ہفت سندھی راج دوست فورسز آتا دو آن بیگواہ

الّمی خوانبو

تدوکا مُسہ دے نا وخت ئٹ پاکستانی لشکر سندھی راج دوست پارٹی تیان تعلقداری تخوک ہفت بندغ ءِ دزگیر کننگ آن گڈ بیگواہ کرینے۔

وائس فار مسنگ پرسنز آف سندھ، سندھ سجاگی فورم و سندھ سبھا تینا آفیشل پیج آتیا یکہ بیان شینک کریسہ پارینو کہ پاکستانی ریاست سندھ ئٹ سندھی باسک آتا زوراکی ئٹ بیگواہی تیٹ ودکی ایسونے۔ داڑان گمان مریک کہ او سندھ و بلوچستان ئٹ بنگلہ دیش نا مثیال آتے دوارہ کننگ خواہک۔

اوفک پاریر کہ پاکستانی لشکر و اونا ایجنسیک سندھ ئٹ بندغی حق آتے لتاڑنگ ءُ۔ تدوکا مُسہ دے ئٹی سندھ ئنا جتاء علاقہ تیان ہفت آن زیات سندھی باسک آتے ارفیسہ زوراکی ئٹ بیگواہ کننگانے۔

بیان ئٹ پاننگا کہ استو کراچی ٹی سندھ سبھا نا آفس آ پاکستانی ایجنسیک جلہو کریسہ گڑا تے پرغار ہرا نا نن مذمت کینہ و آفس آن 2 سندھی باسک سجاد پنہیار و راجا گبول ءِ ارفیسہ زوراکی ئٹ بیگواہ کرینو اندن ایلو پارہ غان کورنگی نا علاقہ بلال کالونی آن ورنا شاگرد اصغر بھنگوار ءِ ارٹمیکو وار ارفیسہ بیگواہ کرینو۔ داڑان مالو ہم سیاسی باسک اصغر بھنگوار بیگواہ کننگانے۔ دافتیان بیدس سندھ ئنا ایلو علاقہ تیان برکت پیروزانی، لیاقت پیروزانی، اصغر شاہ و احسن لاشاری ءِ ہم زوراکی ئٹ بیگواہ کننگانے۔

اوفک پاریر کہ ریاستی بے دادی آ تیوہ سندھ ئٹ برانز نا پڑو کینہ۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...