بٹیٹ ای ضمیرے بٹیٹ ای حیا اے
خناٹ روڈا تولوک بنتء حوا اے
اوتا خنتٹی ای حیا ئس خناٹک
مسٹ ای تو بیوس تفیٹ تینا بائے
امر اونا رئی آ سلینگ کتوٹ ای
امر بے ضمیرس مسٹ ہائے ہائے
اریٹ امبلس ای مگر ای لغورٹ
توار خلپرہ کس کنا ہلپ سائے
اینو ایڑ ئسے روڈا گھریر او شریر
اینو اوڑتو مس تو پدا وار کنائے
قسمے کہ ترخک جغر لارٹی اے
کنا با تفوکے اگہ کس تو چائے
دا نازی آ گودیک اے مڑدنگا ایڑاک
دا دستار نا حق داسا پاوہ نمائے
راسخ بلوچ