ضلع کیچ نا علاقہ مند ئٹ اپسار ڈور آن استو خننگوک آ جون ئنا چاہنداری اسمائیل ولد نذیر ہند کہنک نا پن ئٹ مسونے۔
پولیس نا رد ئٹ جلال آباد و تلمب نا نیامی ہند آ اپسار ڈور ئٹ اسہ جون اس درو ہندی بندغ آک خنار۔
حوال رسینگ آن پولیس سر مس و ہندی بندغ آتا کمک ئٹ جون ءِ کشیسہ المی کاروائی آن گڈ خاہوت نا تا دوٹی تننگا۔
ہندی بندغ آتا پاننگ ءِ کہ اسماعیل ءِ کم و ود بیست دے مالو بودیگ ڈیم نا خڑک نادرست سلہہ بند بندغ آک برمتہ کریسر۔ استو او نا سم تیٹ اسٹ مروک جون اپسار ڈور نا خڑک خننگانے۔
واہم تدینی نا سوب آک دسکان سما تمنگ کتنو۔