فکر ءِ رزاق ءِ دیر توننگ کیک؟ | ارسلان بلوچ

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

فکر ءِ رزاق ءِ دیر توننگ کیک؟

نوشت: ارسلان بلوچ

دی بلوچستان پوسٹ

قوضہ گیر تینا قوضہ ءِ برجاء تخنگ کن مدام ہمو راج نا الس ءِ دا پائک کہ نم ہچ تپیرے جہان دے پہ دے آ ترندی ئٹ دیمروی نا پارہ غاگام تخنگ ءِ، جہان بھاز مہذب مسنے، نم داسکان ہمے مست نا سوچ ئٹ مست نا وڑ زند تدیفنگرے، نن نمے مست نا سوچ آتیان کشسہدیمروی نا پارہ غا دینہ، نن نمے خوانفسہ اسہ چاہندار و شوندار ءُ راج ئس جوڑنہ تاکہ جہان تون مون تریسہ پوسکنا جہان ئٹ گامتخبو۔

ولے جہان نا دیہاڑ دا ہیت نا شاہدی ءِ ایتک کہ قوضہ گیر نئے کہ اسہ راج ئسے مہذب جوڑانے، نئے دیمروی تسنے، قوضہ گیر نئے اسہراج ئسے تارمئی تیان کشسہ رژنا کرینے، نئے کہ قوضہ گیر اسہ راج ئسے چاہنداری ترسہ شوندار جوڑانے، بلکن دا ہیت راست ئسےکہ قوضہ گیر تینٹ غیر مہذب ئس مریک اندا سوب آن پین کس نا راج آ برسٹ اونا مال مڈی، پجار دود ربیدگ، بولی و خوانندی ادارہ تاقوضہ مریک، تاکہ دافتا مال مڈی تا لٹ و پل ءِ کرسٹ اوفتے بزگ و لنگڑ کیو، پجار و دود ربیدہ تے بیخ آن کشسہ غیر مہذب کیو تا و بولیو خوانندئی ادارہ تے تا قوضہ کرسہ اڑاند شاغو تانکہ اوفک چاہندار مفس۔

بلوچ راجی راہشون ئس سندھ ئٹ السی مچی سے تون تران کرسٹ پاہک کہ سامراج نئے کہ وخت ئس نمے خوانفو نئے کہ ننے اود مونمستی پاہک قوضہ گیر وختس ام دا خواپرو کہ بلوچ و سندھی خوانے، چاہندار مرے جہانز بال تننگ ایل کہ و پھگہ دے دا جہانز ءِ کنابرخلاف کارمز کے۔ اندن گنی بساؤ نا راجی راہشون کبرال نوشتہ کیک کہ فرانسی سامراج پنچ صد سال ئٹ 30 خوانندئی ادارہ جوڑتوولے نن 3 سال ئٹ ہزارا خوانندئی ادارہ تے جوڑان، داڑان دا ہیت پک مریک کہ جہان نا تہٹی اسہ قوضہ گیر ئس وخت ئس ام دا خواتنےکہ تینا قوضہ ٹی الوکا راج ءِ خوانفو چاہندار کیو۔

اندن انقلاب کیوبا ٹی چے گویرا نوشتہ کیک کے جنگی محاذ آ گیشتر زمیندار آک کنے آ بسرہ،خواست کریرہ کہ چے نی ننے خوانف،چے گویرہ مونی نوشتہ کیک کہ او زمیندار آک انداخس خواننگ نا است خوائی تخارہ کہ اوفک ہراتم اسکان زندہ ئسر مدام کنے آ برسہترند انگا جوزہ غاتے ٹی خواست کریرہ کہ ننے خوانف، دا جتاؤ ہیت ئس اس کہ او زمیندار تا سن سی یا چل سال نا ئس، ولے داڑان داپک مریک کہ اوفک تینا خوانوکا سن ئٹ خواننگ کتور یا قوضہ گیر اوتے جہان و تینا ڈغار نا گواچی حالیت آن بے پام کننگ کہ اوفتےخوانفتو۔ اندن بلوچستان نا حالیت ام اینو اندا وڑ ءِ، ہر بلوچ خواننگ خواہک، وخت و حالیت نا گرج آتے چاہنگ خواک، جہان ءِ پوہ مننگخواہک و تینا زمینی حقائق آتیان پامدار مننگ خواہک ولے، ولے پیشن نا زورآور امر خواہو کہ اوفک دا کل گڑاتے پُہہ مریر پدان کنکن کاٹمنا خڷ ئس جوڑ مریر؟

