پڑی ئس دتر خید ئنا قطرہ دیخس
زمینے بکارے جغر انگہ دیخس
اتہ یار طالب نا نی نت تا مِش تے
کنا خنک خوارہ پدا سُرمہ دیخس
وجودے تا چپّی کرونک ہُرِس نی
رسینگے ننے مچ ءِ پین موقعہ دیخس
دبو پابو اِستار تے گُڑی کو وار ئے
خداغا سلوکے زرس تارمہ دیخس
اِرا جار ءِ چٹ خُڑک مرگے خنِنگ اُن
ننے ام دُعا تِسُّنے لُمّہ دیخس
وطن کپّہ غم نی نا مارُوک اِنانو
اتورک نا ٹپّ آتیکن پمبہ دیخس
اسہ وار نادان ایمان ایسک
مجالے مرو چپ پدا قِبلہ دیخس
عیسیٰ نادان