کوئٹہ شار و ایب کیب نا علاقہ آتیٹ اسہ وار پدا گیس نا کمبوتی ودی مس ہرانا برخلاف شاریک سریاب ٹی سونا خان تھانہ چوک آبرانز کریر و کوئٹہ کراچی بنجائی کسر ءِ بند کریر ۔
کسر نا بند کننگ نا سوب آن مسافر آتے باز فریشانی مس ۔ پاننگ آ کہ علاقہ ٹی بھلو وخت ئسے آن گیس اف ہراڑا شاریک گیس ئنا بندکننگ نا برخلاف برانز کریر ۔
برانز کروک آتا ردئٹ سونا خان تھانہ نا جتاء خلق آتیٹ کہی دے آن گیس بند ءِ و وار وار آ پاننگ آن پد ہم علاقہ ٹی گیس بحال متنے ہراناسوب آن مخلوق ءِ باز فریشانی مننگ ءِ ۔
او حکومت آن خواست کریر کہ گیس نا یلہ کننگ کن دمدستی گام ارفنگ مرے۔
یاتی مرے کہ بلوچستان ٹی اگست نا ایسری ہفتہ آ مروک بشام نا پِر آن گُڈ کوئٹہ تون اوار گیشتر علاقہ آتیٹ مُسہ ہفتہ اسکان گیس ناتننگ بند مس ہرانا سوب آن مخلوق باز فریشان ءِ۔