بلوچ خواننگ تپک:

بلوچ خواننگ تپک، بلوچ خوانپک، بلوچ ءِ مسہ سردار  پدماندہ تخانو، بلوچ نا خواننگ نا نزوری تا ذمہ وار سڑدار کو، پاکستان نا مخلوقمدام اندا شغان ءِ ترسہ ءِ، ولے بلوچ نا اینو ہر چنا، پیر و ورنا دا سوج آتا ورندی ءِ ترسٹ سوج کیک کہ نی تینا خنتے جوانیکا مل  ہر،ماریشت کر دیر خوانپک؟ ہمو مسہ سڑدار اینو جہان ئٹ افس ولے اینو بلوچستان ءِ پدماندہ تخنگ نا ذمہ وار دیر ءِ؟ نی بلوچ ءِ پدماندہتخنگ نا ذمہ وار سڑدار ءِ گوندسہ ولے او سڑدار دنا جوڑ کروکو دلار ئسے؟ او سڑدار ءِ نی دستار ءِ بینفنگ نا وخت آ انت وژن ئستسس؟

کتاب ءِ بُک الوکا تا ایسری:

دا اسہ دہائی اس مست ئنا تدینی سے کہ ہراتم آئی ٹی یونیورسٹی نا اسہ بلوچ ورناس کتاب آتے کٹ ئٹ تخسہ لاری سے ٹی تینایونیورسٹی آ اننگ مریک اندن کسری برمتہ کروکو منہ مول ءُ بندغ فورسز تون اوار لاری ءِ توریرہ سلیفرہ پدان لاری نا تہٹی پیہسہ ہموورنا نا جیب ئس جمب ئس شاغرہ، پدی اونا زنچخ ئٹ السہ اودے گررہ تینتون اوار دیرہ پدان اندا ڈوہ ءِ خلیرہ کہ دا تخریب کار ئسے۔

اندن دہائی اس مست اسہ پین تدینی اس مونا بریک ہراتم اسہ بلوچ زانتکار ئس بلوچستان یونیورسٹی سریاب نا مونا شال ئنا خازہانگا تہوئتون گوازی کرسٹ مریک کہ اودے دا تکسہ سم تا گواچی کیرہ کہ دا بلوچ راج ئنا سقراط ءِ اگہ داد پین زندہ رہینگا گڑا ہر بلوچراجی الس ءِ کتاب آتون انداخہ در گنڈو کہ پھگہ دے ہر بلوچ افلاطون نا وڑ ہر نا انصافی ءِ خوڑتی ئٹ ہرسہ اوفتا ایسری کن عملی گامگیچ کرو۔

اندن منہ سال مست کراچی یونیورسٹی نا خوانندہ سے نا سینہ ٹی ہشت سم چنڈسہ اودے دا سوب آن خلاس کیرہ کہ اود انتئےخوانک؟ اود انتئے پولکار ئس مننگ خواہک؟ اود انتئے چاہندار مرسٹ رسل نا وڑ ہر زوراکی نا برخلاف سوج چست کننگ خواہک؟

فکر ءِ رزاق ءِ ایسر کنگ نا بے سہب آ کوشست:

ای چنکی آ دا ہیت ءِ بنسٹ اٹ کہ بندغ کہیک ولے اونا نظریہ کسپک، اونا تالان کروکا شعور و شعور بشخوکا نظریہ ساندہ زندہسلک،اندن سقراط ءِ ہراتم مرگ ئنا سزا تننگ نا فیصلہ کیرہ گڑا سقراط نا کل شاگرد آک فریشان فریشان بریرہ، پدان سقراط تیناشاگڑد آتے پاہک کہ نم ہراتم کنے قبر ئٹ دڑفورے گڑا نم اندا تکرے کہ نم بیرہ کنا جون ءِ کڈ کننگ مرورے، نئے کہ کنا روح و نظریہ ءِاندن اگہ نظریہ کہوکو گڑاس مسکہ گڑا ہزار آ سال مست ئنا کڈ مروکا سقراط ءِ اینو کس تتوکہ۔

