کوئٹہ نا علاقہ گشکوری ٹاؤن آن ارا نیاڑی و ارا چنا تیتون اوار اسہ خاہوت نا چار بندغ ءِ زوراکی ئٹ بیگواہ کننگ نا تدینی مون آ بسونے۔
شابیتی حوال آتا رد ئٹ ۱۹ اگست ۲۰۲۶ آ سہب مہالو ۴ بجہ نا وخت آ گشکوری ٹاؤن کوئٹہ غان مستونگ نا ہندی اسہ خاہوت نا چار بندغ ءِ سی ٹی ڈی و ایف سی نا کارندہ غاک دزگیر کریسہ بیگواہ کریر۔
بیگواہ غا بندغ آتیٹی عبدالرسول نا بیست و ہفت سال نا مسڑ عمیرہ، ایلو بیست و ہشت سال نا تا مسڑ نجمہ اوار ئسر ہرا کہ ہڑتوماک ارا ئی ءُ نیاڑی ءُ۔ اوفتیتون اوار شہداد اسماعیل نا ہشت سال نا مسڑ پریسا ہراکہ مونٹسوری کلاس ئٹ خوانک و عبدالحق نا یک نیم سال نا مار زاکر ہم بیگواہ کننگانو۔