بلوچستان نا ضلع کیچ ٹی پاکستانی لشکر آ جلہو ٹی ارا کارندہ مرگ ئنا گواچی مسونو۔
شابیتی حوال تا ردئٹ ضلع کیچ نا علاقہ زامران ٹی نا درست سلاء بند بندغ آک پاکستانی فورسز نا چوکی ءِ جلہو ٹی ٹک کریر۔
جلہو نا پک کریسہ پاکستانی لشکر نا شعبہ تعلقات عامہ آئی ایس پی آر نا پاننگ ءِ کہ بلوچستان نا ضلع کیچ نا علاقہ سنگوان ٹی سیکورٹی چیک پوسٹ آ جلہو کننگا۔
آئی ایس پی آر نا ردئٹ زیات سم کاری کننگ آن 2 کارندہ مرگ ئنا گواچی مسونو، مرگ ئنا گواچی مروک کارندہ آتیٹ 34 سال ئنا سپاہی حسنین اشتیاق نا تعلق ڈی جی خان و 27 سال ئنا سپاہی عنایت اللہ جھل مگسی نا ہندی ئسر۔
آئی ایس پی آر نا پاننگ اس کہ علاقہ ٹی دمدستی وڑ ئٹ کلیئرنس آپریشن بناء کننگانے۔