اندن دا ہمو وخت ئس ہراتم زانتکار، پولکار، شاعر، ادیب، خوانندہ و ہر فکر ئنا ورنا پیر کماش تا چشوک جون تے گلی، کوچہ، مش، شارو کڈ آتے ٹی بے خلیس خسارہ و ہرا بندغ بلوچستان نا دیمروی کن گام ارفیکہ گڑا اودے تڑی تسرہ کہ دا کسر آن ٹلہ یا نا ایسری اماندا مرو، اندن ایسر ئٹ دا تڑی پروفیسر رزاق ءِ ام تنننگا، اودے ام اندا پاریر دا کسر آن ٹلہ یا نا ایسری ام بابو صباء، زاہد آسکانی،ماسٹر علی جان نا وڑ مرو ولے رزاق دا سوچسہ اوفتا تڑی تا فکر ءِ کتو کہ ای اگہ اینو دا کسر آن ٹغلینگاٹ گڑا راج ءِ دیر پُہہ کرو؟اودے چاہنداری دیر ایتو؟ اوفک تینا راج ءِ دیمروی امر ترور؟اوفتا مون آ ہمو آدینک ءِ دیر تخو ہراٹی اوفک تینا راج ئنا نا خواندئی، بے پُہیتے خنسہ مارشت کیر و پدان دا نا خواندئی ءِ ایسر کننگ کن گام ارفر، اندن منہ وخت پد دشمن دا تکسہ اودے خلاس کرے کہ داڑان پدکس دنو ورنا ودی مروف ہرافک تینا راجی پدماندئی تے مارشت کیر۔ ولے اودے دا سماء الو کہ سقراط مرگ آن پد زندہ ءُ سقراط ئسسلیس۔

اندن منہ دے مست پروفیسر رزاق نا نظریہ تون گنڈوکو منہ ورنا رزاق نا نظریہ ءِ مونا درسہ کتاب مچی ئس ہڈ تننگ ئسر ولے ہمو خرماککتاب مچی ءِ ہڈ تننگ کن التور، بلکن مست ئنا وڑ تڑی تسر کہ نم دا کسر آن ٹغلینگبو، نم کتاب مچی ہڈ تفبو اگہ تسرے گڑا نما امایسری ہمود مرو ولے دا تڑی تان فکر رزاق ہراکان توننگ مریک؟ دا تڑی تیان نی ہمو نظریہ ءِ امر کھسفسہ ہرا دہ سال نا ءِ کھستو، بلکنترندی ئٹ پین ودسہ ءِ، مونی انسہ ءِ۔ داڑان نے دا کلہو رسینگک کہ نی فکر ءِ رزاق ءِ ایسر کننگ نا بے سہب ءُ کوشست ئس کریس، ہراناسوب آن اینو ہر ورنا رزاق نا وڑ تینا راجی دڑد آتے مارشت کرسہ تینا تینا بشخ ئنا کاریم ءِ سر ترسہ فکر ءِ رزاق ءِ مونی درسہ ءُ، ایسریسوج دا مریک کہ فکر ءِ رزاق ءِ دیر توننگ کیک؟

پُوسکنا حوالک

ڈیرہ بگٹی: بِین ئنا سوب آن 13 سالی مار خودکشی کرے

ڈیرہ بگٹی نا تحصیل سوئی ٹی 13 سالی بینگن آ مار بارُن اِرغ نہ رسینگ نا سوب لخ ئٹی...

بیلہ: بیم بش کروک شکست ئٹ 39 بندغ کسکر

بلوچستان نا ضلع لسبیلہ نا تحصیل بیلہ ئٹ کوئٹہ آن کراچی ہنوک کوچ درنگ ئٹ تمنگ آن 39 بندغ مرگ ئنا گواچی و کہیک...

یروشلم ئٹ یہودی عبادت جاہ آ جلہو، ہفت بندغ مرگ ئنا گواچی

دے ٹکی یروشلم ئٹ یہودی تا عبادت جاہ آ جلہو نا سوب آن کم آن کم ہفت بندغ مرگ ئنا گواچی و 10 ٹپی...

ری امیجننگ پاکستان: بلوچستان ئٹ اسہ پوسکنو آزموندہ ئس؟

ری امیجننگ پاکستان: بلوچستان ئٹ اسہ پوسکنو آزموندہ ئس؟ دی بلوچستان پوسٹ سرگپ کوئٹہ ٹی "ری امیجننگ پاکستان" نا پن ئٹ اسہ مجلس اس ہڈ تننگا...

کولواہ: پاکستانی لشکر نا کیمپ آ جلہو، ذمہ واری ءِ بی ایل اے ارفے

بلوچستان نا ضلع کیچ ئٹ سلاء بند بندغ آتا بھلو کچ اس پاکستانی لشکر نا کیمپ ءِ جلہو ئٹ ٹک کریر و نرار۔ ٹی بی...