اسٹنگا حانی مرید آک ہزارا
نُم ء صد سلام ء شہید آک ہزارا
نما نَتا مشتے ای کیو سجدہ او یار
ہنینگا اصغر او سورابی آ مار
کہ نا رہبری آن ای رنگ ارفِو
تینا نظمُ شعر ء نا کڑدان شولِو
زباد عطرو عمبر ای چِٹکار ایتو
مُسے رنگ آ خیری ءِ نا قبرا شاغِو
او زیبا غا مارو چمن پھل گلابی
نی بشخاس ڈیھ ءِ کہ رنگ انقلابی
نا باسُن آ جوزہ دُن اشکر شلا یار
دا کورنگا مخلوک صفا خن ملا یار
اُمیت آک ڈیھ نا نوید آک ہزارا
ببو مُچ مبو یار مہرا تتو نُم
کہ اورناچی ورناک نصیر جان نا آلُم
شہیدا تا دے ءِ ببو شعر پابو
شہیداتے تینا شرف داد ایتبو
اے مولہ ئی چَکُّل کہ پورالی نا مش
نُما رکھ ئکن مس چُنڈ چُنڈ پش پش
دا مست توکلی آکو سمُل نا تینا
کریمہ نا دیدا کو شارُل نا تینا
دیہاڑ ئٹ کریرے رقم انقلابیک
شرف اینگ نمے آن ختم انقلابیک
مریو صدخہ نُمکہ مجید آک ہزارا
سلوک خنتا کوہ کَٹ نما فکر دلبرک
اے جوڑی آ پھلاک نوشکل نارہبرک
سلام صد سلام نے درُوت نیکہ نن پان
او خزمی خنی آ دلیر ہنگا ہمدان
نُم راجی آ مچی نا ہیروک ہُرے پھل
نُما کڑد ء بے مٹ شہیداک ننا کُل
کنا خیال ءِ شکی کہ نا مونا سنگت
اتیو لوز نیکہ ارا کا ای حکمت
نُما حق اداہی ءِ پابو امر کیو
نم ءِ تینا استان ہَرا خنتےتو دیو
او آجو نا ڈیواک امیداک ہزارا
دیہاڑ ئٹ نما پِن سلوک ءِ مدامی
کتاب آتا ورخ ئٹ نما کڑدِ خواندی
نی عُمر ئٹ چُنک آ دسیس سوچ بھلو
او فکری نعمت نے نا زیفے قلو۔۔
دتر ٹی کریر نُم چٹکار شال ئے
عمل نا نم تُخمان زیبدرا شال ئے
حبیب جان لاڈی دروت نے سلام پان
نے بادُر دلاور نے راہشون امام پان
ای ناز کیوہ الیاس نُما فکرو کڑد آ
سلام لھک نم ء پاو شہیداک مڑد آ
او سنگت ثناہ جان حمید آک ہزارا
سنگت الیاس بلوچ