کینیڈا نا ویراعظم جسٹن ٹروڈو دارالحکومت اوٹاوا ٹی ایرانی زالبول مہسا امینی نا خون نا برخلاف برانز ٹی اوار مریسہ پارے کہ او مُدام ایرانی کمیونٹی تون اوار سَلوک مرون ۔
فرانسیسی توال تِروک ادارہ اے ایف پی نا ردئٹ جسٹن ٹروڈو مہسا امینی نا خون نا برخلاف مروک برانز ٹی اوار مروک آتون اوار مارچ ئٹ اوار مس ۔
سنچر ءِ برانز ٹی اوار مننگ نا وخت جسٹن ٹروڈو پارے کہ ‘ ایران ٹی زالبول آتے ، مسڑ ، بھلا لُمہ آک ، و گیشتر اتحادی تے نن گیرام کتنُن ، یاتی مرے کہ کرد ایرانی زالبول مہسا امینی ءِ پولیس دزگیر ٹی مرگ نا گواچی کننگ نا برخلاف برانز آتے بناء مننگ آ 40 دے آن زیات مسُنے ۔
جسٹن ٹروڈو برانز کروک آتون ہیت کرے و فارسی زبان ٹی توار ہم خلک ۔
اوفک ایرانی کمیونٹی ءِ مخاطب کریسہ پارے کہ ‘ تینا اسہ ہم ایڑ ئس پدی الوفَن ، جسٹن ٹروڈو کینیڈا نا حکومت نا پارہ آن ایرانی عہدیدار تیا عائد کروک پابندی تا ذکر کریسہ پارے کہ ایرانی حکومت نا پارہ آن بندغی حق آتا وار وار خلاف ورزی تا سوب دا اقدامات ارفیر ۔ کینیڈا نا گیشتر شار وینکوور ، مونٹریال و ٹورونٹو ٹی ہم مہسا امینی نا خون کننگ نا برخلاف برانز مسُر ۔