بابر مجید آن مجید بریگیڈ اسکان | برزکوہی – نزہت بلوچ

الّمی خوانبو

بابر مجید آن مجید بریگیڈ اسکان

نوشت: برزکوہی | مٹ: نزہت بلوچ

دی بلوچستان پوسٹ

سوزہ رنگ، است اٹ تینا ہسونی تخوکا مخوکا چہرہ، صبر و سگ، دلیری و استقامت تخوکا بابر عرف فرید نی امر دا کم سنی ٹی تینا سوبری، خلوص، خدا نا تروک لائخی، ایمانداری، دلیری، نیت نا صفا و ادراک نا سوب آن ہراکان اراڑے ہناس۔

واقعی گڑاس بندغ ، بندغ آ تیان ودیک مریرہ ولے منہ بندغ انسان آن ود دیچا انت مریرہ۔ دائسکان او لوز و اصطلاح کنتون و جہان والا تون اف کہ ای کاریم ئٹ ہتیو۔ فرید بندغ آتیان ودیک دیچہ انت اس اسک۔

اراڑے و ارا خمیر آن جوڑ کروکا اسکا۔ فرید تینے ٹی اسہ فلسفہ، تحریک انقلاب و تیبہ ءُ نظریہ اس اسک۔ شاید فرید ءِ پُہہ مننگ ارزان الوکا ولے کم از کم منہ وخت اسکان اگہ ای پاو کہ ای فرید ءِ پُہہ مسوسُٹ و اودے بیان کننگ کیوہ ولے ولدا ام ای منیوہ کہ فرید ءِ پُہہ مننگ جتا ءُ ہیت اسے ولے بھازی آن درشان کننگ کنا وس انا ہیت اس اف انتئے کہ اینو ای ہرا کیفیت و عہد و ماحول آن گدرینگ اٹی اٹ، ہراڑے کرب، دڑد، اومیت، غم وغصہ، فخر کل آن ودیک فرید نا جسمانی وے مننگ بیرہ کن کہ آخہ بلکہ کل ئکن محشر نا میدان آن کم اف، اگہ کس اس فرید ءِ خنانے و سہی معنی ئٹ پُہہ مسنے۔

فدائی بابر تینا علمی کسر آتے رد کریسس کہ علم و دانش و ادراک ہمو مڈی ءِ ہرا عمر نی بھلُن مننگ ئٹی مچ کننگ مریک، او ثابت کریسس کہ کم سنی، شعوری پختگی، بالیدگی و ذہانت نا مون آ ہڑاند مننگ کپک۔

بااعتبار و ذمہ دار سنگت نا رد اٹ فرید 2012 آن بی ایل اے ٹی اوار مسک و 2015 آن باقاعدہ مجید بریگیڈ نا بشخ جوڑ مس و او تینٹ مسلسل سنگت آتا زور شاغاکہ و گیشتر خواست کریکہ کہ کنا مشن و کنا کاریم ہراتم مرو، بھازی آن سنگت آک فرید نا لائخی، اپروچ و سوچ ءِ نظر ئٹ تخسا فرید ءِ اونا گڈیکو مشن آ ہننگ آن توننگ ئسر، و پین کماحقہ و مشن اسے آ گدرینگ خواہارہ۔

سنگت نا رد اٹ، فرید تینا قابل اعتبار سنگت آ تے ساندہ پاریکہ “مجید بریگیڈ نا سینیئر کمانڈر 2015 آن ہلیس دائسکان کنے کنا مشن آ راہی کپسہ۔ دُن مف کے پاکستانی دلال ایجنٹ بریر ننے خلیر، گُڑا کنا خواہش پورو مروف اسٹ تو دژمن ءِ سبخ ہیل کرفنگ و ارٹمیکو کنا کُل آن بھلا خواہش کہ کنا شمار مرگ آن پد ساندہ کہ مجید بریگیڈ نا سنگت آ تون اوار مرے۔

