بلوچستان نا ضلع کیچ ئٹی سلہہ بند بندغ آک سم کاری کرسا اسہ بندغ ئسے مرگ ئنا گواچی کریر اندن کوئٹہ ٹی مسافر سم کاریکرسا رکشہ ڈرائیور نا خون ءِ کرے۔
تربت ئٹی سم کاری نا تدینی آبسر نا ہند آ مس، کسفنگوک بندغ نا چاہنداری رشید نا پن آن مسُنے ہرا کوالواہ بلور نا ہندی ئسے۔
ذرائع نا پاننگ ئس کہ پن کروک مسکوہی صوبائی وزیر ظہور بلیدئی نا خڑک ئس، اندن او گمانی ردئٹ نشہ بہا کننگ نا کاروبار ئٹی ہمتفوک ئس۔ واہم تدینی نا سوب آک دائسکان مونا بتنو۔
کوئٹہ نا علاقہ علمدار روڈ ناصر آباد نا ہند رکشہ نا تہہ ئٹ مروک رکشہ ڈرائیور آ سم کاری کرسا خون ءِ کرے و تدینی نا ہند آ نرنگ ئٹسرسہب مس۔
کسفنگوک نا چاہنداری مری آباد نا ہندی 40 سالہ حسین ولد یعقوب علی ہزارہ نا پن آ مسُنے۔