فرانسیسی حکومت نا کنڈ آن ریٹائرمنٹ نا سن ءِ ودفنگ نا منصوبہ نا برخلاف تیوہ ملک ئٹی ہڑتال و مارچ ئٹ لکھ آ بندغ آک اوار مسر اندن ٹرین سروس و کیہی پرائمری اسکولک تیوہ دے مسر۔
پیشن ملکی میڈیا نا رد ئٹ فرانسیسی صدر ایمینوئل میکرون نا ریٹائرمنٹ ئنا سن ءِ اِرا سال آن ودیفسہ 64 سال اسکان کننگ نا منصوبہ نا برخلاف پنچ شمبے آ مروک تیوہ ملک ئٹی ہڑتال و مارچ ئٹ 10 لکھ آن زیات بندغ بشخ ہلکر اندن ٹرانسپورٹ، اسکول و ریفائنریز نا تلہ آتیٹ ہم ہڑتال کننگا۔
فرانسیسی وزارت داخلہ نا رد ئٹ پنچ شمبے آ تیوہ ملک ئٹ 1.12 ملین بندغ برانز کریر پیرس ئٹ مروک کل آن بھلا دپدرشانی ٹی ہشت لکھ بندغ بشخ ہلکر اندن ٹریڈ یونین تا پاننگ ئس کہ دا کچ اوکان ہم زیات ءِ پولیس پارے کہ پیرس مارچ آن مالو 15 و مارچ نا وخت آ پین 15 بندغ ءِ بیدس قانودی سلاء دننگ یا پروجیکٹائل خسنک کون آ ڈوہ تا دوبہ ٹی دزگیر کننگا۔
آپریٹرز تا رد ئٹ تیوہ فرانس ئٹ ہندی و علاقائی ٹرین سروس بند مس و پیرس تون اوار ایلو شار تیٹ پبلک ٹرانسپورٹ بھاز زیمی ئس کیہی پرائمری اسکولک تیوہ دے بند مسر۔
فرانسیسی کوالخواہ تا اندازہ ءِ کہ 40 درسد پرائمری استاد و 30 درسد آن زیات سیکنڈری استاد آک ہڑتال کریر پبلک سروس ریڈیو و ٹیلی ویژن تے ہم نسخان مس و منہ تھیٹر و عجائب اُراک بند مسر منہ ریفائنری تا ترسیل ءِ توننگا و توانائی نا ودشت ہم کم مسنے۔