خیر دژمن ءِ ہمر فرید نا کاریم، کڑد و عمل و خواری آن تکلیف اسک، او دژمن ءِ جوانی اٹ اندازہ ارے و ارٹمیکو بی ایل اے نا سینئر کمانڈ کونسل و آپریشنل کور کمیٹی نا سنگت آک فرید تون اوار فرید نا کڑد تون انصاف کننگ اٹ فرید ءِ اعزازی اٹ مجید بریگیڈ نا سنگت پاریر و اینو بابر مجید صرف بابر مجید نا وڑ استا شاغنگ مفک بلکہ مجید بریگیڈ نا فدائی تا وڑ امر مسک و تا قیامت اسکان دیہاڑ اٹی بابر فدائی اس مرو۔

کنے دائسکان باور بننگ اف کہ فرید ہنانے، دائسکان باور بفک کہ فرید نا میسج و فون کال آک بند مسنو، دائسکان یقین بننگ افک کہ او مخوکا چہرہ داسا نظر آن مر شہید آتا محفل ٹی تولوک بشخندہ اٹ دا لازم پارو کہ نن تحریک ءِ سنگت آ تا حوالہ کرینُن نن تینا وام و فرض ءِ پورو کرین۔

سنگت آک پارہ کہ اگہ فرید تینا محبوب لیڈر قائد جنرل اسلم بلوچ آ جلہو نا وخت آ بھاکر شاغسا جنرل ءِ بچفنگ نا کوشست کتوکہ تو فرید بچاکہ انتئے کہ اوڑے پین سنگت ہرا جلہو نا سیدھا پلویڑ ئٹ ئسر بچار، ولے فرید ہمو فدائی اسک او ساہ انا پرواہ کننگ آن بیدس تیبہ کوشست کرے کہ تینا جنرل و محبوب لیڈر ءِ بچفِہ، ہندا سوب آن فرید ہند آ شہید مس و جرنل اسلم ہسپتال اسکان زندہ اسک و تیبا کسر آ دا پاریکہ کہ پنجابیک ننے ہچ کننگ کپسہ، ای زندہ اسُٹ و زندہ مروٹ، بس کنے دا پابو ایو سنگت آک امر ءُ؟ گڈیکو ساہ اسکان او فرید و رحیم نا پنے ہلیسہ ہریفسہ کریکہ کہ او امر ءُ؟

کنا خیال آ ایلو بلوچ شہید آتا کڑد تون اوار اگہ فرید نا حقیقی کڑد ءِ ڈھکن دنیا و قوم انا مون آ انصاف و حقیقت نا بنیات اٹ ظاہر نا کننگ فرید و فرید نا کڑد تون نا انصافی دغابازی و غداری مرو۔

دا ہیت بالکل حقیقت ءِ داٹی ایرا رائے اف کہ بلوچ قومی تحریک ٹی کل شہیداتا وہوکا دتر، خاص وڑ ئٹ جنرل اسلم بلوچ و فدائی سرباز آ تا قربانی تیٹ بلوچ آ تیٹ خاص کر بلوچ ورنا تیٹ معمولی و غیر معمولی اگہ مرگ انا خوف ذہن ٹی تا اسکا او چھٹانے۔ اگہ اینو کس ئسیٹی خاص وڑ ئٹ کس جہد کار یعنی بلوچ جہد تون وابستہ جہدکار آتیٹ زرس بھی مرگ انا خلیس ارے تو او دا تلخ گواچنی ءِ قبول کننگ اٹ تینے بزدل بندغ آ تا لڑ ئٹی حساب کے، گڑا بہادر پُہہ مننگ و بہادری نا دعوہ کننگ، بہادر آ بندغ آ تا توہین مرو۔


دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔

پُوسکنا حوالک

خضدار: زوراکی ئٹ بیگواہ کننگوک عبدالوہاب قلندرانی نا لمّہ کذیت کرے

اسہ سال ئس مُست پاکستانی لشکر نا دو آن زوراکی ئٹ بیگواہ کننگوک ورنا عبدالوہاب قلندرانی نا لمّہ کذیت...