پاراچنار: سم کاری تا تدینی تیٹ 8 استاد مرگ ئنا گواچی

الّمی خوانبو

پاکستان نا قبائلی علاقہ اپر کرم  ئٹ ہائی اسکول ٹی سم کاری نا تدینی مونا بسونے ہراٹی 7 استاد مرگ نا گواچی مسونو ۔

پولیس نا ردئٹ نا درست بندغ آک اسکول نا اسٹاف روم ٹی سم کاری کریر ، سم کاری نا تدینی آن گڈ اسپتال آتیٹ ایمرجنسی نافذکننگانے ۔

سم کاری آن ٹک کروک کُل ٹیچر آک امتحانی ڈپٹی آ مسوسر۔

داکان مالو اینو پارہ چنار ٹی ہِنوک گاڑی آ سم کاری کریسہ اسہ ٹیچر ئسے کسفنگاسس ۔

ہنوک گاڑی آ سم کاری کریسہ کسفنگوک استاد نا تعلق ہم تری مینگل ہائی اسکول آن ئسک ۔ ٹیچر محمد شریف ءِ  شلوزان روڈ آ سمکاری کریسہ ٹک کننگا ۔ ٹیچر آتے مرگ نا گواچی کروک آتا پٹ و پول برجاء ءِ  ۔

مرگ نا گواچی کروک استاد آتا جون آتے پارہ چنار اسپتال آ ہترنگا ۔ 8 استاد  نا مرگ نا گواچی کننگ آن گڈ امتحان آتے پدی سلیفینو۔

پُوسکنا حوالک

خضدار: زوراکی ئٹ بیگواہ کننگوک عبدالوہاب قلندرانی نا لمّہ کذیت کرے

اسہ سال ئس مُست پاکستانی لشکر نا دو آن زوراکی ئٹ بیگواہ کننگوک ورنا عبدالوہاب قلندرانی نا لمّہ کذیت...