ضلع کیچ آن پاکستانی لشکر اسہ بندغ اسے زوراکی ئٹ بیگواہ کرے، اندن اِرا بندغ یلہ مسر۔
شابیتی حوال تا رد ئٹ پاکستانی لشکر سی سالہ وارث ولد حید ہند تگران آباد ءِ دزگیر کریسہ زوراکی ئٹ بیگواہ کرے، وارث مزور کار ئسے۔
اندا نیام ئٹ اِرا سال مالو پاکستانی لشکر نا دو تیان زوراکی ئٹ بیگواہ مروک ورنا پیر جان ولد لشکران ہند ھوشاپ یلہ مریسہ سلامتی ئٹ اُرا ءِ سر مس۔
یاتی مرے کہ پیر جان 2023 آ پاکستانی لشکر نا دو تیان زوراکی ئٹ بیگواہ مسوسُس، خاہوت تہ اونا یلہ مننگ ءِ پک کرینے۔
داڑان بیدس کیچ آن بیگواہ گلشیر ولد عبدالمجید ہند ڈہک گبین ہم یلہ مس۔
یاتی مرے کہ اودے مُسہ سال مالو گبین آن فورسز بیگواہ کریسُس۔