کیچ: ورنا تا زوراکی نا بیگواہی نا برخلاف برانز مسٹمی دے برجاء

الّمی خوانبو

بلوچستان نا ضلع کیچ آن تدوکا دے تیٹ پاکستانی لشکر نا دو آن بیگواہ مروکا خوانندہ آتا یلہ مننگ کن خاہوت آتا برانز اینو مسٹمیدے ہم برجاء سلیس۔

زوراکی ئٹ بیگواہ مروک ورنا تا آجوئی کن ہندی مخلوق و ورنا تا خاہوت آک بنجائی روڈ ءِ برانز کریسہ بند کریسر ہرا داسکان بند ءِ۔

برانز ئٹ روڈ ئنا بند مننگ نا سوب آن شال آن تربت و گوادر نا زمینی حوال کشکنگانے ہرا نا سوب آن اُلاخ آتا مرغن قطار لگانے۔

خیال مرے کہ ہژدہ دسمبر آ پاکستانی لشکر کیچ ئنا علاقہ شامی عمری کہن آن اِرا کم سن خوانندہ ءِ دزگیر کریسہ بے ڈس ءُ جاگہسے آ دریسس۔  بیگواہ مروکا تا چاہنداری فرسٹ ائیر نا خوانندہ بدیر حبیب و دہمی کلاس نا خوانندہ طارق بشیر نا پن ئٹ مسس۔

ہندی مخلوق و ورنا تا خاہوت آک پن کروک ورنا تا زوراکی نا بیگواہی نا برخلاف بنجائی کسر ءِ برانز کریسہ بند کرینو۔ برانز کروکا تاخواست ءِ کہ ورنا تے یلہ کننگ مرے و اگہ اوفتیا دوبہ اس ارے تو قانودی وڑ ئٹ اوفتے دزگیر کریسہ عدالت آ اتیر۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...