت ناکہ بندی کننگا

ایلو کنڈ آن کوئٹہ ٹی وقفہ وقفہ آن پد پین اِرا جلہو ئٹ نادرست آ بندغ آک سریاب روڈ و سیٹلائیٹ ٹاؤن ئٹ ایف سی ءِ ٹک کریر، کوئٹہٹی مروک تراک آتیٹ لشکری کارندہ آتا ٹپی مننگ نا حوال ارے ولے جلہو تا بارو ئٹ داسکان پین شابیتی حوال بروئی ءِ۔

کوئٹہ ٹی اینو مروکا دا مُسٹمی بمب تراک ءِ داکان مُست نادرست آ بندغ آک سبزل روڈ آ پولیس تھانہ ءِ چغلی بمب جلہو ئٹ ٹک کریسہنرار، سبزل روڈ جلہو ئٹ چار بندغ ٹپی مسوسر۔

ایڑے ضلع کیچ ئنا علاقے تربت ئٹی فورسز آتیا بیست و چار گھنٹہ نا نیام ئٹ مسٹمیکع بمب جلہو ئٹ تعلیمی چوک و جوسک ئٹ فورسزتے ٹک کننگا۔ داکان مُست تربت ئٹ بلوچ لبریشن آرمی نا اسہ جلہو اسیٹ پاکستان آرمی نا چار کارندہ مرگ ئنا گواچی مسوسر۔ داکانبیدس کیچ ئنا جتا علاقہ آتیٹ پاکستانی لشکر آ دئے ئنا کچ جلہو مسنے۔

خضدار آن رسینگوکا حوال تا رد ئٹ پولیس نا اُلاخ ءِ بمب جلہو ئٹ ٹک کننگانے ہرا ٹی کیہی پولیس کارندہ ٹپی مسنو۔

یاتی مرے کہ کوہلو ٹی یکشمبے نا دے پاکستانی لشکر نا اسہ قافلہ سے بمب جلہو ئٹ ٹک کننگا، ہرا ٹی کپٹن ئسے تون اوار پنچ کارندہکسکر و پین شش کارندہ ٹپی مسوسر۔ دا جلہو نا ذمہ واری ءِ بلوچ لبریشن آرمی ارفے۔

اندن بلوچستان نا ضلع قلات ئٹ نادرست آ بندغ آک سنگ مرمر دروکا لاری تی جلہو ئٹ ٹک کریسہ لاری ءِ بھس کریر۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...