بلوچستان نا ضلع مستونگ ٹی چوتو نا ہند آ مروک سم کاری نا تدینی ٹی بلوچستان کانسٹیبلری ڈی ایس پی تون اوار اسہ کارندہ ئس مرگ ئنا گواچی و اندن مسٹ ٹپی مسر ۔
ترجمان حکومت بلوچستان نا ردئٹ نا درست سلہہ بند بندغ آک بلوچستان کانسٹیبلری نا ایکٹنگ ڈی ایس پی عبدالرزاق سواری نا گاڑی ءِ ٹک کریر۔ بنائی احوال آتا ردئٹ دا تدینی ہمو وخت مس ہراتم وخت او قلات آن کوئٹہ کن ہننگ ئسر۔
مرگ ئنا گواچی مروک و ٹپی کارندہ آتے زوت ئٹ خڑک ئنا اسپتال آ دننگا ہراڑے ٹپی مروک آتے جانجوڑی کمک تننگ ءُ ۔
ترجمان پارے کہ سیکیورٹی فورسز نا کارندہ غاک ہند آ رسینگانو و علاقہ ٹی لشکر کشی برجاء ءِ تانکہ ڈوہدار تے دزگیر کننگ مرے ۔
تدینی نا زمہ واری ءِ دائسکان کس ارفتنے ، بلوچستان ٹی فورسز ءِ ٹک کننگ نا تدینیک ہنوکا وخت ئٹ ہم مونا بریسہ مسونو ۔