تربت ٹی زالبول نا وت کشی کننگ نا کوشست

الّمی خوانبو

بلوچستان نا ضلع کیچ نا بنجائی شار تربت آن رسینگوک حوال تا رد ئٹ زالبول ئس وتی کشی کننگ نا کوشست کرینے۔

تدینی تربت نا علاقہ آپسر ڈکی بازار نا ہند آ مسونے، پولیس نا ردئٹ آپسر ڈاکی بازار ٹی بنت دلپل پنی ءُ زالبول ئس زار کنیسہ وت کشی کننگ نا کوشست کرے ولے خاہوت نا ہمو وخت اسپتال آ دننگ نا سوب آن ڈاکٹر آک زالبول نا ساہ ءِ بچفیر۔

یاتی مرے کہ تدوکا دے آپسر بلوچی بازار ٹی اسہ زالبول ئس وت کشی کریسس،اندا وڑ اسہ ہفتہ ئس مالو مولا بخش پنی ءُ ورنا ئسے نا وت کشی کننگ نا حوال آک ہم رسینگاسر۔

اندن ضلع کیچ ٹی تدوکا دئے دے ئنا نیام ئٹی وت کشی نا دا مسٹمیکو رپورٹ ءِ۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...