سئے شمبے نا دے بلوچستان نا جتاء علاقہ تیٹی روڈ شکست آتیٹ اسہ بندغ ئس بیران و پانزدہ ٹپی مسر۔
ضلع نوشکی ٹی آر سی ڈی کسر آ ڈیڈار آن خڑک ڈبل پک اپ شکست نا گواچی مس ہرا نا سوب آن اسہ بندغ اس بیران اندن دوانزدہٹپی مسر۔ ٹپی تے جانجوڑی کمک کن ہندی اسپتال آ سر کننگا۔
اسپتال ذرائع تا رد ئٹ ٹپی تیٹ زیات زالبول آک اوار ءُ ہرا جَن اس دریسہ مستونگ آ ہننگ ئسر۔
بیران مروک بندغ نا چاہنداری حاجی علم خان ساسولی نا پن ئٹ مسنے۔ جون ءِ الّمی کاروائی آن گڈ خاہوت ءِ تننگا۔
ایلو پارہ غا تربت نا علاقہ ڈھنک و اورماڑہ ٹی اِرا جتاء کار شکست آتیٹ ڈرائیور آک ٹپی مسنو۔ اوڑے بلیدہ نا علاقہ الندور ئٹ ترندرفتار اِرا ہزار گاڑی موٹر سائیکل سوار ءِ دک خلیسہ ٹپی کرینے۔
یاتی مرے بلوچستان ئٹ ہڑدے نا بنیات آ مونا بروک روڈ شکست آتیٹ کہی بندغ آک بیران مریرہ یا تیوہ زند اکن منڈ مریرہ۔