پاکستان ئٹ ڈالر 298 رپئی نا مس

الّمی خوانبو

پاکستان ئٹ برجاء سیاسی چِک تاڑ و بے جاراتی حالیت نا وختا رپئی نا قدر ئٹ ہم ریکارڈ کمبوتی خننگ ئٹ بننگ ءِ۔ پنچ شمبے نا دےچرجوئی تو ارٹمیکو دے امریکئی ڈالر نا مون ئٹ پاکستانی رپئی نا قدر ئٹ بھلو کمبوتی اس خننگ اٹ بس۔

اسہ دے ئٹ انٹر بینک ئٹ اسہ امریکئی ڈالر نا نہاد پین ہفت رپئی 78 پیسہ زیات مریسہ 298 روپیہ اسکان سر مس۔ چار شمبے نادے کاروبار نا ایسری آ ڈالر نا نہاد 290 رپئی 22 پیسہ ریکارڈ کننگاسس۔

زرگزرانی چاہندار و چمشانک شاغوک عبدالعظیم نا پاننگ ءِ کہ دانا بنماسی سوب ملک ئٹ برجاء سیاسی چِک و تاڑ نا سوب زرگزرانیبے باوری ءِ۔

اونا پاننگ ئس کہ دا تیوہ غا حالیت ئٹ رپئی نا قدر ءِ ترند ءُ دک اس لگانے و دانا زیم بروکا دے تیٹ ملک ئٹ کبینی نا اسہ پوسکنودروشم اسیٹ مونا برو۔

عبدالعظیم نا پاننگ ئس کہ ملک ئٹ ہراتم آن کبینی نا ریکارڈ نوشت مننگ ءِ داخہ در کبینی خننگ متنے و بروک دے تیٹ دا ہچ کم خننگاٹ بفک۔


ایکسچینج کمپنیز ایسوسی ایشن پاکستان نا چیئرمین ملک بوستان نا رِدئٹ رپئی نا قدر ئٹ کمبوتی نا پد ئٹ تحریک انصاف نا کماشعمران خان نا دزگیری و اوکان گڈ امن و ایمنی نا ساڑی حالیت ءِ۔

اونا پاننگ ئس کہ زرگزرانی حالیت داخہ بدحالیت مسونے کہ داسہ گپ و تران آن بیدس ہچ ءُ کسر نسخان ءِ پورو کننگ کپک۔

حساب آتا رِدئٹ ڈالر نا مونا رپئی نا قدر ئٹ بیرہ اسہ توہ ئٹ 5 درسد و اسہ سال ئٹ 37 درسد تمنگ خننگ ئٹ بسونے۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...