کڑد ئنا او سنگر اسک یار پھل ئنگا اسد
سنگتا تا دلبر اسک یار پھل ئنگا اسد
جنگ ئنا اے سختا سات ئٹ کتویس موکل تینے
نا جتائ محشر اسک یار پھل ئنگا اسد
سورگزی یا جان او جی ورناغا شیر جانے ننا
چلتنی یا جمر اسک یار پھل انگا اسد
بانڑی نا ٹولی ئٹ ئس دشمنے کشکا انا
رژن ئسے نا دیگر اسک یار پھل ئنگا اسد
اسِ سارنگ تون ظفر ہم جنگ ٹی نیتون اوار
مار یونس لشکر اسک یار پھل ئنگا اسد
انت لکیو یار زگرین مڑد ئنا کڑدار ئکن
زیب او شوخی ماپر اسک یار پھل انگا اسد
شاعری : زگرین بلوچ