ہنینا ہنوکا سنگت نا پن آ
سنگت ئَس اِمپَک اسُل استان
ہرا دے آن مُر مَسونے خنتیان
تر کیوہ خنتے سلوک ءِ مونا
پُل آ بالاد زیبا غا چہرہ ہو نا
گُڈی مُلاقات یات ءِ داسکان
اوڑ تو تولِنگ مخِنگ وُ کچاری
اوستہ بَریک اے سنگت نا اواری
اَمرو دے اَسور اَمو دیتے گوہان
مَسونے اُست ئَٹی ہونا اعلیٰ مقام
دعا گو اَریٹ تینا سنگت اَکن مدام
ارے داسہ راج ئنا غازی تون روان
مُقدس آ جُہد ئَٹی داسہ ؤ اوار
آجوئی کِن ورنا مرگ اَکے تیار
بے خوف ءِ سوگَو ءِ ہونا ایمان
نور ءِ خَنتہ کنا اودے خَنتہ دید
اودے مرشد کنا ای اُٹ ہونا مرید
ہو بے مَٹ مَسونے بُڑزے ہونا شان
تلاراتا گَڈِک ہتوسُس ہونا حوال ئَس
خَمپرہ تینا سنگت ءِ مَنِنگِ سال ئَس
انتظار اُن چِوا بَرو ٹیپُل آ نُما کاروان
زِند ئَٹی اسے وار ئس خنوسُٹ تا
ظہیری آ تینا خَنتے آ تِخوسُٹ تا
جمیل ہَنّا دے کنا اُست ئَنا ارمان
جمیل بلوچ