اوتھل، جیونی و کراچی آن پاکستانی لشکر ہشت بندغ ءِ دزگیر کریسہ بیگواہ کرینے اندن اسہ بندغ اس آجو مریسہ تینا اُرا ءِ سر مسنے۔
اوتھل آن بیگواہ مروکا غٹ ایگری کلچرل اوتھل یونیورسٹی نا خوانندہ ءُ، بیگواہ مروک خوانندہ تا کلاس فیلو تا پاننگ ءِ اوفتے پاکستانی لشکر اوتھل بازار آن دزگیر کرینے ہراڑان پد او بیگواہ ءُ۔
بیگواہ مروک خوانندہ تا چاہنداری گلاب، بالاچ، بیان و ناصر نا پن تیٹ مسنے۔
ایڑے دریابی ضلع گوادر آن حوال آک رسینگانو کہ جیونی آن پاکستانی لشکر فقیر محمد و اونا مار داد محمد و درجان پنی ءُ بندغ ئسے دزگیر کریسہ بیگواہ کرینے۔
اندن کراچی لی مارکیٹ آن رکشہ ڈرائیور دلمراد نا مار صدیق احمد ہند کھن گچک پنی ءُ بندغ اس ہم بیگواہ کننگانے۔
ایلو پارہ غا گوادر آن 22 نومبر آ پاکستانی لشکر نا دو آن بیگواہ مروک اللہ بخش نا مار شیہک ہند کیچ دشت بلنگور آجو مریسہ تینا اُرا ءِ سر مسنے۔