خوشی تے ہلان| آشوب بلوچ

الّمی خوانبو

خوشی تے ہلان نم کن نن ارمان اسے تینا کرین

گوازی کرین نن مرگ اتو ذندان اسے تینا کرین

پرک تے ناز ایفے نہ نن شوکار خل کرا بلبل آک

تولوک اسون چلتن اٹ دیوان اسے تینا کرین

درتی نا عشق اٹ گم گار نن سر یلہ دا مش تیٹی

بیرک تو  تینا کس کن اک بولان اسے تینا کرین

نن ہڑس او فریب آن مر  درتی نا تینا عاشق آک

نن جوزہ او سگ ء بڑز تخان ایمان اسے تینا کرین

اس سیال ارا او آلم ہم اس خوش تروکو بیرم ہم

نن ڈے آنا دڑد ء پومسون درمان اسے تینا کرین

آشوب بلوچ

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...