بھیم ءِ کسف یا اودے ہلے نے کسفہ
نوشت: ضیاء دلجان بلوچ
مٹ: دروشم بلوچ
دی بلوچستان پوسٹ
سنگت بھیم گوڑیفوک ءِ یا نی اودے کسف یا اودے ہلے اود نے کسفہ، (Kill the fear or let it to kill you) اودے کسفنگ جوان مرو، ننا کاریم خلیس آن ہورک افک گڑا ننے اوڑکن تینے بھیم بش کروک جوڑوئی تمو۔ وخت و حالیت امر کہ مرے او نیتون ہمگرنچ ءُ کہ نی دافتے ہرا پارہ غا دیسہ و نا کاریم کننگ نا وڑ انت ءِ، جنگ اخس ترند مرو داٹی ننا فائدہ ءِ و ہیت ندری نا ءِ گڑا دا اندا کاریم تون ہمگرنچ ءُ، دا کسر ئٹ بھاز ہندنو تدینی ننا مون آ مرور ہرا اسہ است کُٹئی ءُ حالیت ئس ودی کیر۔ بندغی ملی خیال آتا دریاب ئسے ولے ننے سوگوی ئٹ دافتون مون تروئی ءِ و ننے دا وڑ ئنا ہر حالیت تون مون تروئی ءِ اگہ نزور مسن گڑا کاریم ئٹ نزوری برو و مزل اسکان سر مننگ بھاز ڈھکیہ مرو۔
خلیس اسہ گوریلا سے نا مرگ ءِ و تینے زندہ تخنگ کن دادے چٹفوئی تمو۔ہیت سلیس است بڈی نا، کلان بھلا است بڈ تینکن نن تینٹ ان انتئے کہ نا ملی نا پابند ءِ کہ نی اودے امرو رخ ئس تیسہ و امرو دروشم ئس تیسہ۔برجاء مزاجی ئٹ کاریم ءِ دروئی ءِ وختس مدان وختس ترند ولے اودے تورنگ نا و یلہ کننگ نا سوچ ءِ چٹفوئی ءِ۔ اینو اگہ “فیڈل کاسترو” تینا اولی بے سہبی ءِ خنسہ تینا مسخت آن پدی مسکہ گڑا بلکن کیوبا نا الس اینو اسکان غلامی ئٹ زند تیر کرسہ مسکہ۔ ننا کہیی ہمسر کہیی سنگتاک ننے آن جتاء مسنو و بروکا وخت ئٹ ہم دنو دے خننگ کن و حوال بِننگ کن رسینگو، بلکن نن مفن اگہ ای افٹ گڑا نے و نی متویس گڑا کنے آ فرض ءِ کہ اسٹ ایلو نا توفک ءِ موہاڑ کرسہ دژمن ءِ جارات نا تغ خننگ کن ہلیپن۔
دا ڈیہہ ننا ءِ و ننے داڑا بدری وڑو زند گدریفنگ آن بے وس کننگ ءُ ولے ننے دژمن ءِ باور و یخین تروئی تمو کہ بدر نن اففن بدر نی اُس۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک